ထိုင်းသကြားစက်ရုံ

July 28, 2021

စက်ရုံလုပ်သား ၉၀ ခန့် ကိုဗစ်-၁၉ ကူးစက်ခံရပြီးနောက် ထိုင်းသကြားစက်ရုံ ပိတ်ထားရ

ထိုင်းနိုင်ငံ၊ ဖက်ချာဘွန်ခရိုင်ထဲက သကြားစက်ရုံတခုမှာ စက်ရုံလုပ်သား ၉၀ လောက် ကိုဗစ်-၁၉ ရောဂါကူးစက်ခံရတာကြောင့် စက်ရုံကို သီတင်းပတ် ၁ ပတ်ကြာ ပိတ်ထားဖို့ အာဏာပိုင်တွေက အမိန့်ထုတ်ခဲ့ပါတယ်။

Thai Roong Ruang Industry ကုမ္ပဏီပိုင် အဆိုပါ စက်ရုံဟာ ဆီသက်ပ်ဒေသ တွင်းမှာ တည်ရှိတာဖြစ်ပြီး ထိုင်းကျန်းမာရေးတာဝန်ရှိသူတွေက စက်ရုံလုပ်သားတွေမှာ ရောဂါကူးစက်ခံထားရကြောင်း စစ်ဆေးတွေ့ရှိခဲ့ချိန်မှာ ခုလိုပိတ်သိမ်းဖို့ ဖြစ်လာခဲ့တာပါ။

 လတ်တလောမှာတော့ ခရိုင်ကူးစက်ရောဂါဆိုင်ရာကော်မတီက အဆိုပါစက်ရုံကို လာမယ့် ဩဂုတ် ၂ ရက်နေ့အထိ သီတင်း ၁ ပတ်ကြာပိတ်ထားဖို့ အမိန့်ထုတ်ပြန်ထားခဲ့ ပြီး ရောဂါကူးစက်ခံရတဲ့ စက်ရုံလုပ်သားတွေကို ဆီသက်ပ်ဆေးရုံမှာ ဆေးကုသမှုခံယူ တာ၊ နေအိမ်ကွာရန်တင်းထားရှိတာတွေ လုပ်ဆောင်စေဖို့လည်း ညွှန်ကြားထားတယ်လို့ ဆိုပါတယ်။

       သိပ်မကြာသေးခင်ကလည်း မြန်မာလုပ်သားတွေ အများစု လုပ်ကိုင်နေကြတဲ့ ကြက်သားစက်ရုံတရုံမှာ ကိုဗစ်-၁၉ ပိုးတွေ့လူနာ ၃,၄၈၁ ယောက် စစ်ဆေးတွေ့ရှိခဲ့ရ ပါတယ်။       ကိုဗစ်-၁၉ တတိယလှိုင်း ကူးစက်မှုတွေ မြင့်တက်နေတဲ့ ထိုင်းနိုင်ငံမှာ လတ်တ လောအချိန်ထိ ကိုဗစ်-၁၉ ရောဂါကူးစက်ခံရသူ အရေအတွက် ၅၄၃,၃၆၁ ယောက်နဲ့ သေ ဆုံးသူ စုစုပေါင်း ၄,၃၉၇ ယောက်ထိ ရှိနေပြီး ကမ္ဘာ့နိုင်ငံတွေထဲ ရောဂါကူးစက်မှု အမြင့် ဆုံးအဆင့် ၄၅ နေရာမှာ ရှိနေပါတယ်။

4 months Ago
Up