ထိုင်းဝန်ကြီးချုပ်

A d v e r t i s e m e n t With Us

February 26, 2021

ဦးဝဏ္ဏမောင်လွင်နှင့် တရားဝင်တွေ့ဆုံခြင်းမဟုတ်ဟု ထိုင်းဝန်ကြီးချုပ်ပြော

အာဏာသိမ်းစစ်ကောင်စီခန့်နိုင်ငံခြားရေးဝန်ကြီး ဦးဝဏ္ဏမောင်လွင် ပြီးခဲ့တဲ့ ရက်ပိုင်းက ထိုင်းနိုင်ငံကို လာရောက်ခဲ့တဲ့ ခရီစဉ်ဟာ   ထိုင်းနိုင်ငံအနေနဲ့ တရားဝင်တွေ့ဆုံတာမဟုတ်ဘူးလို့ ထိုင်းဝန်ကြီးချုပ် ပရယုဒ်ကျန်အိုးချားက ပြောပါတယ်။ 

ဝန်ကြီးချုပ်ဟာ  ဖေဖော်ဝါရီ ၂၄ ရက် ညနေက ထိုင်းအမျိုးသားရဲဌာနချုပ် အစည်းအဝေးခန်းကနေထွက်အလာ သတင်းထောက်တွေရဲ့ အမေးကို ခုလိုဖြေကြားခဲ့တာပါ။ 

“ဒါဟာတရားဝင်တွေ့ဆုံတာ မဟုတ်ပါဘူး။ နားလည်လား၊ ကိစ္စတိုင်းကို လာမမေးနဲ့၊ နိုင်ငံခြားရေးဝန်ကြီးဌာနရဲ့ အလုပ်ပဲ။ သူ့အလုပ် သူလုပ်နေတယ်။ တို့က မိတ်ဆွေနိုင်ငံအနေနဲ့ သူပြောတာကို နားထောင်ပေးရမယ်။ တို့က အာဆီယံအဖွဲ့ဝင်နိုင်ငံတစ်ခုအနေနဲ့ အချင်းချင်း အားပေးရမယ်၊ အရာရာအဆင်ပြေစေဖို့ အားပေးစကားတွေပြောလိုက်တယ်။” 

မြန်မာစစ်ကောင်စီကတော့ ဦးဝဏ္ဏမောင်လွင်ဟာ ထိုင်းဝန်ကြီးချုပ်ရဲ့ ဖိတ်ခေါ်ချက်အရ ထိုင်းနိုင်ငံကို သွားရောက်ပြီး ထိုင်းနိုင်ငံခြားရေးဝန်ကြီးနဲ့ရော အင်ဒိုနီးရှားနိုင်ငံခြားရေးဝန်ကြီးနဲ့ပါ တွေ့ဆုံခဲ့တယ်လို့ နိုင်ငံပိုင်သတင်းတွေမှာ ဖော်ပြခဲ့ပါတယ်။  ထိုင်းအစိုးရကတော့ ဒီသတင်းကို တရားဝင် ထုတ်ပြန်ခြင်းမပြုခဲ့ပါဘူး။ 

လတ်တလော မြန်မာနိုင်ငံဟာ နိုင်ငံတကာရဲ့စောင့်ကြည့်ခြင်းကို ခံနေရတဲ့နိုင်ငံဖြစ်တာ ကြောင့် ဦးဝဏ္ဏမောင်လွင်ထိုင်းကိုလာတဲ့ကိစ္စ ဖုံးဖိထားတာဟာ လူတွေကို လိုရာအမျိုးမျိုးဆွဲတွေး စေနိုင်တယ်လို့ ထိုင်းနိုင်ငံလူ့အခွင့်အရေးစောင့်ကြည့်ရေးအဖွဲ့မှ နိုင်းဆူနိုင်း ဖားဆုခ်က ထိုင်း ပီဘီအက်စ်သတင်းမှာ ပြောပါတယ်။ 

အာဏာသိမ်းအစိုးရရဲ့ ဝန်ကြီးကို ထိုင်းနိုင်ငံထဲအဝင်ခံလိုက်တာဟာ နိုင်ငံတကာ အမြင်မှာ ထိုင်းဟာ မြန်မာစစ်တပ်ရဲ့ အာဏာသိမ်းမှုကို လက်ခံလိုက်တဲ့ ပထမဆုံးနိုင်ငံ ဖြစ်သွားရာရောက်ကြောင်း၊ အာဆီယံနိုင်ငံက မြန်မာရွေးကောက်ပွဲပြန်ကျင်းပဖို့ အကြံပြုတာဟာ လည်းသူများနိုင်ငံအတွင်းရေးကို စွက်ဖက်ရာကျပြီး မြန်မာပြည်သူလူထုရဲ့ ဆန္ဒကိုလည်း ဆန့်ကျင်ရာကျတယ်လို့ နိုင်းဆူနိုင်းက ပြောပါတယ်။

မြန်မာစစ်အာဏာသိမ်းကိစ္စမှာ အမေရိကန်က အတိအလင်းကန့်ကွက်ထားတာကြောင့် ထိုင်း နိုင်ငံက မြန်မာစစ်အာဏာသိမ်းအစိုးရကို ထောက်ခံရင် အမေရိကန်နဲ့ ဆက်ဆံရေးလျော့သွားမှာ ကိုလည်း ထိုင်းပြည်သူတွေက စိုးရိမ်နေကြပါတယ်။ 

ဒါ့အပြင် ထိုင်းနိုင်ငံရဲ့ လက်ရှိအစိုးရကလည်း စစ်ကောင်စီအစိုးရဖြစ်ပြီး ကျောင်းသား ပြည်သူတွေရဲ့ ဆန့်ကျင်ကန့်ကွက်ဆန္ဒပြမှုတွေ ရင်ဆိုင်နေရတာကြောင့်  ထိုင်းအစိုးရနဲ့ မြန်မာ စစ်ကောင်စီ အစိုးရဟာ  အတူတူဘဲလို့လည်း လူမှုကွန်ရက်မှာ ဝေဖန်နေကြပါတယ်။

Photo-DSINFO

2 weeks Ago

February 23, 2021

ထိုင်းဝန်ကြီးချုပ် ပထမအကြိမ် ကိုဗစ်-၁၉ ကာကွယ်ဆေးထိုး

ထိုင်းဝန်ကြီးချုပ် ပရာယွတ်ချန်းအိုချာဟာ ပြည်သူလူထုယုံကြည်မှုကို မြှင့်တင်ဖို့ တရုတ်နိုင်ငံထုတ် Sinovac ကိုဗစ်ကာကွယ်ဆေးကို ပထမဆုံး ထိုးနှံခဲ့တယ်လို့ နေးရှင်းသတင်းမှာ ဖော်ပြပါတယ်။ အဆိုပါကာကွယ်ဆေးဟာ အသက် ၆၀ နဲ့အထက် သက်ကြီးရွယ်အိုတွေ ထိုးဖို့မသင့်လျော်ဘူးလို့ သူက ကနဦးတုန်းက ကြေညာခဲ့တာပါ။

တချိန်တည်းမှာပဲ ထိုင်းပြည်သူ့ကျန်းမာရေးဝန်ကြီး အနုတင် ချန်ဗီရာကူလ်က တော့ ကိုဗစ်-၁၉ ကာကွယ်ဆေးဟာ ထိလွယ်ရှလွယ် အခြေအနေတခုဖြစ်ပြီး အများပြည် သူကိုလည်း ရှင်းပြဖို့ လိုအပ်ကြောင်း၊ ကာကွယ်ဆေးစီမံမှုအဖွဲ့အနေနဲ့လည်း ဒါနဲ့ပတ်သက်ပြီး ဖိအားတွေ အများကြီး ရှိနေတယ်လို့ ပြောပါတယ်။

“ကျနော့်အနေနဲ့ ဖုံးကွယ်ထားတာ တခုမှ မရှိပါဘူး။ ဒါပေမဲ့ ကျနော့်ရဲ့ ဆုံးဖြတ် ချက်တွေကို ရှင်းပြနိုင်ဖို့ မှန်ကန်တဲ့ အချိန်ကို ရှာဖွေဖို့တော့ လိုအပ်ပါတယ်။ တကယ်လို့ များ ကာကွယ်ဆေးတွေ တင်ဆောင်လာတဲ့ လေယာဉ်ပျက်ကျတာမျိုးလို ကြိုတင်တွက်ဆမရတာမျိုး ဖြစ်လာမယ်ဆိုရင် ဘယ်လိုဖြစ်သွားမလဲ။ ကာကွယ်ဆေးရောက်မလာခဲ့ရင် ဒါက အစိုးရရဲ့ အမှားမဟုတ်တော့ဘူး။ ဘာလို့လဲဆိုတော့ ကျနော်တို့ဘက်က တာဝန်အပြည့်အဝပြီးစီးသွားပြီမို့လို့ပါပဲ”

အစားအသောက်နဲ့ ဆေးဝါးကွပ်ကဲရေးဦးစီးဌာနမှ အတွင်းရေးမှူးချုပ် ဒေါက်တာ ဖိုင်ဆန်ဒန်ခွန်ကတော့ Sinovac ကိုဗစ်ကာကွယ်ဆေးထိုးဖို့ မှတ်ပုံတင်တဲ့ အခြေအနေ ဟာ ပြီးစီးလုနီးပါးဖြစ်နေပြီဖြစ်ကာ လာမယ့် ဗုဒ္ဓဟူးနေ့မှာတော့ ပထမအကြိမ် ကာကွယ် ဆေး ၂ သိန်းအတွက် အသင့်ဖြစ်နေပြီဖြစ်တယ်လို့ ပြောပါတယ်။

လက်ရှိအချိန်ထိ ထိုင်းနိုင်ငံတဝန်းမှာတော့ ကိုဗစ်-၁၉ ရောဂါကူးစက်ခံရသူပေါင်း ၂၅,၅၀၄ ယောက်နဲ့ သေဆုံးသူ ၈၃ ယောက် ရှိနေတာ ဖြစ်ပါတယ်။

2 weeks Ago
More News
Up