ထိုင်းပြန်

A d v e r t i s e m e n t With Us

January 6, 2021

ထိုင်းဘက်မှ တရားမဝင်ပြန်လာသည့် အထောက်ထားမဲ့ ဘင်္ဂလီ ၄ ဦးကို ဖမ်းဆီးအရေးယူ

ထိုင်းနိုင်ငံ မဲဆောက်မြို့ကတဆင့် သောင်းရင်းမြစ်ကို ဖြတ်ကျော်ကာ မြန်မာနိုင်ငံဘက် တရားမဝင် ပြန်လည်ဝင်လာတဲ့ အထောက်အထားမဲ့ ဘင်္ဂလီ ၄ ယောက်ကို ဇန်နဝါရီ ၅ ရက် ည ၇ နာရီလောက်က ဖမ်းမိတယ်လို့  မြဝတီမြို့မရဲစ ခန်းမှူးဒုရဲမှူးအောင်ကျော်ဦးက ပြောပါတယ်။ ကရင်ပြည်နယ်၊ မြဝတီမြို့နယ် အမှတ်(၃)ရပ်ကွက်   အနီး ထိုင်း-မြန်မာနယ်စပ် သောင်းရင်းမြစ်ကို ဖြတ်သန်းပြီး ပြည်တွင်းကို ပြန်ခိုးဝင်လာတဲ့ မသင်္ကာဖွယ် အသက်၂၅ နှစ်နဲ့ အသက် ၆၀ အရွယ်ကြား အမျိုးသား ၃ ယောက်နဲ့  အမျိုးသမီး ၁ ယောက်ကို မနေ့ညနေပိုင်းက စစ်ဆေး တွေ့ရှိခဲ့တာပါ။ ဖမ်းမိသူတွေဟာ ရခိုင်ပြည်နယ်၊ ကျောက်တော်မြို့ သန်းခေါင်စာရင်း  မိတ္တူစာရွက်တွေ ကိုင်ဆောင်ထားတာကိုတွေ့ရလို့ နယ်မြေရဲတပ်ဖွဲ့နဲ့  လူဝင်ကြီးကြပ်ရေးနှင့် ပြည်သူ့ အင်အားဦးစီးဌာန တာဝန်ရှိသူတွေက  စစ်ဆေးနေတယလို့ မြဝတီမြို့မရဲစခန်းက နေသိရပါတယ်။ မြဝတီမြို့မရဲစခန်း စခန်းမှူး ဒုရဲမှူးအောင်ကျော်ဦးက  “လတ်တလော ကွာရန်တင်းစခန်းမှာ ပို့ထားတယ်။ ဆေးစစ်‌တာတွေ ဘာတွေ လုပ်ပြီးရင် အမှုဖွင့်ရမှာပါ။ ဘာလို့လဲ ဆိုတော့ ထိုင်းနိုင်ငံဘက်ကနေပြီး ပြန်ဝင်လာသူတွေ ဖြစ်နေလို့ပါ”လို့ ပြောပါတယ်။ ပြီးခဲ့တဲ့ ရက်ပိုင်းကလည်း  သထုံခရိုင် ပေါင်မြို့နယ် မုတ္တမကျေးရွာအနီး သံလွင်တံတားအဆင်းမှာ ဖမ်းမိခဲ့တဲ့ နိုင်ငံသား အထောက်ထားမဲ့ ဘင်္ဂါလီ ၁၉ ယောက်မှာ  ကိုဗစ်-၁၉ ရောဂါပိုးမတွေ့တဲ့အတွက်  ရခိုင်ပြည်နယ်သို့ ပြန်လည်ပြီးပို့ဆောင်မယ်လို့ ပေါင်မြို့နယ်ရဲတပ်ဖွဲ့မှူးရုံးကနေ သိရပါတယ်။ သတင်း- ရဲထွဋ်
2 months Ago

July 30, 2020

ထိုင်းနှင့် မလေးရှားပြန် ကိုဗစ်-၁၉ လူနာသစ် ၂ ဦးထပ်တွေ့ 

ထိုင်းနိုင်ငံနဲ့ မလေးရှားနိုင်ငံကပြန်လာတဲ့ ကိုဗစ်-၁၉ အတည်ပြုလူနာသစ်၂ ဦးထပ်တွေ့ရပြီး မြန်မာနိုင်ငံတဝန်းမှာ ကိုဗစ်-၁၉ လူနာစုစုပေါင်း  ၃၅၃ ဦးရှိသွားပြီလို့ ကျန်းမာရေးနဲ့ အားကစားဝန်ကြီးဌာနရဲ့ ဒီနေ့မနက် ထုတ်ပြန်ချက်အရ သိရပါတယ်။ အဆိုပါလူနာသစ် နှစ်ဦးကတော့ ထိုင်းနိုင်ငံကပြန်လာတဲ့  ရန်ကုန်တိုင်း ဒလမြို့နယ်နေ အသက် ၄၀ အရွယ် အမျိုးသားတစ်ဦးနဲ့ မလေးရှားနိုင်ငံကပြန်လာတဲ့ မွန်ပြည်နယ် ကျိုက်မရောမြို့နယ်က အသက် ၂၆ နှစ်အရွယ် အမျိုးသား တစ်ဦးတို့ဖြစ်ပါတယ်။ သူတို့ နှစ်ဦးဟာ  တွံတေးမြို့နယ်နဲ့ ၊ ကော့သောင်းမြို့နယ်မှာ အသွားအလာ ကန့်သတ်စောင့်ကြပ်ခံထားရသူတွေဖြစ်ပြီး ဝေဘာဂီနဲ့ ကော့သောင်းခရိုင်ဆေးရုံတွေမှာ တက်ရောက် ဆေးကုသမှုခံယူရမှာဖြစ်ပါတယ်။ ဇူလိုင် ၂၉ ရက်က အမျိုးသား ကျန်းမာရေး ဓာတ်ခွဲမှုဆိုင်ရာဌာန (ရန်ကုန်) (NHL) မှ (ဒုတိယအသုတ်) ဓာတ်ခွဲနမူနာ ၉၃၇ ခု။ ပြည်သူ့ကျန်းမာရေးဓာတ်ခွဲမှုဆိုင်ရာဌာန(မော်လမြိုင်) မှ (ဒုတိယအသုတ်) ဓာတ်ခွဲနမူနာ ၁၂၀ ခု၊ စုစုပေါင်း ၁,၀၅၇ ခုအား စစ်ဆေးပြီးစီးခဲ့ရာမှ လူနာသစ် ၂ ဦးထပ်တွေ့ရတာပါ။ မြန်မာနိုင်ငံမှာ ဇူလိုင် ၃၀ ရက် မနက် ၈ နာရီအထိ ကိုဗစ်-၁၉ ရောဂါဓာတ်ခွဲ အတည်ပြုလူနာပါင်း ၃၅၃ ဦး၊ သေဆုံးသူ ၆ ဦး၊ ရောဂါပိုးကင်းစင်လာသူ ၂၉၄ ဦးနဲ့ ဒီအထဲက ၂၇၉ ဦးပို ဆေးရုံမှ ဆင်းခွင့်ပြုခဲ့ပြီး ဖြစ်ပါတယ်။
7 months Ago
Up