ထိုင်းက ပြန်လာသူ

A d v e r t i s e m e n t With Us

September 17, 2020

မွန်ပြည်နယ်အတွင်း ထိုင်းက ပြန်လာသူ ၂ ဦး ကိုဗစ်ရောဂါပိုး တွေ့ရှိ

မွန်ပြည်နယ်အတွင်း ထိုင်းနိုင်ငံက ပြန်လာသူ ၂ ဦးမှာ ကိုဗစ်-၁၉ ရောဂါ ပိုးတွေ့ရှိခဲ့တယ်လို့ မွန်ပြည်နယ် ပြည်သူ့ကျန်းမာရေးဦးစီးဌာနက စက်တင်ဘာ ၁၆ ရက်နေ့ ညပိုင်း ထုတ်ပြန်လိုက်ပါတယ်။ ကိုဗစ်ရောဂါပိုး ကူးစက်ခံရတဲ့ ထိုင်းနိုင်ငံပြန်သူ ၂ ဦးဟာ ထိုင်းနိုင်ငံပြန် ကိုဗစ်လူနာ အမှတ် ၉၈၆ ကတဆင့် ရောဂါပိုး ကူးစက်ခံခဲ့ရတာ ဖြစ်ပါတယ်။ ရောဂါပိုး ကူးစက်ခံခဲ့ရတဲ့ ကိုဗစ်လူနာ ၂ ဦးဟာ မော်လမြိုင် ပညာရေးကောလိပ်မှာ အသွားအလာ ကန့်သတ်ပြီး စောင့်ကြည့်ထားသူတွေ ဖြစ်ပါတယ်။ ဒီကိုဗစ်လူနာ ၂ ဦးမှာ ၁ ဦးက မော်လမြိုင် အောက်ကျင်းရပ်ကွက်နေသူဖြစ်ပြီး ကျန် ၁ ဦးကတော့ ရေးမြို့နယ် လမိုင်းမြို့ နေသူ ဖြစ်ပါတယ်။ လက်ရှိမှာတော့ ရောဂါပိုး ကူးစက်ခံထားရတဲ့ လူနာ ၂ ဦးကို မော်လမြိုင်ပြည်သူ့ဆေးရုံမှာ ပြောင်းရွှေ့ကုသနေပါတယ်။ မွန်ပြည်နယ်မှာတော့ စက်တင်ဘာ ၁၆ ရက်နေ့ ညပိုင်းအထိ ရောဂါပိုး ကူးစက်ခံထားရတဲ့ ကိုဗစ်လူနာ ၈၇  ဦးအထိ ရှိလာခဲ့တာ ဖြစ်ပါတယ်။
6 months Ago

March 27, 2020

ထိုင်းက ပြန်လာသူ ဖျားနာသဖြင့် ပုသိမ်ဆေးရုံကြီးတွင် သီးသန့်ခွဲစောင့်ကြည့်

ဧရာဝတီတိုင်း၊ ပုသိမ်မြို့မှာ မတ် ၂၆ ရက်နေ့ ညပိုင်းက ကံထူးမောင်ခရီးသည်ယာဉ်နဲ့ လိုက်ပါလာတဲ့ ထိုင်းကပြန်လာတဲ့ အမျိုးသားတဦး ဖျားနာတာကြောင့် ပုသိမ်ပြည်သူ့ဆေးရုံကြီးမှာ ခေါ်ယူပြီး သီးသန့်ခွဲထား စောင့်ကြည့်ပေးထားတယ်လို့ ဆေးရုံအုပ်ကြီးက ပြောပါတယ်။ ပုသိမ်ဆေးရုံအုပ်ကြီး ဒေါက်တာ သန်းမင်းထွဋ်က “သူက ထိုင်းက ပြန်လာတာ၊ ဟိုမှာနေတုန်းက ဖျားခဲ့တာ ၅ ရက်လောက်၊ ခုတော့ ဖျားတာမရှိဘူး။ ဒါပေမဲ့ အိမ်ပြန်ရောက်ရင် လျှောက်သွားတာမျိုးတွေ လုပ်နေမှာစိုးလို့ ဆေးရုံကြီးမှာ ခေါ်ပြီး ခွဲထားတာပါ၊ သံသယလူနာမဟုတ်ပါဘူး” လို့ ဒီဗွီဘီကို ပြောပါတယ်။ ဖျားနာလို့ ပုသိမ်ဆေးရုံပြီးမှာ ခေါ်ယူစောင့်ကြည့်ခံနေရသူဟာ သာပေါင်းမြို့နယ်ဇာတိ အသက် ၂၈ နှစ်အရွယ်ရှိ အမျိုးသားတဦးဖြစ်ပြီး ထိုင်းနိုင်ငံကနေ ၂၃ ရက်နေ့ကပြန်ဝင်လာတာပါ။ မြဝတီကဆင့် ရန်ကုန်၊ ရန်ကုန်မှတဆင့် မြောင်းမြကားကို စီးကာ မြောင်းမြလမ်းခွဲမှာ ဆင်းကျန်နေခဲ့ချိန် တာဝန်ရှိတဲ့သူတွေက စစ်ဆေးပြီး ဆရာဝန်ကြီးတွေနဲ့ တွေ့ဆုံစေခဲ့တာလို့ ဆိုပါတယ်။ အဆိုပါအမျိုးသားကို ကားဆိုက်ရောက်ချိန်မှာ ကျန်းမာရေးဌာနက တာဝန်ရှိသူတွေက အပူချိန်တိုင်းချိန်မှာ ဖျားနာတာမျိုးမရှိပေမယ့် အိမ်ကိုပြန်လွှတ်ရင် အိမ်မှာမနေမှာစိုးလို့ လူတွေနဲ့မထိတွေ့အောင် ဆေးရုံကိုခေါ်ပြီး သီးသန့်ခွဲထားရတာလို့ ဆေးရုံအုပ်ကြီးက ပြောပါတယ်။ ဧရာဝတီတိုင်း၊ မြောင်းမြမြို့မှာ ကမ္ဘောဒီးယားနိုင်ငံက ပြန်လာတဲ့ အသက် ၃၈ နှစ် အရွယ် အမျိုးသားတဦး ဖျားနာနေတဲ့အတွက် ဆေးရုံကြီးမှာ ခေါ်ယူစောင့်ကြည့်ခဲ့ရတယ်လို့ မြောင်းမြခရိုင်ဆေးရုံအုပ်ကြီးက ပြောပါတယ်။ မင်းထက်မုန်း (ပုသိမ်)
11 months Ago
Up