ထိုင်းကျန်းမာရေးဝန်ကြီးဌာန

June 4, 2020

ကိုဗစ်ကာလ စည်းမျဉ်းချိုးဖောက်သည့် ထိုင်းကျန်းမာရေးဝန်ကြီးကို ဝေဖန်မှုမြင့်တက်

ကိုဗစ်-၁၉ ကပ်ကာလမှာ လူမှုအလှမ်းခွာ စည်းမျဉ်းစည်းကမ်းချိုးဖောက်ခဲ့တဲ့ ထိုင်းပြည်သူ့ ကျန်းမာရေးဝန်ကြီးကို ဝေဖန်မှုတွေ မြင့်တက်နေတယ်လို့ သည်နေးရှင်းသတင်းမှာ ဒီကနေ့ ဖော်ပြ ပါတယ်။ ဒါဟာ ဝန်ကြီး အနုတင် ချန်ဗီရာကူလ်က စားသောက်ဆိုင်တခုမှာ လူ ၁၀ ယောက်လောက် ဝိုင်းဖွဲ့ပြီး နီးနီးကပ်ကပ် စားသောက်နေကြတဲ့ ဓာတ်ပုံတွေ အင်တာနက်လူမှု ကွန်ရက်စာမျက်နှာ တွေပေါ် ပျံ့နှံ့ခဲ့အပြီးမှာ ဝေဖန်မှုတွေ ပြင်းထန်လာခဲ့တာပါ။ အင်တာနက်အသုံးပြုသူတွေကြားမှာတော့ ဝန်ကြီးက သူ့ဌာနက ချမှတ်ထားတဲ့ စည်းမျဉ်း စည်းကမ်းကိုတောင် လျစ်လျူရှုချိုးဖောက်သူလို့ ဆိုးဆိုးဝါးဝါး ဝေဖန်နေကြတာ ဖြစ်ပါတယ်။ ဒါဟာ ပြီးခဲ့တဲ့ မေလ ၂၀ ရက်နေ့က ဖြစ်ခဲ့တာဖြစ်ပြီး အဲဒီနေ့က ဝန်ကြီးနဲ့ အဖွဲ့ဟာ အဆိုပါ စားသောက်ဆိုင်ကို သွားရောက်စားသောက်ခဲ့ချိန်မှာ ဆိုင်ရှင်က ကျေးဇူးတင်ကြောင်း ဓာတ်ပုံရိုက်ပြီး အင်တာနက်လူမှုကွန်ရက်ပေါ် မျှဝေခဲ့ရာက စတင်ခဲ့တာ ဖြစ်ပါတယ်။ Seal Psychiatrist အမည်နဲ့ ဖေ့စ်ဘွတ်ခ်အင်တာနက်စာမျက်နှာပေါ်မှာတော့ ဝန်ကြီးဟာ ကိုဗစ်-၁၉ ကပ်ဘေးအတွက် လူမှုအလှမ်းခွာစည်းမျဉ်းစည်းကမ်းက ဘယ်လောက်အရေးကြီး ကြောင်း ပြည်သူတွေကို တွန်းအားပေးခဲ့ပေမယ့် သူကိုယ်တိုင်တော့ လိုက်နာဖို့ ပျက်ကွက်နေတာကို ထောက်ပြခဲ့တာပါ။ လူတွေအနေနဲ့ စံထားရမယ့် ပုဂ္ဂိုလ်တွေဆီက ဘယ်လိုပြုမူနေထိုင်ရမယ်ဆိုတာ သင်ယူရတာ ဖြစ်ပြီး အနုတင်ကတော့ ကိုယ်ချမှတ်တဲ့ စည်းမျဉ်းကို ကိုယ်ချိုးဖောက်သူ ဖြစ်တယ်လို့ အဆိုပါ စာ မျက်နှာပေါ်မှာ ဝေဖန်နေကြတာ ဖြစ်ပါတယ်။        ထိုင်းနိုင်ငံမှာ ကိုဗစ်-၁၉ ကူးစက်ခံရသူဦးရေ ၃,၁၀၁ ယောက်ရှိနေပြီး ၅၈ ယောက် သေဆုံးခဲ့ ကာ ၂,၉၆၈ ယောက်ကတော့ ပြန်လည်ပျောက်ကင်းသက်သာလာခဲ့ပြီ ဖြစ်ပါတယ်။        လတ်တလောမှာတော့ လော့ခ်ဒေါင်းဖြေလျှော့မှုအပြီး အများပြည်သူနဲ့ဆိုင်တဲ့ တချို့နေရာ တွေ၊ ရုံးတွေ၊ ကျောင်းတွေကို ပြည်လည်ဖွင့်လှစ်ဖို့ လုပ်ဆောင်နေတာ ဖြစ်ပါတယ်။
1 year Ago

March 31, 2020

ထိုင်းကျန်းမာရေးဝန်ကြီးဌာန ဝန်ထမ်း ၁ ဦး COVID-19 ကူးစက်ခံရ၊  ကျန်ဝန်ထမ်း ၃၀ ဦး စောင့်ကြည့်ခံရ 

ထိုင်းကျန်းမာရေးဝန်ကြီးဌာနက ဝန်ထမ်း ၁ ဦးမှာ ကိုရိုနာဗိုင်းရပ်စ်ရောဂါ ကူးစက်ခံနေရပြီး သူနဲ့ ပတ်သက်ခဲ့တဲ့ ၃၀ ဦးကိုလည်းစောင့်ကြည့်နေရတယ်လို့ ထိုင်းကျန်းမာရေးဝန်ကြီးဌာန COVID-19 အခြေအနေပြန်ကြားရေးအဖွဲ့ ပြောခွင့်ရ ဒေါက်တာ ထဝီးဆင် ဝိဆနုယိုးထင်းက ဒီကနေ့မနက် အစိုးရအိမ်တော် သတင်းစာရှင်းပွဲမှာ ပြောပါတယ်။  အဆိုပါ ကျန်းမာရေးဝန်ထမ်းဟာ အသက် ၄၆ နှစ်အရွယ် အမျိုးသား ၁ ဦးဖြစ်ပြီး ကျန်းမာရေဝန်ထမ်းဆိုပေမယ့် အစိုးရအိမ်တော်မှာ အချိန်ပြည့်တာဝန်ထမ်းဆောင်ခြင်းမရှိဘဲ ထွက်လိုက်ဝင်လိုက်သာလုပ်နေကြောင်း ၊ ဒါပေမယ့် အစည်းအဝေးတက်ရောက်တာတွေ ရှိခဲ့တယ်လို့ ဆိုပါတယ်။  ပြီးခဲ့တဲ့ မတ် ၂၆ ရက်ကစပြီး နာမကျန်းတဲ့အခြေအနေ အနည်းငယ်စတင်တွေ့ရှိခဲ့ကြောင်း ၊ အခုတော့ ကူးစက်ခံရသူအဖြစ်အတည်ပြုပြီး ဆေးရုံမှာ တက်ရောက်ကုသမှုခံယူကာ သူရဲ့ မိသားစု ဝင်တွေကိုရော သူနဲ့အတူ အစည်းအဝေးအတူတက်ခဲ့သူ ပတ်သက်သူပေါင်း ၃၀ ကျော်ကို မိမိနေအိမ်မှာ အခြေအနေစောင့်ကြည့်ဖို့မှာကြားထားတယ်လို့ ဒေါက်တာ ဝိဆနုယိုးထင်းက ပြောပါတယ်။  ထိုင်းနိုင်ငံမှာ ဒီမတိုင်ခင်ကလည်း  ဆေးရုံအုပ်ကြီးနဲ့ ဆရာဝန်တွေအပါအဝင် ကျန်းမာရေးဝန်ထမ်းပေါင်း ၉ ဦး ကိုရိုနာဗိုင်းရပ်စ် ကူးစက်ခံထားရပါတယ် ။  ရောဂါကူးစက်မှုကို ‌ေလျှာ့ချတဲ့အနေတဲ့ အစိုးရက မတ်လ ၂၆ ရက်မှာ အရေးပေါ်အခြေ အနေကြေညာပြီး ခရီးသွားလာမှုတွေ ကန့်သတ်ထားပေမယ့် ၅ ရက်ကြာလာတဲ့ထိ ကူးစက်သူအရေ အတွက် လျှော့မသွားဘဲ နေ့စဉ် ၁၀၀ ဝန်းကျင်လောက် တိုးပွါးနေပါတယ်။  ဒီကနေ့ မတ်လ ၃၁ ရက် ထုတ်ပြန်ချက်အရ နောက်ထပ်ကူးစက်ခံရသူပေါင်း ၁၂၇ ဦးရှိပြီး ၁ ဦးသေဆုံးသွားကြောင်း ၊ သေဆုံးသူမှာ တီးဝိုင်းအဖွဲ့ဝင် အသက် ၄၈ နှစ်ရှိ အမျိုးသားဖြစ်ပြီး  ဘန်ကောက် လုမ္ပဏီလက်ဝှေ့ရုံကို သွားရောက်ခဲ့သူလို့ဆိုပါတယ်။ သူဟာ ထိုင်းနိုင်ငံက COVID-19 ကူးစက်ရောဂါကြောင့် သေဆုံးသွားခဲ့ရသူတွေရဲ့ ၁၀ ဦးမြောက် ဖြစ်ပါတယ်။   လက်ရှိထိုင်းနိုင်ငံမှာ COVID-19 ကူးစက်ခံရသူ စုစုပေါင်း ၁၆၅၁ ဦးရှိပြီး အဲဒီထဲမှာ နိုင်ငံခြားသားက ၂၄၄ ဦး ၊ ထိုင်းက ၁၄၀၇ ဦး သက်သာပျောက်ကင်းသူ ၂၅၈ ဦးရှိပြီး ဆေးရုံမှာတက်ရောက်ကုသနေသူ ၉၁၇ ဦးနဲ့ စောင့်ကြည့်ခံနေရ သူပေါင်း ၁၈၆၉၆ ဦး ရှိပါတယ်။  ကိုးကား- NationTV
2 years Ago
Up