ထိုင်ဝမ်ရေလက်ကြာ

September 18, 2020

အမေရိကန်အရာရှိရောက်ချိန် ထိုင်ဝမ်ရေလက်ကြားတွင် တရုတ်စစ်ရေးလေ့ကျင့်

အမေရိကန်ထိပ်တန်းအရာရှိတဦး ထိုင်ဝမ်ကို လာရောက်ချိန်မှာပဲ ထိုင်ဝမ်ရေလက်ကြား အနီးမှာ တရုတ်က စစ်ရေးလေ့ကျင့်နေတယ်လို့ တရုတ်ကာကွယ်ရေးဝန်ကြီးဌာနက စက်တင်ဘာ ၁၈ ရက်မှာ ပြောပါတယ်။   အမေရိကန်နဲ့ တရုတ်ကြား ဆက်ဆံရေးတင်းမာနေပြီး အမေရိကန်က ထိုင်ဝမ်ကို အကူအညီ ပေးဖို့ ကြိုးပမ်းချိန်မှာပဲ ကျည်အစစ်အသုံးပြု စစ်ရေးလေ့ကျင့်မှုကို စတင်လိုက်တာပါ။  အမေရိကန် စီးပွားရေးရာထိပ်တန်းအရာရှိ  ကိသ် ခရပ်ချ်ဟာ  ၃ ရက်ကြာ ခရီးစဉ်အဖြစ် စက်တင်ဘာ ၁၇ ရက်က ထိုင်ဝမ်ကို ရောက်လာခဲ့ပါတယ်။  ကိသ်-ခရပ်ချ်ဟာ ထိုင်ဝမ်သမ္မတဟောင်း လီတန်ဟွေးရဲ့  ဈာပနအခမ်းအနား တက်ရောက်ဖို့ ရောက်ရှိလာတာပါ။  ခေါင်းဆောင်ဟောင်း လီတန်ဟွေးကို ထိုင်ဝမ်နိုင်ငံသားအတော်များများနဲ့နိုင်ငံတကာက  ထိုင်ဝမ်ဒီမိုကရေစီဖခင်ကြီးအဖြစ် လေးစားတန်ဖိုးထားကြပါတယ်။  ကိသ်ခရပ်ချ်ဟာ ဆယ်စုနှစ်များစွာအတွင်း ထိုင်ဝမ်ကို လာရောက်တဲ့ အဆင့်အမြင့်ဆုံး အမေရိကန်အရာရှိ တဦး ဖြစ်ပါတယ်။  စက်တင်ဘာ ၁၈ ရက်မှာတော့ တရုတ်ကာကွယ်ရေးဝန်ကြီးဌာန ပြောခွင့်ရပုဂ္ဂိုလ် ရန်ကို့ချန်းက  အမေရိကန်-ထိုင်ဝမ် ပူးပေါင်းဆောင်ရွက်မှုဟာ မကြာခဏဆိုသလို အနှောင့် အယှက်တွေ ဖြစ်စေတယ်လို့ သတင်းစာရှင်းလင်းပွဲမှာ ပြောပါတယ်။
7 months Ago

January 16, 2020

တရုတ်နယ်စပ်တွင် ထိုင်ဝမ်ဘက်က  စစ်ရေးတပ်လှန့်ထား

ထိုင်ဝမ်သမ္မတ ရွေးကောက်ပွဲမှာ စိုင်းအင်ဝမ် ထပ်မံရွေးကောက်ခံရပြီးနောက် ဇန်နဝါရီလ ၁၅ ရက်က တရုတ်နယ်စပ် ထိုင်ဝမ်ဘက်အခြမ်းမှာ စစ်ရေးအရ တပ်လှန့်ထားပါတယ်။ ချီရာယီ လေတပ်စခန်းမှာ အရေးပေါ်အခြေအနေအတွက် စစ်ရေးလေ့ကျင်တာတွေ လုပ်ခဲ့ပါတယ်။ ထိုင်ဝမ်လေတပ်နဲ့ တိုက်လေယာဉ်တွေအဖို့  တရုတ်နိုင်ငံ စိန်ခေါ်မှုက တကယ်ရှိနေပါတယ်။  အဲဒီလေတပ်စခန်းမှာ ပထမဆုံးအကြိမ်  အဆင့်မြင့် F-16V တိုက်လေယာဉ်တွေ ဖြန့်ကြက်ထားပြီး   F-16V တိုက်လေယာဉ်တွေဟာ အဆင့်မြင့် ရေဒါတွေ၊ အီလက်ထရွန်းနစ်စနစ်တွေ ပါရှိကာ ဝေဟင်မှ ဝေဟင်ပစ်ဒုံးကျည်တွေကို  တပ်ဆင်သွားမှာပါ။ တရုတ်နိုင်ငံဟာ တနှစ်ကို ဗုံးကြဲလေယာဉ် အစင်း ၂၀၀၀ လောက် ထိုင်ဝမ်ရေလက်ကြားကို စေလွှတ်တယ်လို့ ပြီးခဲ့တဲ့ နိုဝင်ဘာလမှာ ကာကွယ်ရေးဝန်ကြီး ပါလီမန်ကို ပြောခဲ့ပါတယ်။ ရွေးကောက်ခံ သမ္မတ စိုင်းအင်ဝမ်က ရေငုပ်သင်္ဘောလို အဆင့်မြင့်ပစ္စည်းတွေ ဖန်တီးနိုင်စေဖို့ ပြည်တွင်းလက်နက်ထုတ်လုပ်ရေးလုပ်ငန်းကို အဆင့်မြှင့်တာ အပါအဝင် ထိုင်ဝမ်ရဲ့ ကာကွယ်ရေးကို  ထိပ်တန်းဦးစားပေး အားဖြည့်သွားမယ်လို့ ကတိပြုပြောကြားခဲ့ပါတယ်။
1 year Ago
Up