ထိုင်ဝမ်ကျွန်း၊ ဟွာလီအန်မြို့မှာ ငလျင်ဒဏ်ကြောင့် လူဦးရေ ၇၀၀ ကျော်ကို အရေးပေါ် နေရာပြောင်းရွှေ့ထားရပါတယ်။ အဲဒီငလျင်ဒဏ်ကြောင့်  အဆောက်အဦ ၄ ခု ပြိုကျပြီး အနည်းဆုံး လူ ၁၀ ဦး သေဆုံးခဲ့ပါတယ်။ ၂၇၀ ကျော် ဒဏ်ရာရခဲ့ပြီး အခုချိန်ထိ ၇ ဦး ပျောက်ဆုံးနေဆဲဖြစ်တာမို့ အသက်ရှင်လျက် ကယ်ထုတ်နိုင်ဖို့ အပူတပြင်း  ကြိုးစားနေပါတယ်။ အခင်းဖြစ်တဲ့ ဖေဖော်ဝါရီ ၆ ရက်နေ့က ပြိုကျတဲ့ အဆောက်အဦတခုရဲ့ ၆ ထပ်မှာ နေထိုင်သူတဦးက ငလျင်လှုပ်လှုပ်ချင်း ည၀တ်အင်္ကျီနဲ့ ဘေးလွတ်ရာကို ထွက်ပြေးခဲ့တဲ့အကြောင်း ပြောပါတယ်။ အခုအခါ ငလျင်ဘေးဒုက္ခသည် ၇၀၀ ကျော်ဟာ ယာယီကယ်ဆယ်ရေး စခန်းတွေမှာ ခိုလှုံနေရပါတယ်။ ဟွာလီအန်မြို့ ဆေးပညာအဖွဲ့ ဆရာဝန်တဦးကတော့ “ငလျင်ဒုက္ခသည် အများစုက အခုချိန်ထိ ကြောက်စိတ်ဝင်နေဆဲဖြစ်ကြောင်း၊ အခုလို လူအများကြီးကို တစုတစ်ဝေးတည်း ထားရတဲ့အခါ ကူးစက်ရောဂါတွေ မပြန့်ပွားအောင် ဂရုစိုက်နေရကြောင်း” ရိုက်တာသတင်းဌာနကို ရှင်းပြခဲ့ပါတယ်။

စနေ့က ကျင်းပခဲ့တဲ့ ထိုင်ဝမ်သမ္မတရွေးကောက်ပွဲမှာ အတိုက်အခံ DPP ပါတီရဲ့သမ္မတလောင်း ဆိုင်ဝမ်င်း Tsai Ing-wen အနိုင်ရရှိခဲ့ပါတယ်။ ဒါဟာ ထိုင်ဝမ်အတွက်ရော၊ တရုတ် ဘာသာစကားပြောနိုင်ငံတွေထဲမှာရော ပထမဆုံးအမျိုးသမီးသမ္မတဖြစ်လာတာပါ။ တရုတ်နိုင်ငံနဲ့ ပေါ်လစီကတော့ လက်ရှိအခြေအနေအတိုင်း ဆက်သွားမှာဖြစ်ပြီး ထိုင်ဝမ်ရဲ့ ဒီမိုကရေစီလွတ်လပ်ခွင့်ကို တရုတ်နိုင်ငံက လေးစားရမှာဖြစ်တယ်။ တဖက်နဲ့တဖက် ရန်လို တိုက်ခိုက်တာမျိုးမဖြစ်စေရဘူးလို့ ရွေးကောက်ပွဲနိုင်အပြီး သမ္မတသစ်ကပြောဆိုပါတယ်။ တရုတ်နိုင်ငံက ထိုင်ဝမ်ကို ခွဲထွက်ပြည်နယ်တခုအဖြစ် သဘောထားပြီး လိုအပ်ရင် အင်အားသုံး သိမ်းပိုက်မယ်လို့ ခြိမ်းခြောက်ထားတာပါ။ သမ္မတသစ် ဆိုင်ဝမ်းက ထိုင်ဝမ်အတွက် စာမျက်နှာ သစ် ဖွင့်လှစ်လိုက်တာဖြစ်ပြီး သူ့ရဲ့သက်တမ်းအတွင်း ထိုင်ဝမ်ပြည်သူတွေရဲ့ စကားကို နားထောင်ပြီး တခြားနိုင်ငံရေးပါတီတွေနဲ့ ပူးပေါင်းအလုပ်လုပ်သွားမယ်လို့ပြောဆိုပါတယ်။ တရုတ်နိုင်ငံနဲ့ ဆက်ဆံရေးမူဝါဒဟာ ထိုင်ဝမ်ပြည်သူတွေရဲ့ ဆန္ဒပေါ်မူတည်တယ်လို့လည်း ပြောဆိုပါတယ်။ သူ့ကို ထောက်ခံကြိုဆိုခဲ့ကြတဲ့ တရုတ်နိုင်ငံနဲ့ ဂျပန်နိုင်ငံတို့ကို ကျေးဇူးတင်ရှိပြီး ဒေသတွင်း ငြိမ်းချမ်းရေးနဲ့ တည်ငြိမ်ရေးကို ကာကွယ်ထိန်းသိမ်းမယ်လို့လည်းပြောပါတယ်။ ဒီထိုင်ဝမ်ရွေးကောက်ပွဲဟာ ပြီးခဲ့တဲ့နှစ်ကုန်ပိုင်းက ထိုင်ဝမ်နဲ့ တရုတ်ခေါင်းဆောင်တွေ ပထမဆုံး သမိုင်းဝင်တွေ့ဆုံမှုအပြီး ပထမဆုံးကျင်းပတဲ့ ရွေးကောက်ပွဲလည်းဖြစ်ပါတယ်။ ထိုင်ဝမ်ရဲ့ အနှစ် ၇၀ ကြာသက်တမ်းအတွင်း ကူမင်တန်ပါတီနဲ့ DPP ပါတီတို့ကသာ အဓိကယှဉ်ပြိုင်ခဲ့ကြပြီး ကူမင်တန်ပါတီက အဓိကကြီးစိုးခဲ့တာပါ။ အတိုက်အခံ DPP ပါတီအတွက်ကတော့ သမ္မတ ချန်ရွှေဗျင်းပြီးရင် ဒါ ဒုတိယအကြိမ် သမ္မတရွေးချယ်ခံရတာပါ။ လက်ရှိအင်အားနည်းနေတဲ့ ထိုင်ဝမ်စီးပွားရေးနဲ့ တရုတ်ပြည်မကြီးအပေါ် လက်ရှိထိုင်ဝမ်ပြည်သူ တွေရဲ့ သဘောထားဟာ ဒီသမ္မတသစ်ကို ရွေးချယ်လိုက်တဲ့အပေါ်မှာ အများကြီး အကျိုးသက်ရောက်မှုရှိတယ်လို့ ထိုင်ဝမ်သတင်းတွေက ရေးသားဖော်ပြကြပါတယ်။