ထိုင်းနိုင်ငံ ပတ္တယားတွင် နိုင်ငံခြားသူ ပြည့်တန်ဆာ ၄၀ ခန့် ဖမ်းမိ

May 4, 2017

ထိုင်းနိုင်ငံ ပတ္တယားတွင် ရွှေ့ပြောင်းအလုပ်သမား ၃၀၀ ကျော် ဖမ်းဆီးခံရ

ထိုင်းနိုင်ငံအရှေ့ပိုင်း ချွန်းပူးရီးခရိုင် ပတ္တယားဒေသ ဆောက်လုပ်ရေးလုပ်ငန်းခွင်တခုမှာ ဥပဒေနဲ့မညီတဲ့ ရွှေ့ပြောင်းအလုပ်သမားပေါင်း ၃၀၀ ကျော် ဖမ်းဆီးခံရတယ်လို့ မန်နေဂျာအွန်လိုင်းသတင်းမှာ ဖော်ပြပါတယ်။ ပတ္တယားဒေသ ဘန်လမုန်းမြို့ရှိ ဆောက်လက်စ Terminal 21 Pattaya ကုန်တိုက်ကြီးတခုမှာ တရားမဝင်အလုပ်သမား အများအပြားရှိကြောင်း ဒေသခံတွေရဲ့ တိုင်ကြားချက်အရ ပထမဆုံး လူလွှတ်ထောက်လှမ်းခဲ့ပြီး သတင်းပို့ချက် မှန်ကန်တာနဲ့ မနေ့မနက်က အုပ်ချုပ်ရေး၊ ရဲတပ်ဖွဲ့၊ စစ်တပ် စတဲ့ ပူးပေါင်းအဖွဲ့တွေနဲ့အတူ သွားရောက်စစ်ဆေးခဲ့တာလို့ ဘန်လမုန်းမြို့နယ် အုပ်ချုပ်ရေးမှူး နိုင်းနရစ် နိရာမိုင်ဝုန်းက သတင်းထောက်တွေကို ပြောပါတယ်။ စစ်ဆေးချက်အရ ဥပဒေအတိုင်း လိုက်နာဆောင်ရွက်ခြင်းမရှိတဲ့ အလုပ်သမားပေါင်း ၃၀၀ ကျော် တွေ့ရှိရကြောင်း၊ သူတို့တွေမှာ ပန်းရောင်ကတ်သာရှိပြီး အလုပ်သမားမှတ်ပုံတင်မရှိခြင်း၊ ပန်းရောင်နေထိုင်ခွင့်ကတ် သက်တမ်းကုန်ခြင်း၊ အလုပ်နေရာမှားယွင်းခြင်း၊ အလုပ်ရှင်မှားယွင်းခြင်း၊ သတ်မှတ်ထားတဲ့ ဧရိယာပြင်ပတွင် နေထိုင်ခြင်း စတဲ့ အပြစ်တွေရှိတာကြောင့် အလုပ်သမားဥပဒေနဲ့အညီ အရေးယူသွားမယ်လို့ အုပ်ချုပ်ရေးမှူးက ပြောပါတယ်။ Terminal 21 Pattaya ကုန်တိုက်ဆောက်လုပ်ရေးလုပ်ငန်းမှာ အကျယ်အဝန်း ၁၂ ဧကကျော်ရှိ မြေပေါ်မှာ တည်ဆောက်နေပြီး ကုန်ကျငွေ ခန့်မှန်းခြေ ဘတ်သန်းပေါင်း ၆၀၀၀ ရှိကြောင်း၊ အထဲမှာ ဆိုင်ခန်းတွေအပြင် အခန်းပေါင်း ၃၆၉ ခန်းပါ ဟိုတယ်ကြီးတခုလည်း ပါဝင်တဲ့အတွက် ထိုင်းနိုင်ငံအရှေ့ပိုင်းမှာ အကြီးမားဆုံးဖြစ်လာမယ့် ကုန်တိုက်ကြီးတခုလည်း ဖြစ်ပါတယ်။
4 years Ago

March 3, 2017

ထိုင်းနိုင်ငံ ပတ္တယားတွင် နိုင်ငံခြားသူ ပြည့်တန်ဆာ ၄၀ ခန့် ဖမ်းမိ

ထိုင်းနိုင်ငံအရှေ့ပိုင်း ချွန်းပူးရီးခရိုင် ပတ္တယားကမ်းခြေမှာ ဒီကနေ့မနက်က ပြည့်တန်ဆာလုပ်ငန်း လုပ်နေတဲ့ နိုင်ငံခြားသူ ၃၉ ဦး ဖမ်းဆီးရမိတယ်လို့  မန်နေဂျာအွန်လိုင်း ထိုင်းသတင်းမှာ ဖော်ပြပါတယ်။ ကမ္ဘာလှည့်ခရီးသွားဧည့်သည်တွေ လာရောက်လေ့ရှိတဲ့ ပတ္တယားကမ်းခြေဒေသ ပိုမိုသန့်ရှင်းရေး၊ ဒုစရိုက်မှု ကင်းစင်ရေးအတွက် ဆောင်ရွက်နေရာမှာ  ဒီကနေ့မနက် ၃  နာရီအချိန်က ဘန်လမွန်မြို့နယ် နောင်ပရီရပ်ကွက် ပတ္တယားတောင်ဘက် ဝေါ့ကင်းစထရိဒ်နိုက်ကလပ်ကနေ ပြည့်တန်ဆာအမျိုးသမီး စုစုပေါင်း ၃၉ ဦးကို ဖမ်းဆီးရမိခဲ့တယ်လို့ ချွန်းပူးရီးခရိုင် ရဲတပ်ဖွဲ့ တာဝန်ရှိသူမှ သတင်းထောက်တွေကို ပြောပါတယ်။ အဆိုပါ ပြည့်တန်ဆာတွေဟာ  မါဒါကာစက  (Madagascar) နဲ့ ယူဂန္ဓာ (အာဖရိကတိုက်) နိုင်ငံသားတွေဖြစ်ပြီး ကမ္ဘာလှည့်ခရီးသည်တွေအနေနဲ့ ၀င်ရောက်လာကာ ပတ္တယားကမ်းခြေတ၀ိုက်မှာ လာရောက်ကျက်စားနေတာလို့  ချွန်းပူးရီးရဲက ဆက်ပြောပါတယ်။ သူတို့ရဲ့ နိုင်ငံကူးလက်မှတ်တွေကို ရဲတပ်ဖွဲ့က စစ်ဆေးရာမှာ တရားဝင်နိုင်ငံကူးလက်မှတ်တွေ ရှိကြပေးမယ့်လည်း ပြည့်တန်ဆာလုပ်ငန်းပါ လုပ်ဆောင်နေတာကို စုံစမ်းသိရှိရကြောင်း၊  ဆက်လက်ပြီး ပတ္တယားဒေသ သန့်ရှင်းရေးအတွက် စစ်ဆေးဖမ်းဆီးမှုတွေ ဆောင်ရွက်သွားဦးမယ်လို့ ချွန်းပူးရီးခရိုင် ရဲအရာရှိက ပြောသွားပါတယ်။  
5 years Ago
Up