ထိုင်းရှိ ရွှေ့ပြောင်း အလုပ်သမား ကလေး ၃ ပုံ ၂ ပုံ ကျောင်းတက်ခွင့်မရ

June 13, 2015

ရွှေ့ပြောင်းအလုပ်သမားများအတွက် ရေဒီယိုအစီအစဉ် ပြန်လွှင့်ခွင့်ရရန် တောင်းဆို

ထိုင်းနိုင်ငံရောက် မြန်မာရွှေ့ပြောင်းအလုပ်သမားတွေအတွက် အက်ဖ်အမ်ရေဒီယိုလိုင်းကနေ သတင်းနဲ့ ပညာပေးအစီအစဉ်တွေ ထုတ်လွှင့်ပေးနေတဲ့ မက်ပ်ရေဒီယိုအစီအစဉ် ပြန်လွှင့်ခွင့်ပေးဖို့ တောင်းဆိုလိုက်ပါတယ်။ မက်ပ်ရေဒီယိုအစီအစဉ်ဟာ ထိုင်းစစ်ကောင်စီ အစိုးရတက် လာပြီးတဲ့နောက် ပိတ်ပင်ခံထားရတဲ့ လူထုအက်ဖ်အမ်ရေဒီယိုအစီအစဉ်တော်တော်များများနဲ့အတူ ပိတ်ပင်ခံထားရတာကြောင့် အလုပ်သမားတွေအတွက် သတင်းရယူရေး အခက်အခဲဖြစ်နေပါတယ်။ ဒီအကြောင်းတွေကို ဇွန်လ ၁၂ ရက်နေ့မှာ ကျရောက်တဲ့ မက်ပ်ရေဒီယိုရဲ့ ၁၁ နှစ်မြောက် အခမ်းအနားမှာ အလုပ်သမားအရေး ဆောင်ရွက်နေတဲ့ အဖွဲ့အစည်းတွေ၊ အလုပ်သမားတွေပါ လာရောက်တွေ့ဆုံပြီး အစိုးရဆီ တောင်းဆိုစာတစောင် ပေးပို့ခဲ့တယ်လို့ မက်ပ်ရေဒီယိုက ထုတ်လွှင့်ရေးမှူး စိုင်းတုမ်မောက်ဟန်က ဒီဗွီဘီကို ပြောပါတယ်။ “ကျနော်တို့ ရေဒီယိုအစီအစဉ် အပိတ်ခံထားရတာ ၁ နှစ်ရှိပါပြီ။ ပြန်ကြားရေးဌာနက တောင်းထားတဲ့ လိုအပ်ချက်တွေလည်း ပို့ထားပြီးပြီ။ ဒါပေမယ့် ခွင့်ပြုချက်မရသေးဘူး။ ဒီကနေ့လည်း နောက်ထပ်စာတစောင် ပေးပို့လိုက်ပါတယ်။ အလုပ်သမားတွေက နေ့စဉ်သတင်းအချက်အလက်ရရှိဖို့ အရေးကြီးတယ်။ အခုဆို ပန်းရောင်ကတ်လက်မှတ်သက်တမ်းတိုးတာ နောက်ဆုံးလ၊ ပြီးတော့ ရွေးကောက်ပွဲကျရင် အိမ်ပြန်ဖို့ ဘာတွေလိုသလဲ ဆိုတဲ့အချက်တွေ မသိသေးတဲ့လူတော်တော်များများရှိနေတယ်။” ကနေ့အိုင်တီခေတ်မှာ လက်ကိုင်ဖုန်းနဲ့ ဖေ့စ်ဘုတ်အင်တာနက်တွေကနေ သတင်းအချက် အလက်တွေ အလွယ်တကူ ရယူနိုင်ပေမယ့် အဲဒီစနစ်ကို အလှမ်းမမီနိုင်သေးတဲ့ အလုပ်သမားတွေ တော်တော်များများ ရှိနေပြီး ထိုင်းနိုင်ငံထဲမှာ မြန်မာဘာသာ၊ တိုင်းရင်းသားဘာသာတွေနဲ့ ထုတ်လွှင့်တဲ့ ရေဒီယိုအစီအစဉ်လည်း အင်မတန်နည်းနေ တာကြောင့် ရေဒီယိုအစီအစဉ်ကို အမြန်ဆုံးပြန်ဖွင့်စေလိုတယ်လို့ ဆိုပါတယ်။ ထိုင်းနိုင်ငံ ချင်းမိုင်မှာ ကျင်းပခဲ့တဲ့ မက်ပ်ရေဒီယို ၁၁ နှစ်ပြည့်အခမ်းအနားမှာ ရှမ်းအမျိုးသမီးအဖွဲ့၊ ရွှေ့ပြောင်းအလုပ်သမားအဖွဲ့၊ ဘာသာရေးဝတ်ပြုအဖွဲ့၊ အမျိုးသမီးစွမ်းရည်မြှင့် တင်ရေးအဖွဲ့၊ ရှမ်းစာပေယဉ်ကျေးမှုအဖွဲ့က ရေဒီယိုဒီဂျေ အစီအစဉ်ထုတ်လွှင့်သူတွေပါ တက်ရောက်လာပြီး လူထုအက်ဖ်အမ် ရေဒီယိုရဲ့ အကျိုးကျေးဇူးနဲ့ ရေဒီယို ရပ်နားထားရတဲ့အတွက် ရွှေ့ပြောင်းအလုပ်သမားတွေပေါ် သက်ရောက်မှုအကြောင်းတွေ ဆွေးနွေးခဲ့ပါတယ်။ မက်ပ်ရေဒီယိုဟာ အလုပ်သမားကျန်းမာရေးနဲ့ပညာပေးအစီအစဉ် (မက်ဖောင်ဒေးရှင်း) ရဲ့ လုပ်ငန်းစဉ်တွေထဲက တခုဖြစ်ပြီး ချင်းမိုင်က အက်ဖ်အမ် 99 MHz မှာ မြန်မာဘာသာ၊ ရှမ်းဘာသာတွေနဲ့ ထုတ်လွှင့်ကာ မဲဆောက်မှာတော့ အက်ဖ်အမ် 102.5 MHz ကနေ မြန်မာဘာသာနဲ့ ထုတ်လွှင့်ပေးခဲ့ပါတယ်။ ရေဒီယိုအစီအစဉ် ပြန်လည်ထုတ်လွှင့်ခွင့်မရသေးပေမယ့် အွန်လိုင်းပေါ်ကနေတော့ http://www.mapradio.org/ ကနေ ဖမ်းယူနားဆင်နိုင်တယ်လို့ မက်ပ်ဖောင်ဒေးရှင်းက ပြောပါတယ်။ [gallery ids="97552,97553,97554,97555,97556"]
6 years Ago

May 29, 2015

လူငယ်သိပ္ပံတီထွင်ဆုရ မြန်မာကလေးငယ် ၂ ဦးကို ချင်းမိုင်ခရိုင်ဝန် တွေ့ဆုံ

မလေးရှားနိုင်ငံကနေ လူငယ်သိပ္ပွံတီထွင်ဆု ငွေတံဆိပ် ရရှိခဲ့တဲ့ မြန်မာရွှေ့ပြောင်း ကလေး ၂ ဦးဟာ မေလ ၂၈ ရက် မွန်းလွဲပိုင်းမှာ ချင်းမိုင်ခရိုင်ဝန်ကို သွားရောက်တွေ့ဆုံဂါရ၀ပြုခဲ့ပါတယ်။ သူတို့ဟာ ထိုင်းနိုင်ငံသား မဟုတ်ပေမယ့်လည်း နိုင်ငံခြားမှာ သွားရောက်ယှဉ်ပြိုင်နိုင်ဖို့ ခရိုင်ဝန်က နိုင်ငံကူးလက်မှတ်ရရှိရေး ကူညီပေးခဲ့တာကြောင့် ကျေးဇူးတင်ကြောင်း လာရောက်ဂါရ၀ပြုတာလို့  ဆုရရှိသူ အသက် ၁၃ နှစ်ရွယ် စိုင်းလိုင်လုန်းအောက ဒီဗွီဘီကို ပြောပါတယ်။ ချင်းမိုင်ခရိုင်ဝန် နိုင်းဆူရိယ ပရဆတ်ပန်းဒစ်ကလည်း လူငယ် ၂ ဦးအတွက် ဂုဏ်ယူ ၀မ်းမြောက်ကြောင်း၊ သူတို့ကို သင်ကြားပေးတဲ့ ဆရာကိုလည်း ကျေးဇူးတင်ကြောင်း ပြောကြား ခဲ့ပါတယ်။ “သူတို့ဟာ ထိုင်းနိုင်ငံသားအပြည့်အ၀မဟုတ်ပေမယ့် ထိုင်းနိုင်ငံအတွက် ဂုဏ်ဆောင်ပေး ခဲ့ပါတယ်။ ထိုင်းကလေးတွေအတွက် နမူနာကောင်းဖြစ်တယ်၊ ထူးချွန်တယ်၊ ကြိုးစားမှုရှိတယ်၊  ဒီကနေ့ခေတ်မှာ  ထိုင်းနိုင်ငံဟာ ရွှေ့ပြောင်းအလုပ်သမားတွေ၊ တောင်ပေါ် သားတွေအတွက် အခွင့်အရေးတွေလည်း အများကြီးပေးထားတယ်။ ဒီကလေး ၂  ယောက်ဟာ ထိုင်းနိုင်ငံသားဖြစ်ဖို့ အခွင့်အလမ်းတွေရှိတယ်။ ဒါပေမယ့် နိုင်ငံသားဖြစ်နိုင်တဲ့  ဥပဒေ ပြဋ္ဌာန်းချက်တွေ  လမ်းကြောင်းတွေကို ပြန်ကြည့်ရမှာဖြစ်တယ်။” ကလေးတွေ ထူးချွန်အောင် သွန်သင်နည်းပြပေးတဲ့ ဆရာဟာလည်း အဓိကကျကြောင်း၊ နောက်နောင်လည်း ဆက်လက်မြေတောင်မြှောက်သွားဖို့၊ ကလေးတွေ အနေနဲ့ မိမိအနာဂတ် ပိုမိုတောက်ပစေဖို့ ဆက်လက်ကြိုးစားသွားဖို့လည်း ခရိုင်ဝန်က တိုက်တွန်းသွားပါတယ်။ ထိုင်းလူဝင်မှုကြီးကြပ်ရေးဌာနက ကလေး ၂ ဦးကို ထုတ်ပေးခဲ့တဲ့ နိုင်ငံကူးလက်မှတ်ဟာ အ၀ါရောင်ဖြစ်ပြီး သက်တမ်း ၁ နှစ်ရှိကာ တနှစ်အတွင်းနိုင်ငံခြားသွားခွင့်ရှိပေမယ့် အကျိုး အကြောင်းလည်း ရှိဖို့လိုတယ်လို့ သူတို့ရဲ့ နည်းပြဆရာ နိုင်းပရ ၀စ်ဖောင်းမွန်းက ဒီဗွီဘီကို ပြောပါတယ် ။ ကလေး ၂ ဦး လက်ရှိပညာသင်ကြားနေတဲ့ မယ်ဟန့်အလယ်တန်းကျောင်းမှာ ထိုင်းလူမျိုးက ၁၀ ရာခိုင်နှုန်းသာရှိပြီး ကျန်တာက တောင်ပေါ်သားနဲ့ ရွှေ့ပြောင်းအလုပ်သမားတွေရဲ့ ကလေးတွေ ဖြစ်ကြောင်း၊ ဒါပေမယ့် ကလေးတွေကို လူမျိုး၊ နိုင်ငံသား မခွဲခြားဘဲ သူတို့ရဲ့ အရည်အချင်းပေါ် မူတည်ပြီး နိုင်ငံတကာ အဆင့်ထိ သွားရောက်ယှဉ်ပြိုင်နိုင်ဖို့ လေ့ကျင့်ပျိုးထောင်ခဲ့တာလို့  သူတို့ နည်းပြ ဆရာက ဆက်ပြော ပါတယ်။ ကလေး ၂ ဦးဟာ အလိုအလျောက်သောက်ရေသန့်ဘူးခွံဝယ်ယူတဲ့ ကိရိယာကို တီထွင်ဖို့ အချိန် ၃ လပေးခဲ့ရပြီး သူတို့စိတ်ကူးတွေ အကောင်အထည်ဖော်နိုင်ဖို့ နည်းပြဆရာက အများဆုံး ကူညီလမ်းပြခဲ့တယ်လို့  အသက် ၁၁ နှစ်ရွယ် လူငယ်သိပ္ပံ ဆုရှင် စိုင်းဆုမ်ပေါင်းက ပြောပါ တယ်။ စိုင်းဆုမ်ပေါင်း နဲ့ စိုင်းလိုင်တို့ ၂ ဦးဟာ ရှမ်းပြည်အရှေ့ပိုင်း မိုင်းဆတ်ခရိုင်နဲ့ ကပ်လျှက် ရှိတဲ့ ထိုင်းနိုင်ငံ မယ့်အိုင်းမြို့နယ် မယ်ဟန့်အလယ်တန်းကျောင်းမှာ ပညာသင်ကြားနေပြီး ၂ ဦးစလုံးရဲ့ မိဘတွေဟာ မြန်မာနိုင်ငံ ရှမ်းပြည်နယ်ကလာတဲ့ ရွှေ့ပြောင်းအလုပ်သမားတွေ ဖြစ်ပါတယ်။ သူတို့ဟာ ကျောင်းဝင်းထဲမှာ သောက်ရေဘူးခွံအလွတ်တွေ ပြန့်ကျဲနေတာကို တွေ့ရှိရာက အလို အေ လျာက်ငွေအကြွေနဲ့ ၀ယ်ယူစုဆောင်းလို့ရတဲ့ကိရိယာကို တီထွင်ခဲ့တာဖြစ်ပြီး ပြီးခဲ့တဲ့ ဖေဖော်ဝါရီလက ထိုင်းနိုင်ငံလုံးဆိုင်ရာ လူငယ်သိပ္ပံတီထွင်မှု ပြပွဲကနေတဆင့်  အာဆီယံ လူငယ် အဆင်ိ့မှာ သွားရောက်ယှဉ်ပြိုင်ဖို့ အရွေးခံခဲ့ရတာပါ။ မေလ ၂၁ ရက် ကနေ ၂၃ ရက်နေ့အထိ မလေးရှားနိုင်ငံမှာ ကျင်းပသွားတဲ့ အာဆီယံ လူငယ်သိပ္ပံတီထွင်မှုပြိုင်ပွဲ Asian Young Inventors Exhibition 2015 မှာ နိုင်ငံပေါင်း ၂၁ နိုင်ငံက ကလေးတွေ ၀င်ရောက်ယှဉ်ပြိုင်ခဲ့ပါတယ်။ ထိုင်းနိုင်ငံမှာ လွန်ခဲ့တဲ့  ၆ နှစ်ကလည်း စိုင်းမောင်ထောင်းဒီးဆိုသူ မြန်မာ ရွှေ့ပြောင်း အလုပ်သ မားကလေးဟာ  ဂျပန်နိုင်ငံကနေ စက္ကူလေယာဉ်ပစ် အိုရီဂါမီ ချန်ပီယံဆုကို ထိုင်းနိုင်ငံ ကိုယ်စားပြုအနေနဲ့ ရရှိခဲ့ပါတယ်။ [gallery ids="94963,94964,94965,94966,94967,94968"]
6 years Ago
Up