ထိုင္း

September 19, 2019

အာရှယူ-၁၆ ခြေစစ်ပွဲတွင် မြန်မာ ယူ-၁၆ အသင်း ထိုင်းအသင်းကို ၄ ဂိုးပြတ်ရှုံးနိမ့် 

မနေ့ညက ရန်ကုန် သုဝဏ္ဏကွင်းမှာ ကန်သွားတဲ့ အာရှယူ-၁၆ ခြေစစ်ပွဲ အုပ်စု (ကေ)ပွဲစဉ်မှာ  မြန်မာယူ-၁၆ အသင်းက ထိုင်းယူ-၁၆ အသင်းကို ၄ဂိုး ဂိုးမရှိနဲ့ ရှုံးနိမ့်သွားပါတယ်။  မြန်မာအသင်းနဲ့ ထိုင်းအသင်း ခြေစွမ်းကွာဟမှု ကြီးမားတာကို အရှိအတိုင်း လက်ခံရမယ်လို့ မြန်မာယူ- ၁၆ နည်းပြ ဦးမင်းသူက ပွဲအပြီးမှာ ပြောပါတယ်။  ထိုင်းယူ-၁၆အသင်းရဲ့ စပိန်နည်းပြ ဗာလီရိုဂါစီယာကတော့ သူတို့ အသင်းကို တနှစ်ခွဲလောက် လေ့ကျင်ပြင်ဆင်ခဲ့သလို ဥရောပထွက်ပြီး ပြိုင်ပွဲတွေ ကစားခဲ့လို့ ခြေစွမ်းပြနိုင်ခဲ့ပြီး ယူ-၁၇ ကမ္ဘာ့ဖလားဝင်ပြိုင်ခွင့်ရဖို့အထိ မျှော်မှန်းထားတဲ့အသင်းဖြစ်တယ်လို့ ပြောပါတယ်။ မြန်မာယူ-၁၆ အသင်းဟာ အုပ်စုဒုတိယပွဲစဉ်အဖြစ် စက်တင်ဘာ၂၀ရက်မှာ တောင်ကိုရီးယား၊ စက်တင်ဘာ၂၂ မှာ တရုတ်တိုင်ပေအသင်းနဲ့ ဆက်ပြီးကစားရမှာဖြစ်ပါတယ်။ မနေ့ညနေက ကန်သွားတဲ့ တောင်ကိုရီးယားနဲ့ တရုတ်တိုင်ပေအသင်းတို့ ပွဲစဉ်မှာတော့ တောင်ကိုရီးယားက ၁၀ ဂိုးပြတ်အနိုင်ရသွားပါတယ်။ အာရှယူ-၁၆ ခြေစစ်ပွဲ အုပ်စု (ကေ)ပွဲစဉ်တွေကို မြန်မာနိုင်ငံက အိမ်ရှင်အဖြစ် လက်ခံ ကျင်းပနေတာဖြစ်ပါတယ်။ =================== အာရွယူ-၁၆ ေျခစစ္ပြဲတြင္ ျမန္မာ ယူ-၁၆ အသင္း ထိုင္းအသင္းကို ၄ ဂိုးျပတ္ရႈံးနိမ့္ လႊမ္းမိုးေအာင္ မေန႔ညက ရန္ကုန္ သုဝဏၰကြင္းမွာ ကန္သြားတဲ့ အာရွယူ-၁၆ ေျခစစ္ပြဲ အုပ္စု (ေက)ပြဲစဥ္မွာ  ျမန္မာယူ-၁၆ အသင္းက ထိုင္းယူ-၁၆ အသင္းကို ၄ဂိုး ဂိုးမရွိနဲ႔ ရႈံးနိမ့္သြားပါတယ္။ ျမန္မာအသင္းနဲ႔ ထိုင္းအသင္း ေျခစြမ္းကြာဟမႈ ႀကီးမားတာကို အရွိအတိုင္း လက္ခံရမယ္လို႔ ျမန္မာယူ- ၁၆ နည္းျပ ဦးမင္းသူက ပြဲအၿပီးမွာ ေျပာပါတယ္။ ထိုင္းယူ-၁၆အသင္းရဲ႕ စပိန္နည္းျပ ဗာလီ႐ိုဂါစီယာကေတာ့ သူတို႔ အသင္းကို တႏွစ္ခြဲေလာက္ ေလ့က်င္ျပင္ဆင္ခဲ့သလို ဥေရာပထြက္ၿပီး ၿပိဳင္ပြဲေတြ ကစားခဲ့လို႔ ေျခစြမ္းျပႏိုင္ခဲ့ၿပီး ယူ-၁၇ ကမာၻ႔ဖလားဝင္ၿပိဳင္ခြင့္ရဖို႔အထိ ေမွ်ာ္မွန္းထားတဲ့အသင္းျဖစ္တယ္လို႔ ေျပာပါတယ္။ ျမန္မာယူ-၁၆ အသင္းဟာ အုပ္စုဒုတိယပြဲစဥ္အျဖစ္ စက္တင္ဘာ၂၀ရက္မွာ ေတာင္ကိုရီးယား၊ စက္တင္ဘာ၂၂ မွာ တ႐ုတ္တိုင္ေပအသင္းနဲ႔ ဆက္ၿပီးကစားရမွာျဖစ္ပါတယ္။ မေန႔ညေနက ကန္သြားတဲ့ ေတာင္ကိုရီးယားနဲ႔ တ႐ုတ္တိုင္ေပအသင္းတို႔ ပြဲစဥ္မွာေတာ့ ေတာင္ကိုရီးယားက ၁၀ ဂိုးျပတ္အႏိုင္ရသြားပါတယ္။ အာရွယူ-၁၆ ေျခစစ္ပြဲ အုပ္စု (ေက)ပြဲစဥ္ေတြကို ျမန္မာႏိုင္ငံက အိမ္ရွင္အျဖစ္ လက္ခံ က်င္းပေနတာျဖစ္ပါတယ္။
2 years Ago

July 25, 2019

မူးယစ္တရားခံဟုစြပ္စြဲၿပီး ရြာသားအား ပစ္သတ္ခဲ့သည့္ ရဲတပ္ဖြဲ႔ ေျပာင္းေရႊ႕ရန္ ေတာင္းဆို

ထိုင္းႏိုင္ငံေျမာက္ပိုင္း ခ်င္းမိုင္ခ႐ိုင္ ျမန္မာနယ္စပ္ ဝိန္းဟိုင္ၿမိဳ႕နယ္ ပိန္းလံုအုပ္စုမွာ ဇူလိုင္ ၂၃ ရက္ေန႔က ရဲတပ္ဖြဲ႔ဝင္ေတြ ပစ္ခတ္လို႔ ရြာသားတဦး ေသဆံုးၿပီးေနာက္ ေဟြ႔ခိုက္မိုင္ရြာသား ၂၀၀ ေက်ာ္က အဲဒီရဲတပ္ဖြဲ႔ကို ျပန္လည္ပိတ္ဆို႔ ႐ိုက္ႏွက္ခဲ့ပါတယ္။ ရြာသားေတြ ႐ိုက္ႏွက္လို႔ ဝိန္းဟိုင္နယ္ေျမ ရဲစခန္းက ဒုရဲမႉး ဒဏ္ရာေတြရၿပီး ေဆး႐ုံမွာ ၁၁ ခ်က္ ခ်ဳပ္လိုက္ရပါတယ္။ အဲဒီေနာက္ တာဝန္ရွိသူေတြက ရြာသား ၆ ဦးကို ဖမ္းဆီးခဲ့ပါတယ္။ ဒီကိစၥနဲ႔ပတ္သက္ၿပီး ဒီေန႔မနက္မွာ ေဟြ႔ခိုက္မိုင္ရြာသားေတြက ဝိန္းဟိုင္ရဲတပ္ဖြဲ႔ကို နယ္ေျမကေန ၂၄ နာရီအတြင္း ေရႊ႕ေျပာင္းသြားဖို႔ ဆႏၵျပ ေတာင္းဆိုခဲ့ပါတယ္။ ရြာသားကိုယ္စားလွယ္ ေျပာျပခ်က္အရ ရဲကပစ္သတ္ခဲ့သူ အသက္ ၅၀ အရြယ္ ႏိုင္းက်က်ည္း က်ာေအာဟာ ရဲကစြပ္စြဲသလို မူးယစ္တရားခံမဟုတ္ေၾကာင္း၊ မ်က္ျမင္သက္ေသ ရြာသားတဦး ေျပာျပခ်က္အရ အခင္းျဖစ္တဲ့ေန႔က ႏိုင္းက်ာေအာဟာ ေတာင္ယာကေနျပန္လာၿပီး လက္ထဲမွာလည္း ေသနတ္မရွိေၾကာင္း၊ ရဲက သူ႔ကို ပစ္ထည့္ၿပီးေနာက္ သက္ေသက  ရြာထဲကလူေတြကို ေျပးေခၚၿပီး ျပန္ေရာက္လာေတာ့ အေလာင္းကို ေနာက္တေနရာ ေရႊ႕ထားသလို ေဘးမွာလည္း ေသနတ္ေျပာင္းရွည္တလက္ ခ်ထားတာ ေတြ႔ရတယ္လို႔ ေျပာပါတယ္။ ေသဆံုးသူမိခင္က သားျဖစ္သူအေလာင္းကို ေျပးဖက္စဥ္ ရဲတပ္ဖြဲ႔ဝင္တဦးက သူမကို တြန္းခ်ၿပီး ေျခေတာက္နဲ႔ကန္လို႔ လဲက်သြားေၾကာင္း၊ ဒါကို မခံမရပ္ႏိုင္လို႔ ရြာသားေတြက ရဲအရာရွိနဲ႔ တပ္ဖြဲ႔ဝင္ေတြကို ဝိုင္း႐ိုက္တာလို႔ ဆိုပါတယ္။ ဝိန္းဟိုင္ရဲတပ္ဖြဲ႔ဝင္ေတြ အေနနဲ႔ စံုစမ္းေမးျမန္းျခင္း မရွိဘဲ ရြာသားကိို ေသနတ္နဲ႔ ပစ္ခတ္ခဲ့တာ၊ လူေတြအထင္လြဲေအာင္ သတင္းဌာနေတြကို မူးယစ္တရားခံလို႔ စြပ္စြဲေျပာဆိုခဲ့တာ ျဖစ္ေၾကာင္း၊ ဒီကိစၥနဲ႔ပတ္သက္ၿပီး ရြာသားေတြ ေၾကာက္လန္႔ေနၾကေၾကာင္း၊ ဒါေၾကာင့္ သက္ဆိုင္ရာ တာဝန္ရွိသူေတြအေနနဲ႔ ျဖစ္ရပ္မွန္ကို စံုစမ္းစစ္ေဆးၿပီး ရြာသားေတြအတြက္ တရားမွ်တမႈ ေဆာင္ၾကည္းေပးပါရန္ ေတာင္းဆိုထားပါတယ္။ ရြာသားေတြရဲ႕ ေတာင္းဆိုခ်က္ထဲမွာ ၁ - အမႈမွန္ေပၚေပါက္ေရး လြတ္လပ္စြာ စံုစမ္းစစ္ေဆးႏိုင္ရန္ အခင္းျဖစ္ရာမွာ ပါဝင္တဲ့ ဝိန္းဟိုင္ရဲစခန္းက ရဲတပ္ဖြဲ႔ဝင္ေတြကို ၂၄ နာရီအတြင္း ေရႊ႕ေျပာင္းေပးရန္၊ ၂ - အက်ိဳးအျမတ္မယူ ဘက္မလိုက္တဲ့ ၾကားေနေကာ္မတီတရပ္ ဖြဲ႔ၿပီး အမႈမွန္စံုစမ္းရန္၊ ၃ - မ်က္ျမင္သက္ေသနဲ႔ ေဟြ႔ခိုက္မိုင္ ရြာသူရြာသားေတြရဲ႕ လံုၿခံဳေရးကို အကာအကြယ္ေပးရန္ စတဲ့အခ်က္ေတြ ပါဝင္ပါတယ္။ ေဟြ႔ခိုက္မိုင္ရြာသားေတြဟာ မူးယစ္ေဆးဝါး ေဘးအႏၱရာယ္ကို ေကာင္းစြာသိရွိၿပီး လြဲ႔က်ိဳင္လို႔ေခၚတဲ့ မူးယစ္ေဆးတိုက္ဖ်က္ေရး စီမံကိန္းမွာ တာဝန္ရွိသူေတြနဲ႔အတူ ေစတနာ့ဝန္ထမ္းေတြအျဖစ္ ဝိုင္းဝန္းကူညီ ကာကြယ္ေပးေနတယ္လို႔ ေက်းရြာကိုယ္စားလွယ္က ျဖည့္စြက္ ေျပာသြားပါတယ္။ ဒီမနက္ ရြာသားေတြ ဆႏၵျပေတာင္းဆိုတာနဲ႔ ပတ္သက္ၿပီး ရဲတပ္ဖြဲ႔ဘက္က တစံုတရာ တုံ႔ျပန္ေျပာဆိုတာေတာ့ မရွိေသးပါဘူး။
2 years Ago
More News
Up