ထိရောက်မှု

November 24, 2020

AstraZeneca ကုမ္ပဏီထုတ် ကိုဗစ်-၁၉  ကာကွယ်ဆေး ထိရောက်မှုရှိ မရှိ WHO စောင့်ကြည့်နေ

AstraZeneca ကုမ္ပဏီထုတ် ကိုဗစ်-၁၉ ကာကွယ်ဆေးရဲ့ ထိရောက်မှုနဲ့ ဘေးကင်းမှု ဆိုင်ရာ ပိုအသေးစိတ်တဲ့ အချက်အလက်တွေကို မြင်ရဖို့ စောင့်နေတယ်လို့ ကမ္ဘာ့ကျန်းမာရေးအဖွဲ့ကြီး WHO ရဲ့ သိပ္ပံပညာရှင်အကြီးအကဲ ဆိုမီယာဆွာမိနာသန်က နိုဝင်ဘာ ၂၃ရက်မှာ ပြောလိုက်ပါတယ်။ ကမ္ဘာ့လူဦးရေ ၇ ဒသ ၈ ဘီလီယံအတွက် လုံလောက်တဲ့ ထိုးဆေးတွေကို ပံ့ပိုးနိုင်ဖို့ တခြား ကာကွယ်ဆေး ထုတ်လုပ်သူတွေလည်း အားထုတ်မှု မလျှော့လိုက်ကြဖို့လည်း  တိုက်တွန်းပါတယ်။ AstraZeneca ကုမ္ပဏီကတော့ သူ့ရဲ့ ကိုဗစ်-၁၉ ကာကွယ်ဆေးဟာ ထိရောက်မှု ၉၀ ရာခိုင်နှုန်းလောက် ရှိနိုင်တယ်လို့ မနေ့က ကြေညာခဲ့တာပါ။ သူ့ရဲ့ ဆေးဟာ ပြိုင်ဘက်တွေထက် ထုတ်လုပ်မှု ကုန်ကျစရိတ် ပိုသက်သာပြီး ဖြန့်ဖြူးရလွယ်သလို ပမာဏများများ ပိုမြန်မြန် ထုတ်နိုင်တယ်လို့လည်း ပြောပါတယ်။ ဒါပေမဲ့ ကုမ္ပဏီရဲ့ အချက်အလက်တွေက ကိန်းဂဏန်းသေးသေးအပေါ်မှာ အခြေခံ တွက်ချက်ထားတာ ဖြစ်နေတယ်လို့ ဆွာမိနာသန်က ထောက်ပြပါတယ်။ ကမ္ဘာ့ ကာကွယ်ဆေးမျှဝေရေး အစီအစဉ်အတွက် ကာကွယ်ဆေး ထိုးဆေး လုံးရေ ၄ ဒသမ ၃ ဘီလီယံ အရေးပေါ်လိုအပ်နေပြီး အဆင်းရဲဆုံးနဲ့ အထိခိုက်မခံနိုင်ဆုံးလူတွေ ကာကွယ်ဆေးမရဘဲ ကျန်ရစ်ခဲ့နိုင်တယ်လို့ WHO ရဲ့ ညွှန်ချုပ် တေဒရိုအဒါနွန် ဂေဘရီယေးဆပ်က ပြောဆို သတိပေးပါတယ်။ WHO နဲ့ GAVI ကာကွယ်ဆေး အုပ်စုတို့ ထူထောင်တဲ့ ကိုဗက်စ် ကာကွယ်ဆေး မျှဝေရေး စီမံကိန်းကို ဒါဇင်ချီတဲ့ နိုင်ငံတွေက လက်မှတ်ထိုးပြီးပါပြီ။ ကာကွယ်ဆေးဝယ်ဖို့ မတတ်နိုင်တဲ့ နိုင်ငံတွေအတွက် ကာကွယ်ဆေးပံ့ပိုးဖို့ ရည်မှန်းထားပါတယ်။  လောလောဆယ် ဒီစီမံကိန်းအတွက် အမေရိကန်ဒေါ်လာ ၅ ဘီလီယံ လျာထားပြီး ဂျာမနီနိုင်ငံက အမေရိကန်ဒေါ်လာ သန်း ၆၀၀ လှူထားပါတယ်။
1 year Ago

October 26, 2020

ကိုဗစ်-၁၉ကာကွယ်ဆေး ထိရောက်မှု ရှိ၊ မရှိ ဒီဇင်ဘာတွင် သိရမည်

ကိုဗစ်-၁၉ ကပ်ရောဂါ ကာကွယ်ဆေးက ဘေးကင်းလား၊ ထိရောက်မလားဆိုတာကို ဒီဇင်ဘာလအစောပိုင်းမှာ ရှင်းရှင်းလင်းလင်း သိရမယ်လို့ အမေရိကန်ကူးစက်ရောဂါ ပညာရှင် အန်ထော်နီဖောင်စီက ပြောပါတယ်။  လူထုကြားထဲ သိသိသာသာဖြန့်ဖြူးနိုင်တာမျိုးကို ၂၀၂၁ နှောင်းပိုင်းထိ လုပ်နိုင်ဦးမယ့်ပုံ မပေါ်ဘူးလို့လည်း သူက အောက်တိုဘာ ၂၅ ရက်က ထုတ်လွှင့်တဲ့ ဘီဘီစီသတင်းဌာနနဲ့ လူတွေ့ မေးမြန်းခန်းမှာ ပြောလိုက် ပါတယ်။   အမေရိကန် သမ္မတလောင်းစကားရည်လုပွဲအတွင်း သမ္မတ ဒေါ်နယ်ထရမ့်က ပြည်သူတွေ ဒီနှစ်ကုန်ပိုင်းမှာ ကာကွယ်ဆေး ရနိုင်တယ်လို့ ပြောခဲ့တဲ့ မှတ်ချက်ကို ဖောင်စီက ခုလို တုံ့ပြန်လိုက်တာပါ။  လူထု အချိုးအဆ တရပ်ကတော့ နောက်နှစ် ဒုတိယ ဒါမှမဟုတ် တတိယ ၃ လပတ် လောက်အထိ ကာကွယ်ဆေး ရဖို့ စောင့်ရနိုင်တယ်လို့လည်း သူက ပြောပါတယ်။  အမေရိကန်နိုင်ငံမှာ ကိုရိုနာဗိုင်းရပ်စ် ကူးစက်ခံသေဆုံးသူ ဦးရေ ၂ သိန်း ၂ သောင်းခွဲ ကျော်သွားပါပြီ။
1 year Ago
Up