ထိပ်သီးညီလာခံ

A d v e r t i s e m e n t With Us

September 10, 2020

၅၃ ကြိမ်မြောက် အာဆီယံ နိုင်ငံခြားရေးဝန်ကြီးများ ထိပ်သီးညီလာခံ ကျင်းပ

အရှေ့တောင်အာရှ နိုင်ငံများအသင်း အာဆီယံအဖွဲ့ဝင် ဆယ်နိုင်ငံနဲ့ တရုတ်၊ ဂျပန်၊ တောင်ကိုရီးယားနိုင်ငံတွေက နိုင်ငံခြားရေး ဝန်ကြီးတွေဟာ ၅၃ ကြိမ်မြောက် အာဆီယံ နိုင်ငံခြားရေးဝန်ကြီးများ ထိပ်သီးညီလာခံကို စက်တင်ဘာ ၉ ရက်က ဗွီဒီယိုကွန်ဖရင်စနစ်နဲ့ ကျင်းပခဲ့ကြပါတယ်။ အာဆီယံ နိုင်ငံခြားရေး ဝန်ကြီးတွေဟာ ကာလရှည်ကြာ နှောင့်နှေးနေတဲ့ တောင်တရုတ်ပင်လယ် ကျင့်ဝတ်စည်းကမ်း အဆင့်မြှင့်ရေး၊ ကိုဗစ်-၁၉ ကာကွယ်ဆေး တီထွင်ရာမှာ တိုးတက်မှု အခြေအနေနဲ့ ကာကွယ်ဆေး ရရှိရေးတွေနဲ့ ပတ်သက်ပြီး တရုတ်နိုင်ငံခြားရေး ဝန်ကြီး ဝမ်ယိနဲ့ သီးခြားဆွေးနွေးခဲ့ကြတယ်လို့ သိရပါတယ်။ အာဆီယံ အဖွဲ့ဝင် ဆယ်နိုင်ငံထဲမှာ ဘရူနိုင်း၊ ကမ္ဘောဒီးယား၊ အင်ဒိုနီးရှား၊ မလေးရှား၊ လာအို၊ မြန်မာ၊ ဖိလစ်ပိုင်၊ စင်ကာပူ၊ ထိုင်းနဲ့ အင်ဒိုနီးရှား နိုင်ငံတို့ ပါဝင်ပါတယ်။
6 months Ago

April 14, 2020

COVID-19 ကာကွယ်ရေး အာဆီယံ ခေါင်းဆောင်များ ရုပ်သံဗီဒီယိုဖြင့် ထိပ်သီးညီလာခံ ကျင်းပ

အရှေ့တောင်အာရှနိုင်ငံများအသင်း အာဆီယံက အဖွဲ့ဝင် နိုင်ငံ့ခေါင်းဆောင်တွေဟာ ကိုရိုနာဗိုင်းရပ်စ် ကူးစက်မှုကို ရင်ဆိုင်ဖို့ ဧပြီ ၁၄ ရက်မှာ အထူးအစည်းအဝေးကို video conference ကနေ ကျင်းပပါတယ်။ ဒါဟာ အာဆီယံအဖွဲ့ရဲ့ ၅၃ နှစ်သမိုင်းမှာ လူကိုယ်တိုင် အစည်းအဝေး မတက်နိုင်ဘဲ အွန်လိုင်းကနေ ရုပ်သံညီလာခံ ကျင်းပရတဲ့ ပထမဆုံးညီလာခံ ဖြစ်လာပါတယ်။ ဗီယက်နမ် ဝန်ကြီးချုပ်က မြို့တော်ဟနွိုင်းကနေ ညီလာခံ သဘာပတိအဖြစ် ဆောင်ရွက်ပါတယ်။ တခြားခေါင်းဆောင်တွေကလည်း သူတို့နိုင်ငံတွေကနေ အသီးသီး ပါဝင် ဆွေးနွေးကြပါတယ်။ ဗိုင်းရပ်စ်ကို ကာကွယ်ရေး အသင့်အနေအထားကို မလျှော့ချကြဖို့ အစည်းအဝေး အစမှာ ဗီယက်နမ် ဝန်ကြီးချုပ်က အာဆီယံ ခေါင်းဆောင်တွေကို သတိပေးပါတယ်။ အာဆီယံနဲ့ မိတ်ဖက် ၃ နိုင်ငံဖြစ်တဲ့ တရုတ်၊ ဂျပန်နဲ့ တောင်ကိုရီးယား ခေါင်းဆောင်တွေနဲ့ အစည်းအဝေးကို မွန်းလွဲပိုင်းမှာ ဆက်ပြီးကျင်းပမယ်လို့ ရိုက်တာ သတင်းဌာနက အစီရင်ခံပါတယ်။
11 months Ago
Up