ထိပ်တန်းအသင်း

September 5, 2020

ထိပ်တန်းအသင်းတွင် ကစားလိုသည့်အိပ်မက် တကယ်ဖြစ်လာဟု ခိုင်ဟာဗက်ဇ် ပြော

ချဲလ်ဆီးအသင်းလို ထိပ်တန်းအသင်းတစ်သင်းမှာ ကစားချင်တဲ့ အိပ်မက်တွေ အမှန်တကယ် ဖြစ်လာခဲ့ပြီလို့ ကစာသမားသစ် ခိုင်ဟာဗက်ဇ်က ပြောပါတယ်။  အသက် ၂၁ နှစ်ရှိ ဂျာမနီလက်ရွေးစင် ဟာဗက်ဇ်ဟာ လီဗာကူဆင်မှာ ခြေစွမ်းပြခဲ့သူဖြစ်ပြီး ပေါင် ၈၉ သန်းနဲ့ ချဲလ်ဆီးအသင်းက ခေါ်ယူနိုင်ခဲ့တာပါ။   စွမ်းဆောင်ရည်အပေါ်မူတည်ပြီး ရရှိမယ့်ငွေပမာဏအပါအဝင် ပေါင် ၈၉ သန်း ကုန်ကျခဲ့ပြီး ချဲလ်ဆီးအသင်းသမိုင်းတစ်လျှောက် တန်ဖိုးအမြင့်ဆုံးခေါ်ယူမူဖြစ်ခဲ့ပါတယ်။  ချဲလ်ဆီးအသင်းဆီ ပြောင်းရွှေ့နိုင်ခဲ့လို့ ဂုဏ်ယူမိပြီး ဒီလိုထိပ်တန်အသင်းတစ်သင်းမှာ ကစားချင်တဲ့အိပ်မက်တွေ ဖြစ်လာခဲ့ပြီလို့ ခိုင်ဟာဗက်ဗ်က စာချုပ်ချုပ်ဆိုအပြီးမှာ ပြောပါတယ်။ အသင်းဖော်တွေ၊ နည်းပြအဖွဲ့ဝင်တွေနဲ့ တွေ့ဆုံဖို့ မစောင့်နိုင်တော့ဘူးလို့ ဟာဗက်ဇ်က ဆိုပါတယ်။  ဟာဗက်ဇ်ဟာ ပြီးခဲ့တဲ့ရာသီက လီဗာကူဆင်အသင်းအတွက် စုစုပေါင်း ၄၅ ပွဲကစားခဲ့ပြီး ၁၈ ဂိုး သွင်းယူနိုင်ခဲ့ပါတယ်။  အခုရာသီမှာ ဟာဗက်ဇ်ဟာ ချဲလ်ဆီးအသင်းအတွက် ၆ ယောက်မြောက် ခေါ်ယူမှုဖြစ်ပြီး ပြောင်းရွှေ့ကြေးစုစုပေါင်း ပေါင် သန်း ၂၃၀ အထိ ငွေကြေးသုံးစွဲခဲ့တာဖြစ်ပါတယ်။ 
8 months Ago

October 15, 2019

ထိပ်တန်းအသင်းပြန်ဖြစ်စေရန် ရင်းနှီးမြှုပ်နှံလိုသူများရှိနေဟု လိဒ်အသင်းပိုင်ရှင်ပြော

မန်စီးတီးအသင်းလို ထိပ်တန်းအသင်း ဖြစ်လာအောင် ရင်းနှီးမြှုပ်နှံမယ့် ရှယ်ယာရှင်တွေရဲ့ ကမ်းလှမ်းမှုတွေ ရရှိထားတယ်လို့ လိဒ်အသင်းပိုင်ရှင်က ပြောပါတယ်။ ချန်ပီယံရှစ်ကလပ် လိဒ်အသင်းဟာ ပရီးမီးယားလိဂ်ကို တန်းတက်ဖို့ ပစ်မှတ်ထားနေတဲ့အသင်း ဖြစ်ပြီး အသင်းကို ရင်းနှီးမြှုပ်နှံချင်တဲ့သူတွေ အများကြီး ရှိနေတယ်လို့ အတည်ပြုသွားခဲ့တာပါ။ အဲဒီကမ်းလှမ်းမှုတွေထဲကနေ သုံးခုကိုတော့ လက်ခံဖို့ စဉ်းစားနေကြောင်း လိဒ်အသင်းပိုင်ရှင် ရာဒရီဇန်နီက ပြောပါတယ်။  အဲဒီသုံးခုထဲမှာ ပီအက်စ်ဂျီအသင်းပိုင်ရှင် နက်ဆာအယ်လ်ခါလီဖီရဲ့ ကာတာအားကစား ရင်းနှီးမြှုပ်နှံမှုအဖွဲ့လည်း ပါဝင်နေတာဖြစ်ပြီး မန်စီးတီးအသင်းလို ထိပ်တန်းအသင်းကြီးတသင်း တည်ဆောက်ဖို့ ကမ်းလှမ်းထားတာ ဖြစ်တယ်လို့ အသင်းပိုင်ရှင်က အတည်ပြုပြောပါတယ်။  နောက်ထပ်ကမ်းလှမ်းမှု နှစ် ခုကတော့ အမေရိကမှာ အခြေစိုက်တဲ့ လိဒ်ယူနိုက်တက်အသင်းရဲ့ အမာခံပရိသတ်တဦးနဲ့ အီတလီကလပ်အသင်း ပိုင်ရှင်တဦးတို့က မ်းလှမ်းထားတာဖြစ်တယ်လို့ ဆိုပါတယ်။  တချိန်က ပရီးမီးယားလိဂ် နာမည်ကြီး ကလပ်တခုဖြစ်ခဲ့ဖူးတဲ့ လိဒ်ယူနိုက်တက်ဟာ လက်ရှိ ချန်ပီယံရှစ်ပွဲစဉ် ၁၁ အပြီးမှာ ၆ ပွဲနိုင်၊  ၂ ပွဲ သရေ၊ ၃ ပွဲ ရှုံးရလဒ်နဲ့ အဆင့် ၆ နေရာမှာ ရပ်တည်နေပါတယ်။
2 years Ago
Up