ထိန်းချုပ်

A d v e r t i s e m e n t With Us

January 29, 2021

ဗီယက်နမ်တွင် ကိုဗစ်-၁၉ ကူးစက်ခံရသူများ ထပ်တွေ့သဖြင့် ရောဂါထိန်းချုပ်နိုင်ရေးကြိုးပမ်း

ဗီယက်နမ်နိုင်ငံမှာ အချိန် ၂ လနီးပါးအတွင်း ပထမဆုံးအနေနဲ့ ဇန်နဝါရီ ၂၈ ရက်မှာ ကိုရိုနာ ဗိုင်းရပ်စ် ပြည်တွင်း ကူးစက်ခံရသူတွေထပ်တွေ့ခဲ့လို့  ရောဂါထိန်းချုပ်ရေး လုပ်ငန်းတွေကို အစိုးရက အပူတပြင်း ဆောင်ရွက်နေပါတယ်။

ရက်ပေါင်း  ၅၅ ရက်အတွင်း ပထမဆုံးအနေနဲ့ ပြည်တွင်း ရောဂါ ကူးစက်ခံ ၂ ယောက်ကို တွေ့ရှိကြောင်း ကျန်းမာရေး ဝန်ကြီးဌာနက  ထုတ်ပြန်ခဲ့တာပါ။ နောက်ထပ် ကူးစက်ခံ ၈၁ ယောက်ကို ထောက်လှမ်း တွေ့ရှိထားတယ်လို့လည်း ကြေညာခဲ့ပါတယ်။

နယ်စပ်တွေကို ထိထိရောက်ရောက် ပိတ်ထားပြီး အိမ်နီးချင်းနိုင်ငံတွေမှာလို ရောဂါကူးစက် ဖြစ်ပွားမှု ကြီးကြီးမားမား မဖြစ်အောင်   ရှောင်နိုင်ခဲ့တဲ့ ဗီယက်နမ်မှာ ခုတော့ တရက်အတွင်း ကူးစက်ခံ အသစ် ၈၃ ယောက် ရှိလာခဲ့တာပါ။

ခုတကြိမ်ဟာ ပြီးခဲ့တဲ့တကြိမ် ရောဂါကူးစက်မှု လှိုင်းထက် ပိုပြီး ပြင်းထန်နိုင်တယ်လို့လည်း သတိပေး လိုက်ပါတယ်။

ရောဂါကူးစက်မှု ထိန်းချုပ်ဖို့ အာဏာပိုင်တွေ အလောသုံးဆယ် ဆောင်ရွက်နေပြီး ထောင်သောင်းချီတဲ့ လူတွေမှာ ကူးစက်ခံထားရတာ ရှိ ၊ မရှိလည်း စစ်ဆေးနေပါတယ်။

ကူးစက်မှု ဖြစ်ခဲ့တဲ့ ခရိုင် ၂ ခုက ရွာ တရွာနဲ့ အီလက်ထရောနစ်စက်ရုံ တရုံကို မနေ့က အသွားအလာပိတ်ဆို့ ကန့်သတ် လော့ဒေါင်း ချခဲ့ပါတယ်။

ဟိုင်ဒူအွန်ပြည်နယ်ထဲမှာ ရောဂါခြေချုပ်နဲ့ လုပ်သား ၂၃၄၀ ကို ထားရှိပြီး ထိတွေ့ မိသူ တွေကို  ခြေရာကောက်တာတွေ စလုပ်ဆောင် နေပါပြီ။

တရုတ်နှစ်သစ်ကူး အားလပ်ရက် ခရီးသွားကြပြီး မိသားစုဆွေမျိုးတွေ အခန်းတွင်းမှာ ဆုံဆည်းကြတဲ့ ဓလေ့ကြောင့် ကူးစက်မှု ထိန်းချုပ်ရေးကြိုးပမ်းမှုတွေကို  ရှုပ်ထွေးနိုင်တယ်လို့ လည်း အာဏာပိုင်တွေက သတိပေး ထားပါတယ်။

ခုတော့ ဗီယက်နမ်မှာ ကိုရိုနာဗိုင်းရပ်စ်ကို ပထမဆုံး စတွေ့ချိန်ကနေ ခုထိ ကူးစက်ခံ အတည်ပြု လူဦးရေ ၁၆၃၃ ယောက် ရှိပြီး ကူးစက်ခံ ၃၅ ဦး သေဆုံးခဲ့တာကို မှတ်တမ်းတင် ထားပါတယ်။

1 month Ago

December 5, 2020

ကိုဗစ်-၁၉ ရောဂါကူးစက်မှု ထိန်းချုပ်နိုင်ရန် မန္တလေးခရိုင်တွင် Stay at Home စတင်

မန္တလေးတိုင်းမှာ ကိုဗစ်-၁၉ ရောဂါကူးစက်တာကို ထိန်းချုပ်နိုင်ဖို့ မန္တလေးခရိုင်ကို ဒီဇင်ဘာ ၅ ရက်နေ့ကနေ ၁၈ ရက်နေ့အထိ Stay at Home သတ်မှတ်ပြီး  ကန့်သတ်ချက်တွေကို တိုင်းအစိုးရအဖွဲ့က  ထုတ်ပြန်ခဲ့ပါတယ်။ ထုတ်ပြန်ထားတဲ့အချက်တွေကို လိုက်နာဖို့အတွက် အုပ်ချုပ်ရေးအဖွဲ့တွေ၊ မီးသတ်တပ်ဖွဲ့တွေ နဲ့ ရပ်ကွက်နေ လူထုတို့ ပူးပေါင်းပြီး ဈေးဝယ်ထွက်ခွင့်ကတ်တွေ စစ်ဆေးတာ၊ တက်နိုင်သမျှ အိမ်မှာနေဖို့ အသိပေးတာတွေကို ရပ်ကွက်အလိုက် လုပ်ဆောင်နေပါတယ်။ ဈေးဝယ်ထွက်ရာမှာလည်း ကိုယ့်မြို့နယ်နဲ့ ကိုယ်ဝယ်ရတာဖြစ်ပြီး တခြားမြို့နယ်က လူတွေ ဈေးလာမဝယ်ဖို့ ပြောဆိုရတာတွေရှိကာ ရပ်ကွက်နေ ပြည်သူတွေက စည်းကမ်းလိုက်နာပြီး ပူးပေါင်းတာကို တွေ့ရတယ်လို့ ချမ်းအေးသာစံမြို့နယ် မောရဂီဝါရပ်ကွက် အုပ်ချုပ်ရေးမှူးတွေက ပြောပါတယ်။ ဒါ့အပြင် မဖြစ်မနေ ဖွင့်ရမယ့် ဆိုင်တွေနဲ့ လုပ်ငန်းတွေမှာ လုပ်နေတဲ့ ဝန်ထမ်းတွေအတွက် မြို့နယ် ဖြတ်သန်းသွားလာနိုင်ဖို့ ကတ်တွေကို သက်ဆိုင်ရာ မြို့နယ်အထွေထွေအုပ်ချုပ်ရေးဦးစီးဌာရုံးတွေမှာ လုပ်ဆောင်ပေးနေပါတယ်။ ဒီလို မြို့နယ်ဖြတ်သန်းသွားလာနိုင်ဖို့ ကတ်လုပ်ပေးတဲ့နေရာမှာ လူစုလူဝေးဖြစ်ပြီး လုပ်ငန်းလိုင်စင်မရှိတဲ့ အသေးစား လုပ်ငန်းလေးတွေနဲ့ လှည့်လည်ရောင်းရတဲ့ လုပ်ငန်းတွေအတွက် အခက်ခဲရှိတယ်လို့ မုန့်ပို့လုပ်ငန်းလုပ်ကိုင်သူ ဦးလှဆန်းဦးက ပြောပါတယ်။ မန္တလေးတိုင်းမှာ မန္တလေးခရိုင်ဟာ ကိုဗစ်-၁၉ ရောဂါပိုး အများဆုံးတွေ့တဲ့ ခရိုင်ဖြစ်ပြီး အခုလို Stay at home သတ်မှတ်လိုက်တဲ့အပေါ် ကောင်းမွန်တဲ့စီမံခန့်ခွဲမှုတခုအဖြစ် မြင်တယ်လို့ KZT ကုန်ပစ္စည်း အိမ်တိုင်ရာရောက် ပို့ဆောင်ရေးလုပ်ငန်းမှ ကိုကျော်ဇင်သန့်က ပြောပါတယ်။ မန္တလေးတိုင်းမှာ ဒီဇင်ဘာလ ၄ ရက်နေ့ အထိ  ကိုဗစ်-၁၉ ရောဂါအတည်ပြုလူနာ ၇၀၂၈ ဦးရှိပြီး မန္တလေးခရိုင်တစ်ခုတည်းမှာ အတည်ပြုလူနာ ၅၆၅၂ ဦးရှိပါတယ်။  သေဆုံးသူကတော့ မန္တလေးတိုင်းတစ်တိုင်းလုံးမှာ ၇၄ ဦးထိရှိပြီး ဆေးရုံတက်နေရသူကတော့ ၂၄၀၉ ဦး ရှိတယ်လို့ မန္တလေးတိုင်းဒေသကြီး အစိုးရအဖွဲ့က ထုတ်ပြန်ထားပါတယ်။ နိုင်လင်းဦး
3 months Ago
More News
Up