ထိတ်လန့်အံ့သြ

December 30, 2017

မီးသင်္ဂြိုဟ်ပြီး ၇ လအကြာ သေဆုံးသူ ပြန်ရောက်လာ၍ မိသားစု ထိတ်လန့်အံ့သြ

ထိုင်းနိုင်ငံမှာ အမျိုးသားတဦး သေဆုံးသွားလို့ မီးသင်္ဂြိုဟ်ပြီး ၇ လအကြာ အိမ်ပြန်ရောက်လာလို့ မိသားစုဝင်တွေက အကြီးအကျယ် အံ့သြသွားကြတယ်လို့ သိရပါတယ်။ စာခွန်စာခီဝါ အသက် ၄၄ နှစ်က အစာအိမ်ရောဂါနဲ့ သေဆုံးပြီး သူ့ရဲ့အလောင်းကိုတောင် တွေ့ခဲ့ကြတာလို့ သူ့ရဲ့ဆွေမျိုးတွေက ပြောပါတယ်။ ဒါပေမယ့် ဒီဇင်ဘာလ ၁၇ ရက်နေ့မှာ ထိုင်းနိုင်ငံ ဘန်လာအိုဖိုင်အရပ်က သူ့ရဲ့ အိမ်ကို မစ္စတာစာခီဝါ ပြန်ရောက်လာလို့ မိသားစုဝင်တွေက အံ့သြနေကြတယ်လို့ ဘန်ကောက်ပို့စ် သတင်းအရ သိရပါတယ်။ မစ္စတာစာခီဝါရဲ့ အဖေတူအမေကွဲ အကိုက သူ လုံးဝအံ့သြသွားတယ်လို့ ပြောပြီး လွန်ခဲ့တဲ့ ၇ လက မစ္စတာစာခီဝါ တယောက်တည်းနေတုန်း သေဆုံးသွားတယ်လို့ ရဲတွေက မိသားစုကို အကြောင်းကြားလို့ မိသားစုက သူ့ရဲ့အလောင်းကို သွားသယ်ခဲ့ရကြောင်း အကိုဖြစ်သူက ပြောပြပါတယ်။ Navamindradhiraj တက္ကသိုလ်က ဗာဂျီရာဆေးရုံမှာ အာဏာပိုင်တွေက သူတို့ကို မစ္စတာစာခီဝါရဲ့ ဆွေမျိုးတွေဖြစ်ကြောင်း သက်သေအချက်အလက်တွေကို မေးခဲ့ပါသေးတယ်။ သူတို့အလောင်းသွားသယ်ချိန် အမျိုးသားရဲ့အလောင်းက ယောင်ယမ်းနေပြီး မှတ်တောင် မမှတ်မိဘူးလို့ အမျိုးတွေက ဆိုပါတယ်။ ဒါပေမယ့် အလောင်းရဲ့ ရှေ့သွားတွေက မစ္စတာစာခီဝါရဲ့ ရှေ့သွားတွေနဲ့ မတူတာကို အကိုဝမ်းကွဲဖြစ်သူက သတိထားမိသေးတယ်လို့ ဆိုပါတယ်။ သူတို့ ဇဝေဇဝါ ဖြစ်နေပေမယ့် အာဏာပိုင်တွေက အလောင်းကို အိမ်သယ်ခိုင်းခဲ့လို့ သယ်ဆောင်ပြီး မီးမရှို့ခင် အမျိုးတွေက ဘာသာရေးအရ အသုဘအခမ်းအနား ကျင်းပခဲ့ကြတာပါ။ မစ္စတာစာခီဝါ အိမ်ကို ပထမဆုံးပြန်ရောက်ချိန် မိသားစုက အံ့သြလွန်းလို့ သူ့ကို တစ္ဆေသရဲလို့ ထင်ခဲ့ကြပြီး သူကတော့ ၂၀၁၆ ခုနှစ်၊ ဇန်နဝါရီလ ၂၄ ရက်နေ့ကတည်းက ငါးဖမ်းလှေမှာ အလုပ် လုပ်နေတာလို့ ဆိုပါတယ်။ အဲဒီအချိန်တွေလောက်က မြန်မာအလုပ်သမားက သူ့ရဲ့ မှတ်ပုံတင်ကတ်ကို ခိုးယူပြီး ထွက်ပြေးသွားတယ်ထင်လို့  ကတ်ပျောက်ကြောင်း သတင်းပို့ပြီး ကတ်အသစ် လုပ်ခဲ့တာလို့ သူက ဆိုပါတယ်။ ဒီရက်အတွင်း သူက အိမ်ပြန်ဖို့ဆုံးဖြတ်ပြီး အလုပ်ထွက် အိမ်ပြန်ခဲ့ပေမယ့် အိမ်က မိသားစုဝင်တွေက သူသေတယ် ထင်နေတာကို ခုမှ သိရတယ်လို့ ဆိုပါတယ်။ စာခီဝါက သူသေဆုံးတာ ၂၀၁၇ ခုနှစ် မေလ ၁၈ ရက် တရားဝင်ဖြစ်နေတဲ့ ရက်ကို ပယ်ဖျက်ဖို့ စီစဉ်နေတယ်လို့ မေရာသတင်းတပုဒ်မှာ ဒီဇင်ဘာ ၂၉ ရက်နေ့က ဖော်ပြထားပါတယ်။
3 years Ago
Up