ထားဝယ်

May 24, 2022

ထားဝယ်မြို့ ကမ်းနားစျေးတွင် စျေးသည်အမျိုးသမီး ၁ ဦး ပစ်သတ်ခံရ

တနင်္သာရီတိုင်း၊ ထားဝယ်မြို့ ကမ်းနားစျေးမှာ မေ ၂၄ ရက် မနက် ၉ နာရီလောက်က အသက် ၆၀ အရွယ် ဒေါ်ညွန့်လှိုင်ဆိုသူ စျေးသည်အမျိုးသမီးတဦး ပစ်ခတ်ခံရပြီး သေဆုံးသွားတယ်လို့ မျက်မြင်တွေ့ရှိသူတွေက ပြောပါတယ်။

မျက်မြင်တွေ့ရှိသူတဦးက “သုံးချက်ပစ်ခံရတာ ခေါင်းကိုလည်းထိတယ်၊ ခေါင်းပါပွင့်ထွက်သွားတာ၊ သွေးအိုင်ထဲလဲနေတာ လှုပ်တောင်မလှုပ်တော့ဘူး။ အလောင်းကိုတော့ အရေးပေါ်ကား ၂ စီးနဲ့လာသယ်သွားတယ်” လို့ ပြောပါတယ်။

ထားဝယ်မြို့ခံတချို့ကတော့ အဲဒီပစ်ခတ်မှုကို သွေးသောက်အဖွဲ့က လုပ်ဆောင်ခဲ့တာလို့ ပြောဆိုနေကြပေမယ့် သီးခြားအတည်ပြုနိုင်ခြင်းတော့ မရှိသေးပါဘူး။

ပစ်ခတ်ခံရတဲ့ ဒေါ်ညွန့်လှိုင်နဲ့ နီးစပ်သူတဦးက “သူက စျေးထဲမှာ ငါးလည်းရောင်းတယ်။ အခုပစ်ခံရတာက အပြင်မှာ ဒူးရင်သီးရောင်းနေတုန်းပစ်ခံရတာ။ အရင်ကလည်း စစ်သားတွေ သူ့သားကို လာဖမ်းတာ သူ့သားမရှိလို့ သူ့ကို ခဏဖမ်းသွားသေးတယ်" လို့ ပြောပါတယ်။

ထားဝယ်မြို့ပေါ် အချို့နေရာတွေမှာ အရင်လက NLD ပါတီဝင်တွေ၊ ဆန္ဒပြသူတွေ၊ PDF တပ်ဖွဲ့ဝင်တွေရဲ့ မိသားစုဝင်တွေကို ဖမ်းဆီးသတ်ဖြတ်မယ်ဆိုပြီး သွေးသောက်အဖွဲ့ကနေ ခြိမ်းခြောက်စာတွေ လိုက်ကပ်ခဲ့ပါတယ်။

14 hours Ago

May 18, 2022

ရေဖြူမြို့ ဌာနဆိုင်ရာရုံးများအနီး ဗုံးပေါက်ကွဲ

တနင်္သာရီတိုင်း၊ ထားဝယ်ခရိုင်၊ ရေဖြူမြို့၊ ဂ ရပ်ကွက်၊ နဝဒေးလမ်းမှာ မေ ၁၇ ရက် ည ၇ နာရီဝန်းကျင်လောက်က ပေါက်ကွဲမှုတခု ဖြစ်ပွားခဲ့တယ်လို့ မြိုခံတွေက ပြောပါတယ်။

မြိုခံတဦးက “ပေါက်ကွဲတာက ညဦးပိုင်းလောက်ကပါ၊ အသံကတော့ ရုံးတွေရှိတဲ့ လယ်ကွင်းပြင်ဘက်က ကြားရတာ” လို့ ပြောပါတယ်။

ပေါက်ကွဲမှုဖြစ်ခဲ့တဲ့ ရေဖြူမြို့၊ ဂ ရပ်ကွက်၊ နဝဒေးလမ်းထဲမှာ လဝကရုံး၊ စည်ပင်ရုံး၊ သတင်းတပ်ဖွဲ့ရုံး၊ စရဖရုံး စတဲ့ မြို့နယ်အဆင့် ဌာနဆိုင်ရာရုံးတွေ တည်ရှိပါတယ်။

ပေါက်ကွဲမှုကြောင့် လူထိခိုက်ဒဏ်ရာရတာ မရှိခဲ့ဘူးလို့ သိရပါတယ်။

အခုပေါက်ကွဲမှုဟာ ဒရုန်းပစ်ချတိုက်ခိုက်တာ ဖြစ်တယ်လို့ မြို့ခံတချို့က ပြောဆိုနေကြပေမဲ့ ဒီဗွီဘီက သီးခြားအတည်ပြုနိုင်ခြင်း မရှိသေးသလို ဘယ်အဖွဲ့အစည်းက ဆောင်ရွက်ခဲ့တယ်လို့ ထုတ်ပြန်ထားတာမျိုးလည်း မတွေ့ရသေးပါဘူး။

ပြီးခဲ့တဲ့ ဧပြီလမှာတော့ ရေဖြူပြည်သူ့ကာကွယ်ရေးတပ်ဖွဲ့ (YPPDF) က ရေဖြူမြို့မရဲစခန်း အနီးက သင်္ကြန်မဏ္ဍပ်ကို ဒရုန်းနဲ့ မိုင်းပစ်ချတိုက်ခိုက်ခဲ့တဲ့ ဖြစ်စဉ်တခု ဖြစ်ပွားခဲ့ပါတယ်။

7 days Ago
More News
Up