ထရမ့်

January 23, 2021

ထရမ့်၏လူဝင်မှု မူဝါဒအား ပြောင်းလဲမည့် ဂျိုးဘိုင်ဒင်ကို မက္ကဆီကို ထောက်ခံ

အမေရိကန်-မက္ကဆီကို နယ်စပ်တံတိုင်း တည်ဆောက်ရေး ရပ်တန့်တာအပါအဝင် သမ္မတဟောင်း ဒေါ်နယ်ထရမ့် ချမှတ်ခဲ့တဲ့ ပြင်းထန်တဲ့ လူဝင်မှုကြီးကြပ်ရေး မူဝါဒအများအပြားကို ပြောင်းပြန်လှန်ပစ်မယ့် သမ္မတသစ် ဂျိုးဘိုင်ဒင်ရဲ့ ဆုံးဖြတ်ချက်ကို ဂုဏ်ပြုတယ်လို့ မက္ကဆီကို သမ္မတက ဇန်နဝါရီ ၂၂ ရက်မှာ ပြောဆိုပါတယ်။  အမေရိကန် သမ္မတသစ် ဘိုင်ဒင် ရာထူးလက်ခံပြီးနောက်ပိုင်း ပထမဆုံးဖုန်းခေါ်ဆိုမှုအဖြစ် မက္ကဆီကိုသမ္မတ လိုပက်ဇ်အော်ဘရေဒို နဲ့ လူဝင်မှု ကြီးကြပ်ရေး၊ ကပ်ရောဂါနဲ့ နှစ်နိုင်ငံ ပူးပေါင်းဆောင်ရွက်ရေးအကြောင်းတွေ ဆွေးနွေးခဲ့ပါတယ်။  ဇန်နဝါရီ ၂၂ ရက်က အမေရိကန်-မက္ကဆီကိုနယ်စပ် စီယူဒက်-ကွာရက်ဇ်က နယ်စပ် တံတိုင်းတည်ဆောက်ရေးဟာ လူသူကင်းမဲ့နေပါတယ်။   ချီဂွယ်ဂွါပြည်နယ် ရွှေ့ပြောင်းသူများအရေးညှိနှိုင်းရေးမှူးကလည်း "သမ္မတသစ် ဘိုင်ဒင်ရဲ့ ဆုံးဖြတ်ချက်က အရေးပါတဲ့ သတင်းစကားလို့ ပြောဆိုတာအပြင် ထရမ့်ရဲ့ နယ်စပ်တံတိုင်းက ရွှေ့ပြောင်းသူတွေနဲ့ နိုင်ငံရေးခိုလှုံခွင့် တောင်းခံသူတွေ လာရောက်တာကို လျော့ကျမသွားစေဘူး" လို့ ထပ်လောင်းပြောဆိုပါတယ်။  အမေရိကန်သမ္မတသစ် ဘိုင်ဒင်ရဲက လူဝင်မှုကြီးကြပ်ရေးမူဝါဒ ပြုပြင်ပြောင်းလဲရေးမှာ မက္ကဆီကိုဟာ အရေးပါတဲ့ အခန်းကဏ္ဍမှာ ပါဝင်တယ်လို့ ရိုက်တာသတင်းမှာ ဖော်ပြပါတယ်
3 months Ago

January 21, 2021

သမ္မတထရမ့်က  ရာထူးကမဆင်းပေးခင် လူပေါင်း ၇၃ ဦးကို ပြစ်ဒဏ် ကင်းလွတ်ခွင့်ပြု

အမေရိကန် သမ္မတဒေါ်နယ်ထရမ့်ဟာ သမ္မတရာထူးကနေ ဆင်းပေးရတော့မယ့် နောက်ဆုံးအချိန်မှာ  လိမ်လည်မှုစွဲချက်တွေ ရင်ဆိုင်နေရတဲ့ သူရဲ့ အကြံပေးဟောင်း စတိဗ်ဘန်နွန်အပါအဝင်  ၇၃ ယောက်ကို ပြစ်ဒဏ် ကင်းလွတ်ခွင့်ပြုခဲ့ပါတယ်။ ဂျိုးဘိုင်ဒင် သမ္မတ  ရာထူးလက်ခံပွဲ မတိုင်ခင် သမ္မတ ထရမ့်က   နောက်ထပ် အယောက် ၇၀ ကို  ပြစ်ဒဏ် လျှော့ပေါ့ပေးခဲ့တာ ဖြစ်ပါတယ်။ အဲဒီထဲမှာ ရက်ပ်အဆိုတော် လီဝိန်းက ပြစ်ဒဏ်ကင်းလွတ်ခွင့်ရပြီး ရက်ပ်အဆိုတော် ကိုဒက်ဘလက်ခ်နဲ့ ဒက်ထရိုက်မြို့တော်ဝန်ဟောင်း ကွာမိန် ကိုပတ်ထရစ်တို့ကို ပြစ်ဒဏ် လျှော့ပေါ့ပေးခဲ့ပါတယ်။ သမ္မတ ထရမ့်ဟာ သူကိုယ်တိုင်နဲ့ မိသားစုဝင်တွေကို ပြစ်ဒဏ်ကင်းလွတ်ခွင့် မထုတ်ပြန်ခဲ့ပါဘူး။
3 months Ago
More News
Up