ထရမ့်

January 7, 2022

အမေရိကန်ဒီမိုကရေစီကို ဖျက်ဆီးသူဟု ထရမ့်ကို ဘိုင်ဒင်စွပ်စွဲ

သမ္မတဟောင်းထရမ့်ဟာ အမေရိကန်ဒီမိုကရေစီကို ဖျက်ဆီးဖို့ နည်းမျိုးစုံနဲ့ ကြိုးပမ်းနေတယ်လို့ ဇန်နဝါရီ ၆ ရက် အမေရိကန်လွှတ်တော်အဆောက်အအုံ Capitol ဝင်ရောက်စီးနင်းခံရမှု နှစ်ပတ်လည်နေ့မှာ သမ္မတဂျိုးဘိုင်ဒင်က ပြောဆိုလိုက်ပါတယ်။ 

၂၀၂၀ ရွေးကောက်ပွဲ အရှုံးရလဒ်ကို ပြောင်းလဲပစ်ဖို့ ထရမ့်ကို ထောက်ခံသူတွေက ပြီးခဲ့တဲ့နှစ် ဇန်နဝါရီ ၆ ရက်မှာ Capitol ကို ဝင်ရောက်တိုက်ခိုက်ခဲ့တာပါ။

သမ္မတဘိုင်ဒင်က ရွေးကောက်ပွဲ မဲလိမ်တယ်ဆိုတဲ့ ထရမ့်ရဲ့ မဟုတ်တန်းတရား စွပ်စွဲချက်တွေဟာ တရားဥပဒေစိုးမိုးရေးနဲ့ အနာဂတ်ရွေးကောက်ပွဲတွေကို ထိခိုက်စေတယ်လို့ သတိပေးခဲ့ပါတယ်။

“ဘာဟာအမှန်လဲ၊ ဘယ်ဟာအလိမ်အညာလဲ ဆိုတာ ကျနော်တို့ ရှင်းရှင်းလင်းလင်း ကြည့်ကြရမယ်။ သမ္မတဟောင်းထရမ့်ဟာ ၂၀၂၀ ရွေးကောက်ပွဲနဲ့ပတ်သက်ပြီး အလိမ်အညာတွေ ကို ဝက်ဘ်ဆိုက်တခုဖန်တီးပြီး ဖြန့်ချိနေပါတယ်။ ဘာကြောင့် သူဒီလိုလုပ်နေတာလဲဆိုတော့ သူက ကျင့်ဝတ်သိက္ခာထက် အာဏာကို ပိုပြီး ရှေ့တန်းတင်နေလို့ပါ။ အရှုံးကို သူလက်မခံနိုင် ဖြစ်နေတယ်” လို့ သမ္မတဘိုင်ဒင်က ပြောပါတယ်။

ဒါ့အပြင် ဘိုင်ဒင်က “ဒေါ်နယ်ထရမ့်နဲ့ သူ့နောက်လိုက်တွေအတွက် အနိုင်ရဖို့ တခု တည်းသောနည်းလမ်းက လူထုရဲ့မဲတွေကို ကလိမ်ကျပြီး ရွေးကောက်ပွဲကို ဖျက်ဆီးပစ်ဖို့ပါ” လို့ ပြောပါတယ်။

ထရမ့်က ရွေးကောက်ပွဲမှာ သူအနိုင်ရတယ်လို့ လျှောက်ထားမှုတွေကို အမေရိကန်တရားရုံး တဒါဇင်ကျော်နဲ့ ရွေးကောက်ပွဲကျင်းပတဲ့ဌာနတွေက ပယ်ချခဲ့ပါတယ်။ 

စစ်တမ်းတွေအရလည်း ထရမ့်ရဲ့ ရီပတ်ဘလစ်ကန်ပါတီ မဲဆန္ဒရှင် ၅၅ ရာခိုင်နှုန်းက ထရမ့်ရဲ့ တောင်းဆိုမှုတွေဟာ မှားယွင်းပြီး အလိမ်အညာတွေဖြစ်တယ်လို့ ယုံကြည်ကြပါတယ်။

11 months Ago

December 11, 2021

လွှတ်တော်အဆောက်အုံတိုက်ခိုက်ခံရမှုမှတ်တမ်း ထိမ်ချန်ရန် ထရမ့်၏တောင်းဆိုမှု တရားရုံး ပယ်ချ

အမေရိကန်လွှတ်တော်အဆောက်အအုံကို  ဝင်ရောက်စီးနင်းတိုက်ခိုက်ခဲ့တဲ့ ဖြစ်ရပ်အပေါ် အောက်လွှတ်တော်ရဲ့ စုံစမ်းစစ်ဆေးမှုမှာ အစိုးရမှတ်တမ်းတွေ ထိမ်ချန်ထားဖို့ သမ္မတဟောင်း ဒေါ်နယ်ထရမ့် တောင်းဆိုတဲ့ အယူခံကို ဖက်ဒရယ်တရားရုံးက ပယ်ချလိုက်ပါတယ်။ 

သုံးပါးထိုင်တရားရုံးက အဲဒီမှတ်တမ်းအထောက်အထားတွေကို ထိမ်ချန်ထားဖို့ ဘာအကြောင်းပြချက်မှ မရှိတဲ့အပြင် ထရမ့်အနေနဲ့  အောက်လွှတ်တော်ရဲ့စစ်ဆေးမှုကို လိုက်နာ ပူးပေါင်းဆောင်ရွက်ရမယ်လို့ ဆုံးဖြတ်လိုက်ပါတယ်။

ဇန်နဝါရီ ၆ ရက်က ဂျိုးဘိုင်ဒင်ကို သမ္မတအဖြစ် အတည်ပြုဖို့ လွှတ်တော်အစည်းအဝေး ကျင်းပနေချိန်မှာ ထရမ့်ကို ထောက်ခံတဲ့ လူအုပ်က လွှတ်တော်အဆောက်အအုံထဲ ဝင်ရောက် တိုက်ခိုက်ခဲ့ပါတယ်။ 

အဲဒီအကြမ်းဖက်မှု ထရမ့်က ဖန်တီးခဲ့တာလား ဆိုတာကို လွှတ်တော်ကော်မတီက စစ်ဆေးနေဆဲပါ။ 

အခု တရားရုံးဆုံးဖြတ်ချက်ကို အမြင့်ဆုံးတရားရုံးမှာ အရေးပေါ်အယူခံဝင်ဖို့ ထရမ့်အတွက် ၁၄ ရက်ပဲ အချိန်ရှိပါတယ်။

12 months Ago
More News
Up