ထပ်မံတွေ့

January 10, 2021

မကွေးတိုင်းတွင် ကိုဗစ်-၁၉ အတည်ပြုလူနာသစ် ၇၀ ထပ်မံတွေ့ရှိ

မကွေးတိုင်းမှာ ဇန်နဝါရီ ၉ ရက်နေ့က စလင်းမြို့နယ်က ၂၃ ယောက်အပါအဝင် ကိုဗစ်-၁၉ အတည်ပြုလူနာသစ် အယောက် ၇၀ ထပ်မံတွေ့ရှိခဲ့တယ်လို့ တိုင်းပြည်သူ့ကျန်းမာရေးဦးစီးဌာနကနေ သိရပါတယ်။

ပိုးတွေ့လူနာတွေကတော့ စလင်းမြို့နယ်က ၂၃ ယောက်၊ အောင်လံက ၁၂ ယောက်၊ မကွေးက ၇ ယောက်၊ ရေနံချောင်းက ၅ ယောက်၊ ရေစကြိုနဲ့ မင်းလှမြို့နယ်က ၄ ယောက်စီ၊ ချောက်၊ တောင်တွင်းကြီးနဲ့ မြိုင်မြို့နယ်တွေက ၃ ယောက်စီ၊ ပွင့်ဖြူနဲ့ မင်းဘူးမြို့နယ်တွေက ၂ ယောက်စီ၊ ဆင်ပေါင်ဝဲနဲ့ ဆိပ်ဖြူမြို့နယ်တွေက ၁ ယောက်စီ ဖြစ်တယ်လို့ တိုင်းပြည်သူ့ကျန်းမာရေးဦးစီးဌာန လက်ထောက်ညွှန်ကြာရေးမှူး ဒေါက်တာခင်မောင်သန်းက ပြောပါတယ်။

အဲဒီပိုးတွေ့လူနာတွေကတော့ ရောဂါပိုးရှိသူ နဲ့ ထိစပ်တဲ့သူတွေ၊ အနံ့ပျောက်တဲ့သူတွေ၊ စောင့်ကြည့် သံသယလူနာတွေ၊ အသွားလာကန့်သတ်ထားတဲ့သူတွေနဲ့ ယာဥ်မောင်း ယာဥ်နောက်လိုက်တွေဖြစ်တယ်လို့ ဆိုပါတယ်။

ပိုးတွေ့လူနာတွေထဲမှာ မကွေးမြို့၊ မဲထီးလမ်းမှာ ကားဝပ်လျှော့လုပ်ကိုင်တဲ့ အတည်ပြုလူနာ ဖခင်ဖြစ်သူနဲ့ ထိစပ်ခဲ့တဲ့ ၉ လ အရွယ် ကလေးငယ်တစ်ဦးလည်း ပါဝင်တယ်လို့ အတည်ပြုလူနာတွေကို ပို့ဆောင်ပေးတဲ့ ရောင်စုံမေတ္တာလူမှုကူညီရေးအသင်းကနေ သိရပါတယ်။

မကွေးတိုင်းဒေသကြီးအတွင်းမှာ ဇန်နဝါရီ ၉ ရက်နေ့ ညပိုင်းအထိ ကိုဗစ်-၁၉ အတည်ပြုလူနာ ၂,၈၁၃ ယောက်နဲ့ သေဆုံးသူ ၈ ယောက်ရှိပြီလို့ တိုင်းကျန်းမာရေးဦးစီးဌာနရဲ့ ထုတ်ပြန်ချက်အရ သိရပါတယ်။

မင်းထီး

1 year Ago

October 30, 2020

မင်းလှမြို့နယ်တွင် ကိုဗစ်-၁၉ လူနာသစ် ၈ ဦး ထပ်မံတွေ့ရှိ

ပဲခူးတိုင်း၊ သာယာဝတီခရိုင် မင်းလှမြို့နယ်မှာ အောက်တိုဘာ ၂၉ ရက်နေ့က ကိုဗစ်-၁၉ လူနာသစ် ၈ ဦး ထပ်မံတွေ့ရှိခဲ့တယ်လို့ သိရပါတယ်။ အောက်တိုဘာ ၂၇ နေ့က  ဓာတ်ခွဲနမူနာ စုစုပေါင်း ၁၀၀ ကို ပေးပို့စစ်ဆေးချက်အရ အမျိုးသား ၃ ဦးနဲ့ အမျိုးသမီး ၅ ဦး၊ စုစုပေါင်း ၈ ဦးမှာ ရောဂါပိုးတွေ့ရှိခဲ့တာပါ။  အားလုံးက ရန်ကုန်ပြန်တွေဖြစ်ပြီး သက်ဆိုင်ရာ Quarantine စင်တာတွေမှာ  ဝင်နေသူတွေ ဖြစ်ပါတယ်။ လူနာ‌သစ် ၈ ဦးကို မင်းလှဆေးရုံမှာပဲ  ဆေးကုသပေးသွားမယ်လို့ ဆေးရုံအုပ်ကြီး ဒေါက်တာလှဝင်းက ပြောပါတယ်။ အောက်တိုဘာ ၂၉ ရက်နေ့ညအထိ  မင်းလှမြို့မှာ ကိုဗစ်-၁၉ အတည်ပြုလူနာ ၁၃၀ ဦးနဲ့ ရောဂါပျောက်ကင်းလို့ ဆေးရုံဆင်းသူ ၁၁၃  ဦးရှိပြီး ပြည်ဆေးရုံကြီးမှာ ၂ ဦး၊ မင်းလှဆေးရုံမှာ ၁၅ ဦး ထားရှိ ကုသပေးနေတယ်လို့ သိပါတယ်။ ပဲခူးတိုင်းအတွင်း အောက်တိုဘာ ၂၈ ရက်နေ့အထိ အတည်ပြုလူနာ ၂၅၈၇ ဦးထိ ရှိလာပြီး ဆေးရုံဆင်းခွင့်ရရှိသူ ၁၄၈၈ ဦးနဲ့ သေဆုံလူနာ ၂ ဦး ရှိတယ်လို့ ပဲခူးတိုင်းကျန်းမာရေးဦးစီးဌာနရဲ့ ထုတ်ပြန်ချက်အရ သိရပါတယ်။  သက်နိုင်ဝင်း
1 year Ago
More News
Up