ထန်တလန်မြို့တွင်းတိုက်ပွဲ

September 10, 2021

ထန်တလန်မြို့တွင်းတိုက်ပွဲ စစ်ကောင်စီတပ်သား ၂ ဦး သေဆုံး

ချင်းပြည်နယ်၊ ထန်တလန်မြို့ပေါ်မှာ စက်တင်ဘာ ၉ ရက်က ဖြစ်ပွားခဲ့တဲ့ မြို့တွင်း တိုက်ပွဲမှာ စစ်ကောင်စီဘက်က ၂ ယောက်သေဆုံးခဲ့တယ်လို့ CDF တပ်ဖွဲ့က ထုတ်ပြန်ပါတယ်။

ထန်တလန်မြို့ပေါ်တစ်နေရာမှာ မနေ့က မွန်းလွဲ ၁ နာရီလောက်က CDF ထန်တလန်နဲ့ စစ်ကောင်စီတပ်တွေ ပစ်ခတ်တိုက်ခိုက်မှုဖြစ်ပွားခဲ့ပြီး စစ်ကောင်စီဘက်က ၂ ယောက်သေဆုံး ပြီးတော့ CDF ဘက်က ထိခိုက်ကျဆုံးတာ မရှိဘူးလို့ ဆိုပါတယ်။

အကြမ်းဖက်စစ်အုပ်စုတွေဟာ မြို့ထဲမှာ လက်နက်ကြီးတွေနဲ့ ရမ်းသန်း ပစ်ခတ်တာကြောင့် ပြည်သူ ၄ ယောက်သေဆုံးခဲ့ပြီးတော့ နေအိမ်တွေ ပျက်စီးတဲ့အပြင် နေအိမ်တစ်လုံးကိုလည်း မီးရှို့ ဖျက်ဆီးခဲ့ကြတယ်လို့ ထုတ်ပြန်ပါတယ်။

အကြမ်းဖက်စစ်အုပ်စုတွေအနေနဲ့ ပြည်သူတွေကို အကြမ်းဖက်၊ ညအချိန်မတော် ဧည့်စာရင်း စစ်ကာ ပြည်သူ့လုံခြုံရေးကို ထိပါးနေသရွေ့ CDF ထန်တလန်က အမြစ်ပြတ်တိုက်ခိုက်​ခြေမှုန်း သွားမယ်လို့ ဆိုပါတယ်။

2 months Ago
Up