တရုတ်နိုင်ငံက လေထုညစ်ညမ်းမှုထိန်းချုပ်နိုင်ရေး အကောင်အထည်ဖော်မည်

February 5, 2018

တရုတ်နိုင်ငံက လေထုညစ်ညမ်းမှုထိန်းချုပ်နိုင်ရေး အကောင်အထည်ဖော်မည်

တရုတ်နိုင်ငံဟာ ၂၀၂၀ လေထုညစ်ညမ်းမှုထိန်းချုပ်ရေး အောင်မြင်မှုတွေ ရရှိစေဖို့ “ပြာလွင်သော ကောင်းကင်ကာကွယ်ရေး  ၃ နှစ်စီမံကိန်း” ကို အကောင်ထည်ဖော်မှာဖြစ်ပါတယ်။ ဖေဖော်ဝါရီ ၃ ရက်နေ့က မြို့တော် ဘေဂျင်းမှာ အမျိုးသား သဘာဝပတ်ဝန်းကျင် ကာကွယ်ရေး ၂ ရက်ကြာ ကွန်ဖရင့်ကို ကျင်းပပြီးစီးခဲ့ပါတယ်။ သဘာဝပတ်ဝန်းကျင် ကာကွယ်ရေးဝန်ကြီး လီကန်ကျီက "ကျေန်ာတို့ရဲ့ ဂေဟစနစ်နဲ့ သဘာဝပတ်ဝန်းကျင် ကာကွယ်ရေးဟာ စီးပွားရေးနဲ့ လူမှုရေး ဖွံ့ဖြိုးတိုးတက်မှုနောက်မှာ ကျန်နေရစ်ခဲ့ပြီး အများပြည်သူအတွက် အဓိကစိုးရိမ်စရာ ဖြစ်နေဆဲပါ။ ဒါကြောင့်မို့ ကျနော်တို့ဟာ ပတ်ဝန်းကျင်ညစ်ညမ်းမှု တားဆီးရေး၊ ထိန်းချုပ်ရေးနဲ့ သဘာဝပတ်ဝန်းကျင် အရည်အသွေး ကောင်းမွန်ရေး ပိုမိုကြိုးပမ်းဖို့ လိုအပ်ပါတယ်။ “ပြာလွင်သောကောင်းကင်ကာကွယ်ရေး စီမံကိန်းကို အကောင်ထည်ဖော်မှာ ဖြစ်ပါတယ်။ ကျောက်မီးသွေးနဲ့ မော်တော်ယာဉ်တွေကြောင့် ဖြစ်တဲ့ ညစ်ညမ်းမှုကို ဆက်လက်ထိန်းချုပ်မှာဖြစ်ပြီး တရုတ်ပြည်မြောက်ပိုင်း ဆောင်းတွင်း အပူပေးစနစ်မှာ သန့်ရှင်းစွမ်းအင်ကို တိုးမြှင့်အသုံးပြုမှာဖြစ်ပါတယ်။ အိမ်ထောင်စု ၄ သန်းအတွက် ကျောက်မီးသွေးကနေ သဘာဝဓာတ်ငွေ့၊ ကျောက်မီးသွေးကနေ လျှပ်စစ်မီးနဲ့ လုပ်ဆောင်တဲ့ ပရောဂျက်တွေကို ပြီးစီးအောင်လုပ်ဆောင်သွားမှာ ဖြစ်ပါတယ်" လို့ ပြောကြားခဲ့ပါတယ်။ နှစ်အလိုက် ၂၀၁၇ ခုနှစ်မှာ မြို့ပေါင်း ၂၈ မြို့က လေထုအရည်အသွေးညွှန်းကိန်း PM 2.5 သိပ်သည်းဆဟာ ၁၁ ဒသမ ၇ ရာခိုင်နှုန်း ကျဆင်းခဲ့ပြီး ဘေဂျင်းမြို့ရဲ့ လေထုအရည်အသွေး ညွှန်းကိန်းဟာ ပျမ်းမျှ တစ်ကုဗမီတာကို ၅၈ မိုက်ခရိုဂရမ်အထိ ကျဆင်းခဲ့တယ်လို့ အဲဒီ သဘာဝပတ်ဝန်းကျင် ကာကွယ်ရေးဝန်ကြီးက ဆိုပါတယ်။
4 years Ago
Up