တရုတ်နိုင်ငံသား ၂ ဦး သေဆုံး

May 15, 2018

မူဆယ် ပစ်ခတ်မှုအတွင်း တရုတ်နိုင်ငံသား ၂ ဦး သေဆုံးဟု တရုတ်နိုင်ငံက ပြောကြား

ရှမ်းပြည်နယ်၊ မူဆယ်မြို့မှာ ပြီးခဲ့တဲ့ မေလ ၁၂ ရက်က ဖြစ်ပွားခဲ့တဲ့ ပစ်ခတ် တိုက်ခိုက်မှုတွေအတွင်း တရုတ်နိုင်ငံသား နှစ်ဦး သေဆုံးသွားတယ်လို့ တရုတ်နိုင်ငံခြားရေးဌာန က ထုတ်ဖော်ပြောကြားလိုက်ပါတယ်။ မေလ ၁၄ ရက် ဘေဂျင်းမြို့မှာ ပြုလုပ်တဲ့ ပုံမှန်သတင်းစာရှင်းပွဲမှာ တရုတ်နိုင်ငံခြားရေးဌာန ပြောရေးဆိုခွင့်ရှိသူ မစ္စတာလူကန်က ပြောကြားလိုက်တာဖြစ်ပြီး တရုတ်နိုင်ငံ ပိုင်နက်ထဲကိုလည်း  ကျည်ဆန်တွေ ကျရောက်ခဲ့တယ်လို့လည်း ပြောပါတယ်။ “တရုတ်အစိုးရဟာ မေလ ၁၂ ရက်က မြန်မာပြည်မြောက်ပိုင်းမှာ ဖြစ်ပွားတဲ့ တိုက်ပွဲတွေနဲ့ ပတ်သက်ပြီး အရမ်းစိုးရိမ်ပူပန်ပါတယ်။ ရရှိထားတဲ့ သတင်းအချက်အလက်တွေအရ တိုက်ပွဲကြောင့် မြန်မာနိုင်ငံထဲမှာ တရုတ်နိုင်ငံသား နှစ်ယောက် သေဆုံးသွားပြီး တရုတ်နယ်နိမိတ်ထဲကို ဗုံးဆန်သုံးလုံးနဲ့  ကျည်ဆန်တွေလည်း ကျရောက်ခဲ့ပါတယ်။” ဒါ့အပြင် နယ်စပ်ဒေသမှာ နေထိုင်ကြတဲ့ မြန်မာနိုင်ငံသား အယောက် ၃၀၀ ကျော်ဟာ ဒီတိုက်ပွဲတွေကနေ လွတ်မြောက်ဖို့ တရုတ်နိုင်ငံထဲ ထွက်ပြေးလာကြလို့ တရုတ်နိုင်ငံက လူသားချင်း စာနာစိတ်နဲ့ လိုအပ်တဲ့အကူအညီတွေပေးပြီး ဒီလူတွေကို ခိုလှုံနေထိုင်ဖို့ စီစဉ်ပေးထားတယ်လို့ ဆိုပါတယ်။ တရုတ်အစိုးရဟာ မြန်မာနိုင်ငံက သက်ဆိုင်ရာအဖွဲ့အစည်းတွေနဲ့ ခိုင်မာတဲ့ ဆက်ဆံမှုတွေ ရှိထားပါတယ်။ တရုတ်အစိုးရဟာ စစ်ပွဲတွေ ချက်ချင်းရပ်ကြဖို့၊ အခြေအနေ ပိုဆိုးရွားလာတာမျိုး မဖြစ်အောင် တတ်နိုင်သလောက် လုပ်ဆောင်ဖို့၊ တရုတ်-မြန်မာ နယ်စပ်ဒေသမှာ အမြန်ဆုံး ငြိမ်းချမ်းရေးနဲ့ တည်ငြိမ်အေးချမ်းရေး ပြန်ရဖို့နဲ့ တရုတ်-မြန်မာ နယ်စပ်ဒေသမှာ ငြိမ်းချမ်းရေးနဲ့ တည်ငြိမ်ရေးကို ခြိမ်းခြောက်နေတဲ့ ဒီလိုဖြစ်ရပ်မျိုးကို နောက်တခါထပ်ပြီး အဖြစ်မခံရအောင် ပဋိပက္ခဖြစ်နေတဲ့ အဖွဲ့အစည်းအားလုံးကို တရုတ်နိုင်ငံက တောင်းဆိုပါတယ်။ မေလ ၁၂ ရက်က မူဆယ်မြို့က တိုက်ခိုက်မှုတွေမှာ  အမျိုးသမီး ၂ ယောက် အပါအဝင် အရပ်သား ၁၅ ယောက် သေဆုံးပြီး ရဲနဲ့ ပြည်သူ့စစ် ၄ ယောက် သေဆုံးခဲ့တယ်လို့ နိုင်ငံတော် အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးက ပြောထားပါတယ်။ တရုတ်နိုင်ငံအနေနဲ့ အကြမ်းဖက်မှုကို ပြစ်တင်ရှုတ်ချပြီး အရပ်သားတွေ သေဆုံးတာကို ဝမ်းနည်းတဲ့အကြောင်း စစ်ပွဲနဲ့ ပတ်သက်သူ အားလုံးအနေနဲ့ အပစ်ရပ်ဖို့၊ တရုတ်-မြန်မာ နယ်စပ် မြန်မြန်အေးချမ်းပြီး နယ်စပ်နေသူတွေရဲ့ အသက်၊ ဘဝနဲ့ လုံခြုံမှုကို ကာကွယ်စောင့်ရှောက်ဖို့ကိုလည်း မြန်မာနိုင်ငံဆိုင်ရာ တရုတ်သံရုံးက ကြေညာချက် ထုတ်ပြန် တောင်းဆိုထားပါတယ်။ ဓာတ်ပုံ-FMPRC
4 years Ago

May 14, 2018

တူးမြောင်းဖောက်လုပ်ရာတွင် ပါသွားသည့် လယ်ယာမြေများအတွက် လျော်ကြေးပေးအပ်

ပဲခူးတိုင်းဒေသကြီး၊ ဖြူးမြို့နယ်၊ ဖြူးချောင်းရေလှောင်တမံဘက်စုံစီမံကိန်း တူးမြောင်း ဖောက်လုပ်ရာမှာ ပါဝင်တဲ့ မြေယာတွေအတွက် လယ်သမားတွေကို နစ်နာကြေးပေးအပ်ပွဲကို ဒီနေ့ မနက်က ဖြူးမြို့နယ်ခန်းမမှာ ပြုလုပ်ခဲ့ပါတယ်။ တူးမြောင်း ခြောက်မြောင်း ဖောက်လုပ်ရာမှာ ပါဝင်သွားတဲ့ ကျေးရွာအုပ်စု ၅ အုပ်စုက တောင်သူ ၂၇၆ ဦးရဲ့ စုစုပေါင်းလယ်မြေ ၈၈.၆၁ ဧကအတွက် တဧကကို သိန်း ၂၀ ကျပ်နှုန်းနဲ့ နစ်နာကြေး ပေးအပ်ခဲ့တာပါ။ ဖြူးချောင်းရေလှောင်တမံ ဘက်စုံစီမံကိန်းမှ ဦးစီးမှူး (မြို့ပြ) ဦးမြဝင်းကိုက "ဒီစီမံကိန်းကို ၂၀၁၇ ခုနှစ် မတ်လထဲက စတင်လုပ်ဆောင်ခဲ့တာပါ။ အခုဆို ၈၀ ရာခိုင်နှုန်း ပြီးစီးသွားပါပြီ။ ဒီစီမံကိန်းကို စတင်လုပ်ဆောင်ချိန်မှာ အခက်အခဲတွေ အများကြီးရှိပါတယ်။ ဒီ ခြောက်မြောင်း ပြီးသွားရင် ဧကသုံးထောင်လောက် ရေပေးဝေနိုင်မှာဖြစ်ပါတယ်။ အခုမြေယာ လျော်ကြေးကိုလည်း ကျနော်တို့က တစ်ဧက သိန်း ၂၀ နှုန်းနဲ့လျှော်ပေးခဲ့တာပါ"လို့ ပြောပါတယ်။ တူးမြောင်းဖောက်လုပ်ရာမှာ လယ်မြေ ပါဝင်သွားတဲ့ တောင်သူဦးထွန်းရွှေက “ဒီတူးမြောင်း ဖောက်မယ်ဆိုတော့ အုပ်ချုပ်ရေးအဖွဲ့တွေနဲ့ ဆည်မြောင်းက အဖွဲ့တွေ လာပြီးညှိတယ်။ အခုတစ်ဧကကို သိန်း ၂၀ လျော်ပေးတယ်။ အဆင်ပြေပါတယ်။ ဒီတူးမြောင်းကြောင့် သီးနှံတွေ အများကြီး တိုးစိုက်လာလို့ရသွားမှာဖြစ်တယ်”လို့ ပြောပါတယ်။ ဖြူးချောင်းတမံ ဘက်စုံစီမံကိန်းကနေ ဒေသတွင်းမှာရှိတဲ့ လယ်ယာမြေဧက ၉၀၀၀၀ ကျော်ကိုရေပေးဝေနိုင်ဖို့ ရည်ရွယ်ထားတယ်လို့လည်း သိရပါတယ်။ အခမ်းအနားကို ပဲခူးတိုင်းအစိုးရအဖွဲ့ စိုက်ပျိုးရေ/မွေးမြူရေးနှင့် ဆည်မြောင်းဝန်ကြီးဌာန ဝန်ကြီးဦးအောင်ဇော်နိုင်၊ လွှတ်တော်ကိုယ်စားလှယ်တွေနဲ့ ဌာနဆိုင်ရာက တာဝန်ရှိသူတွေ အပါအဝင် တောင်သူတွေပါ တက်ရောက်ခဲ့ပါတယ်။ သတင်း - ကျော်အောင်(ကညွှတ်ကွင်း)
4 years Ago
Up