တရုတ်ဘုန်းကြီး

November 17, 2018

တရားမ၀င် အလှူခံနေသည့် တရုတ်ဘုန်းကြီး ၂ ပါးကို အမြန်ဆုံးပြန်ရန် ၀န်ခံကတိထိုးခိုင်း

တရားမဝင် အလှူခံနေတဲ့ တရုတ်နိုင်ငံသားဘုန်းကြီး ၂ ပါးကို ဆက်လက်အလှူမခံဖို့နဲ့ မိမိနိုင်ငံကို အမြန်ဆုံးပြန်ဖို့ ဝန်ခံကတိ လက်မှတ်ရေးထိုးခိုင်းခဲ့တယ်လို့ ရဲတပ်ဖွဲ့က ထုတ်ပြန်ပါတယ်။ နိုဝင်ဘာ ၁၄ ရက်နေ့ မွန်းလွဲပိုင်းက သင်္ဃန်းကျွန်းမြို့နယ် BKK ဈေးဝယ်စင်တာရှေ့မှာ တရုတ်ဘုန်းကြီး ၂ ပါး အလှူခံနေတာတွေ့လို့ ရဲစခန်းကို ခေါ်ယူ စစ်မေးခဲ့ပါတယ်။ သူတို့ဟာ အလည်အပတ်ဗီဇာနဲ့ လွန်ခဲ့တဲ့ ၂ ပတ်က မြန်မာနိုင်ငံကို လေယာဉ်နဲ့ ရောက်ရှိလာပြီး လသာမြို့နယ်က ဟိုတယ်မှာ တည်းခိုတယ်လို့ ဆိုပါတယ်။ ပြီးတော့ ရန်ကုန်မြို့တွင်း လူစည်ကားတဲ့ နေရာတွေမှာ အလှူခံရတာနဲ့ နေထိုင်စားသောက်နေပြီး လကုန်ရက်မှာ  တရုတ်နိုင်ငံကို ပြန်ဖို့ စီစဉ်ထားတယ်လို့လည်း ဆိုပါတယ်။ အဲဒီနောက် သူတို့ကို သင်္ဃန်းကျွန်းမြို့နယ်အုပ်ချုပ်ရေးမှူးရုံးကို ခေါ်ဆောင်ပြီး မြို့နယ်သံဃ မဟာနာယကအဖွဲ့ စည်းကမ်းထိန်းသိမ်းရေးအဖွဲ့ ဥက္ကဋ္ဌဆရာတော်ဦးစီးတဲ့အဖွဲ့က စစ်မေးပြီး မြန်မာနိုင်ငံထဲမှာ တရားမဝင် အလှူခံတာ မလုပ်ဖို့၊ မိမိနိုင်ငံကို အမြန်ဆုံးပြန်ဖို့ ပြောဆိုပြီး ဝန်ခံကတိ လက်မှတ်ရေးထိုးခိုင်းခဲ့တယ်လို့လည်း ရဲတပ်ဖွဲ့က ဖော်ပြထားပါတယ်။ ပြီးခဲ့တဲ့ရက်ပိုင်းတွေက အင်တာနက်စာမျက်နှာတွေမှာ သင်္ကန်းဝတ်ဆင်ထားတဲ့ တရုတ်လူမျိုးတွေ ရန်ကုန်မြို့တွင်းမှာ လှည့်လည်သွားလာရင်း လမ်းသွားလမ်းလာတွေကို ပုတီးတွေပေးပြီး အလှူငွေ တောင်းခံနေတာ၊ ကားပေါ်မှာ သင်္ကန်းလဲလှယ်နေတာတွေကို ဗွီဒီယို၊ ဓာတ်ပုံတွေနဲ့ ဖော်ပြထားခဲ့ကြတာ ဖြစ်ပါတယ်။ ဓာတ်ပုံ-Kyaw Htet Htet Naing
2 years Ago

August 3, 2018

သီလရှင်များအား လိင်ပိုင်းကျူးလွန်ခဲ့သည့် ထိပ်တန်းတရုတ်ဘုန်းကြီး တိုင်ကြားခံရ

တရုတ်နိုင်ငံမှ ထိပ်တန်း ဗုဒ္ဓဘာသာ ဘုန်းကြီးတပါးဟာ သီလရှင်တွေကို ဖိအားပေး လိင်ပိုင်းဆိုင်ရာ ကျူးလွန်မှုတွေ ပြုလုပ်ခဲ့တယ်ဆိုပြီး တိုင်ကြားခံခဲ့ရပါတယ်။ ဆူးချန်းလို့ အမည်ရတဲ့ အဲဒီဘုန်းကြီးဟာ တရုတ်နိုင်ငံ ဗုဒ္ဓဘာသာအသင်းရဲ့ အကြီးအကဲတဦးဖြစ်ပြီး အစိုးရရဲ့ နိုင်ငံရေးအကြံပေးတဦးလည်း ဖြစ်ပါတယ်။ သူဟာ အဲဒီရာထူးအတွက် အသက်အငယ်ဆုံးအဖြစ် လူသိများသူတဦးလည်းဖြစ်ကာ တရုတ်နိုင်ငံရဲ့ အင်တာနက် လူမှုကွန်ရက်စာမျက်နှာ ဝေဘိုပေါ်မှာ ပရိသတ် ၁ သန်းကျော် ရှိနေတာပါ။ သူ့ရဲ့ သီလရှင်တွေအပေါ် လိင်ပိုင်းဆိုင်ရာ ကျူးလွန်မှု ပြုခဲ့တယ်ဆိုတဲ့ တိုင်ကြားစာကိုတော့ သူကျောင်းထိုင်တဲ့ လောင်ဂူအန် ဘုန်းတော်ကြီးကျောင်းက ဘုန်းကြီး ၂ ပါးက အစိုးရဆီ အသေးစိတ် တိုင်ကြားခဲ့တာဖြစ်တယ်လို့ ဘီဘီစီသတင်းမှာ သြဂုတ် ၂ ရက်နေ့က ဖော်ပြပါတယ်။ ဒါပေမယ့် ခုလိုစွပ်စွဲမှုတွေနဲ့ ပတ်သက်ပြီး ဆူးချန်းကတော့ ငြင်းဆိုထားပါတယ်။ တိုင်ကြားစာထဲမှာတော့ ဘုန်းတော်ကြီး ဆူးချန်းဟာ သီလရှင်တွေကို တရားမဝင် မက်ဆေ့ခ်ျတွေပို့ပြီး လိင်ပိုင်းဆိုင်ရာ ပတ်သက်ဆက်နွှယ်မှုတွေအတွက် ဖိအားပေး ခိုင်းစေခဲ့တယ်လို့ ဖော်ပြခဲ့ပြီး အနည်းဆုံး သီလရှင် ၆ ပါးကို ခြိမ်းခြောက်မှုတွေလုပ်ခဲ့ကာ သူတို့ထဲက ၄ ပါးက သူ့တောင်းဆိုချက်ကို လက်ခံခဲ့တယ်လို့ ဖော်ပြထားပါတယ်။ စာမျက်နှာ ၉၅ မျက်နှာ ပါဝင်တဲ့ အဲဒီတိုင်ကြားစာထဲမှာ ဆူးချန်းက သီလရှင်တွေကို စိတ်ပိုင်းဆိုင်ရာ ထိန်းချုပ်မှုတွေလုပ်ပြီး ဖိအားပေးခဲ့တာဖြစ်ပြီး စုံစမ်းစစ်ဆေးရေးအဖွဲ့က စစ်ဆေးအရေးယူမှုတွေ လုပ်ဆောင်သွားမယ်လို့ ဆိုပါတယ်။ တရုတ်နိုင်ငံမှာ လတ်တလော #MeToo အမည်ရတဲ့ အမျိုးသမီးတွေအပေါ် လိင်ပိုင်းဆိုင်ရာ ထိပါးနှောင့်ယှက်မှုတွေအတွက် လှုပ်ရှားမှုမှာ တိုင်ကြားအရေးယူမှုတွေ ရှိနေပြီး ဘုန်းတော်ကြီး ဆူးချန်းက နောက်ဆုံးတိုင်ကြားခံရသူတဦး ဖြစ်လာခဲ့ပါတယ်။
3 years Ago
Up