တနှစ်ကျော်အတွင်း

December 23, 2017

တနှစ်ကျော်အတွင်း ပညာရေးဝန်ထမ်း ၈၀၀ ကျော် အရေးယူခံရ

တနှစ်ကျော်ကာလအတွင်းမှာ ပညာရေးဝန်ထမ်းပေါင်း ၈၀၀ ကျော် အရေးယူ အပြစ်ပေးခံခဲ့ရတယ်လို့ ပညာရေးဝန်ကြီးဌာနက ထုတ်ပြန်ပါတယ်။ ၂၀၁၆ ခုနှစ် ဧပြီလကနေ ၂၀၁၇ ခုနှစ်သြဂုတ်လအထိ အရာထမ်း၊ အမှုထမ်း ၈၄၄ ယောက်ကို အနိမ့်ဆုံးအဆင့် စာနဲ့ သတိပေးတာ၊ အမြင့်ဆုံး ပြစ်ဒဏ်အနေနဲ့ ထုတ်ပစ်တာတွေ ပြုလုပ်ခဲ့တယ်လို့ ဆိုပါတယ်။ ဒီကာလအတွင်းမှာ စာနဲ့ သတိပေးခံရသူ ၅၂၅ ယောက်၊ နှစ်တိုးလစာနဲ့ ရာထူးတိုး ရပ်ဆိုင်းခံရသူ ၄၂ ယောက်၊ ရာထူးလျှော့ခံရတာ၊ တာဝန်က ယာယီရပ်ခံရတာနဲ့ ရာထူးက ထုတ်ပယ်ခံရသူ ၁၉၂ ယောက်၊ ဝန်ထမ်းအဖြစ်က ထုတ်ပစ်ခံရသူ ၈၅ ယောက် ရှိပါတယ်။ အပြစ်ပေးခံရသူတွေထဲမှာ အရာရှိ ၁၆၁ ယောက်ပါဝင်ပြီး အမှုထမ်းအဆင့်ကတော့ ၆၈၃ ယောက်ရှိပါတယ်။ ပညာရေးဝန်ကြီးဌာနမှာ အရာထမ်းနဲ့ အမှုထမ်းပေါင်း ၅ သိန်းနီးပါး ရှိပါတယ်။
3 years Ago

April 22, 2017

တနှစ်ကျော်အတွင်း နိုင်ငံတ၀န်း ၀ါးပျိုးပင် ၁ သန်းကျော် ဖြန့်ဝေခဲ့ဟု ၀ါးစိုက်ပျိုးရေးအသင်းပြော

တနှစ်ကျော်အတွင်းမှာ တနိုင်ငံလုံးကို ဝါးပျိုးပင် ၁၀ သိန်းကျော် ဖြန့်ဝေပေးခဲ့တယ်လို့ မြန်မာနိုင်ငံ ဝါးစိုက်ပျိုးရေးအသင်းက ပြောပါတယ်။ ဝါးပင်က သဘာဝမြေဆီလွှာ ပျက်စီးမှုတွေကို ထိန်းသိမ်းပေးတဲ့အပြင် ဝါးပင်ကနေ လူသုံးကုန်ပစ္စည်းတွေ ထုတ်လုပ်ပြီး အပိုဝင်ငွေ ရရှိစေဖို့ ရည်ရွယ်ပြီး ဖြန့်ဝေပေးခဲ့တာလို့ မြန်မာနိုင်ငံ ဝါးစိုက်ပျိုးရေးအသင်းဝင် ကိုစောသီဟမောင်က ပြောပါတယ်။ လက်တလော ဝါးပျိုးပင် အမျိုးအစား  ၅မျိုးခန့်ကို  ဖြန့်ဝေပေးထားပြီး ဒီနှစ်မှာတော့  ဝါးပျိုးပင် ၇ မျိုး လောက်ထိ တိုးမြှင့် ဖြန့်ဝေပေးသွားမယ်လို့ ဆိုပါတယ်။ ဝါးက ထုတ်လုပ်တဲ့ ပစ္စည်းတွေကိုလည်း ပြည်ပနိုင်ငံတွေကို တင်ပို့နိုင်ဖို့ ဈေးကွက် ချိတ်ဆက်မှုတွေ ပြုလုပ်ထားတယ်လို့ ဆိုပါတယ်။ ဝါးတွေကို  ခုတ်ယူရာမှာ သဘာဝပတ်ဝန်းကျင် မပျက်စီးစေဘဲ စနစ်တကျ ခုတ်ယူ အသုံးပြုနိုင်ဖို့ တနိုင်ငံလုံးမှာ သင်တန်းတွေကို လှည့်လည်ပို့ချသွားမယ်လို့ ကိုစောသီဟမောင်က ပြောပါတယ်။ သတင်း- AMIA
4 years Ago
Up