တနိုင်းမြို့နယ်

August 29, 2018

တနိုင်းမြို့နယ်တွင် ရေအားလျှပ်စစ်စီမံကိန်း ကြန့်ကြာနေသည့်ကိစ္စ သမ္မတထံ တင်ပြ

ကချင်ပြည်နယ်၊ တနိုင်းမြို့နယ်မှာ တည်ဆောက်နေတဲ့ ရေအားလျှပ်စစ်စီမံကိန်း မပြီးစီးတာနဲ့ ပတ်သက်ပြီး လွှတ်တော်ကနေ အကြိမ်ကြိမ် မေးမြန်းခဲ့ပေမယ့် အရေးတယူ မလုပ်လို့ သမ္မတရုံးကို စာနဲ့ တင်ပြထားတယ်လို့ လွှတ်တော်ကိုယ်စားလှယ် ဦးလင်းလင်းဦးက ပြောပါတယ်။ တနိုင်းမြို့နယ်၊ ရှင်ဗွေယန်မှာ ကီလိုဝပ် ၂၀၀ ထုတ်လုပ်နိုင်မယ့် တဝါးခချောင်း ရေအား လျှပ်စစ်စက်ရုံကို ၂၀၁၄ ခုနှစ်မှာ စတင်တည်ဆောက်ခဲ့ပေမယ့် အခုအချိန်အထိ လျှပ်စစ် မပေးနိုင်သေးတာ ဖြစ်ပါတယ်။ “ကျနော် ၂၀၁၆ ခုနှစ်ကစပြီး လွှတ်တော်ကနေ ၄ ကြိမ် မေးခဲ့တယ်။ ပြည်ထောင်စုဝန်ကြီး အဆင့်တွေ၊ ပြည်နယ်အဆင့်တွေက ဖြေကြပေမယ့် အခုအချိန်အထိ အဆင်မပြေသေးဘူး။ ဒါကို စုံစမ်းစစ်ဆေးတာတွေ လုပ်ပေးဖို့ အခုသမ္မတရုံးကို စာတင်တော့ စာကို လက်ခံရရှိတဲ့ အကြောင်းပြန်ထားတယ်” လို့ ဦးလင်းလင်းဦးက ပြောပါတယ်။ စက်ရုံတည်ဆောက်ဖို့အတွက် နယ်စပ်ဒေသနဲ့ ဖွံ့ဖြိုးတိုးတက်ရေးဦးစီးဌာနရဲ့ ၂၀၁၃-၁၄ ဘဏ္ဍာနှစ် ရန်ပုံငွေက ကျပ် ၁၇၉၅ သိန်း၊ ပြည်နယ်အစိုးရရဲ့ ၂၀၁၄-၁၅ ဘဏ္ဍာနှစ် ရန်ပုံငွေက ကျပ် ၅၀၂၄ သိန်း၊ စုစုပေါင်း ကျပ် ၆၈၁၉ သိန်းကျော်နဲ့ တည်ဆောက်ခဲ့တာပါ။ ၂၀၁၅ ခုနှစ် ဇွန်လမှာ စက်ရုံပြီးစီးခဲ့ပေမယ့် ပြင်ဆင်စရာတွေရှိနေလို့ ပြည်နယ်အစိုးရက လက်မခံသေးဘဲ ပြင်ဆင်ခိုင်းထားခဲ့ပါတယ်။ အဲဒီနောက် တာဝန်ယူ တည်ဆောက်နေတဲ့ အောင်ပြည့်ချမ်းသာ ကုမ္ပဏီနဲ့ ကချင်ပြည်နယ်အစိုးရအဖွဲ့တို့ တွေ့ဆုံပြီး ၂၀၁၆ အောက်တိုဘာလကုန်မှာ ပြင်ဆင်ဖို့၊ မပြင်ဘူးဆိုရင် လုပ်ထုံးလုပ်နည်းနဲ့အညီ အရေးယူ ဆောင်ရွက်တာတွေ လုပ်မယ်ဆိုပြီး လျှပ်စစ်နဲ့စွမ်းအင်ဝန်ကြီးဌာနက ဖြေကြားထားပါတယ်။ ကချင်ပြည်နယ် အစိုးရအဖွဲ့က ၂၀၁၇ ခုနှစ် ဇန်နဝါရီလက ဖြေကြားရာမှာတော့ ၂၀၁၆ ခုနှစ်၊ အောက်တိုဘာလကုန်မှာ အပြီးပြင်ဆင်ဖို့ ညွှန်ကြားထားပေမယ့် မပြီးစီးတာကြောင့် ဘာကြောင့် မပြီးတယ်ဆိုတာကို ရှင်းလင်းတင်ပြဖို့ ကုမ္ပဏီကို ထပ်ပြီး အကြောင်းကြားထားသလို ဒါနဲ့ ပတ်သက်လို့ စုံစမ်းစစ်ဆေးရေး အဖွဲ့ ဖွဲ့ပေးထားတယ်လို့လည်း ဖြေထားပါတယ်။ ဦးလင်းလင်းဦးက “ဖိဖိစီစီး ဆောင်ရွက်တာမှာ လုံးဝ အားနည်းတယ်။ သက်ဆိုင်ရာ ဌာနတွေအနေနဲ့ ဖြေပြီးသွားရင် အရေးတယူ လုပ်ပေးရမှာပေါ့။ စက်ရုံက အခုအချိန်ထိ လျှပ်စစ် မပေးနိုင်သေးတဲ့အကြောင်း ဒေသခံတွေနဲ့ တွေ့တဲ့အချိန်မှာ သူတို့က မေးကြ၊ ပြောကြတော့ ကျနော်က တင်ပြရတာ” လို့ ပြောပါတယ်။ လျှပ်စစ်နဲ့ စွမ်းအင်ဝန်ကြီးဌာနကတော့ မဟာဓာတ်အားလိုင်းနဲ့ မဆက်သွယ်ထားတဲ့ အသေးစားနဲ့ အလတ်စား ရေအားလျှပ်စစ်ထုတ်လုပ်ဖို့ စီမံခန့်ခွဲတာနဲ့ လုပ်ပိုင်ခွင့်ကို သက်ဆိုင်ရာ တိုင်းနဲ့ ပြည်နယ်တွေကိုပေးထားပြီး ဖြစ်တယ်လို့ ဆိုပါတယ်။
3 years Ago

August 4, 2016

တနိုင်းမြို့နယ်တွင် ကေအိုင်အေနှင့် အစိုးရတပ် တိုက်ပွဲဖြစ်

ကချင်ပြည်နယ် တနိုင်းမြို့နယ်ထဲမှာ ကေအိုင်အေ (ကချင်လွတ်လပ်ရေးတပ်မတော်)နဲ့ အစိုးရတပ်ကြား မနေ့မနက်ပိုင်းက တိုက်ပွဲဖြစ်ခဲ့ပါတယ်။ အစိုးရတပ်ဟာ ကေအိုင်အေ တပ်မဟာ ၂ တပ်ရင်း ၁၄ နဲ့ နီးတဲ့ဘက်ကို ရောက်လာ တာကြောင့် ထောင်ထားတဲ့ လုံခြုံရေးမိုင်းတွေ ပေါက်ကွဲပြီး နှစ်ဘက်အပြန်အလှန် ပစ်ခတ်ခဲ့ကြတယ်လို့ ကေအိုင်အေ သတင်းနဲ့ပြန်ကြားရေးဌာနက  ဗိုလ်မှူးကြီး နော်ဘိုက ဒီဗွီဘီ ကို ပြောပါတယ်။ “တနိုင်းဘက်က တပ်မဟာ ၂ တပ်ရင်း ၁၄ ဘက်မှာ တပ်မတော်ဘက်က စစ်ကြောင်းတွေ ထိုးလာလို့ ကေအိုင်အေတပ်စခန်းဘက်မှာ နည်းနည်းနီးလာလို့ ကျနော်တို့ရဲ့ လုံခြုံရေးမိုင်းတွေ ပေါက်ကွဲလာတယ်။ အဲဒါကြောင့် တပ်မတော်ဘက်ကလည်း လက်နက်ကြီးတွေ၊ လက်နက်ကြီး ဆိုတဲ့နေရာမှာ ၈၈ တို့ ၆၀ တို့နဲ့ လှမ်းပစ်တယ်။ နောက်နည်းနည်းပြန်နီးလာတော့ လက်နက်ငယ်တွေနဲ့လည်း ပစ်တယ်။ ထိခိုက်ကျဆုံးတာတော့ မသိရဘူး။” ဒီကနေ့လည်း ဖားကန့်ဒေသက ကေအိုင်အေ တပ်မဟာ ၆ ရှိရာဘက်ကို  အစိုးရတပ်တွေ ရောက်ရှိ လာတယ်လို့ဆိုပါတယ်။ မနေ့က တနိုင်းမှာ  ဖြစ်ပွားခဲ့တဲ့ တိုက်ပွဲနဲ့ ပတ်သက်လို့  မြန်မာတပ်မတော်ဘက်ကတော့ သတင်းထုတ်ပြန်ခြင်း မရှိသေးပါဘူး။ အစိုးရနဲ့ တိုင်းရင်းသား လက်နက်ကိုင်တွေအကြား ငြိမ်းချမ်းရေးအတွက် ဆွေးနွေးညှိနှိုင်းမှုတွေ  အဆက်မပြတ် ပြုလုပ်နေချိန်မှာ တနိုင်ငံလုံး အပစ်ခတ်ရပ်စဲရေးစာချုပ် (အန်စီအေ) မှာ ပါဝင် လက်မှတ်မထိုးရသေးတဲ့ ကေအိုင်အေဖွဲ့နဲ့ အစိုးရတပ်တွေ တိုက်ပွဲ အခုလိုဖြစ်ပွားခဲ့တာပါ။ ဗိုလ်မှူးကြီးနော်ဘိုကတော့ နိုင်ငံတော်အစိုးရက ငြိမ်းချမ်းရေး၊ နိုင်ငံရေးဆွေးနွေးပွဲတွေ ပြုလုပ်ဖို့  ကြိုးပမ်းနေချိန်မှာ တဘက်က ထိုးစစ်ဆင်နေတဲ့အတွက်  ငြိမ်းချမ်းရေး မအောင်မြင် မှာကို စိုးရိမ်မှုတွေ ရှိနေတယ်လို့ ပြောပါတယ်။ ဒီကနေ့မှာတော့ နှစ်ဖက်တိုက်ပွဲဖြစ်တဲ့ သတင်းတွေ မကြားရသေးသေးပါဘူး။
5 years Ago
Up