တွေ့ရှိ

December 25, 2020

တောင်ကိုရီးယားတွင် ကိုဗစ်-၁၉လူနာသစ် ၁၂၄၁ ဦးတွေ့ရှိ

တောင်ကိုရီးယားနိုင်ငံ မြို့တော် ဆိုးလ်ရှိ အကျဉ်းထောင်တခုမှာ ကိုဗစ်-၁၉ အများအပြားကူးစက်တာနဲ့အတူ ပိုးကူးစက်သူ ၁,၂၄၁ ယောက်တွေ့ရှိတယ်လို့ ဒီဇင်ဘာလ ၂၅ ရက်မှာ အစိုးရက ပြောကြားပါတယ်။ တောင်ကိုရီးယားဟာ ကိုရိုနာဗိုင်းရပ်စ် ဖြစ်ပွားမှုကို စစ်ဆေးတာနဲ့ ခြေရာခံတာတွေ တင်းတင်းကျပ်ကျပ်လုပ်ပြီး အစောပိုင်း ရောဂါထိန်းချုပ်ရာမှာ အောင်မြင်ခဲ့ပါတယ်။ ဒါပေမဲ့ မကြာခင်က မြင့်တက်လာတဲ့ ကူးစက်မှုတွေကို ကြိုးပမ်းထိန်းချုပ်နေရပါတယ်။ လူ ၅ ဦးထက် ပိုစုတာကို တားမြစ်တာအပါအဝင် ဒီသီတင်းပတ်အတွင်း တင်းကျပ်တဲ့ စည်းကမ်းချက်တွေ ချမှတ်ခဲ့ပါတယ်။ ခရစ္စမတ်ကာလနဲ့ နှစ်သစ်ကူး ရုံးပိတ်ရက်တွေမှာ ကူးစက်မှု ပျံ့နှံ့တာကို တားမြစ်တဲ့အနေနဲ့ နှင်းလျှောစီးစခန်းတွေနဲ့ ခရီးသွားနေရာတွေကိုလည်း ပိတ်ထားပါတယ်။ တောင်ကိုရီးယားမှာ ကိုရိုနာဗိုင်းရပ်စ်သူ စုစုပေါင်း ၅၄,၇၇၀ နဲ့ သေဆုံးသူ စုစုပေါင်း ၇၇၃- ယောက် ရှိတယ်လို့ ကိုရီးယားရောဂါထိန်းချုပ်ရေးနဲ့ ကြိုတင်ကာကွယ်ရေး အေဂျင်စီက ထုတ်ပြန်ပါတယ်။

1 month Ago

December 5, 2020

168

ရွှေဘိုတွင် ကိုဗစ်-၁၉ လူနာသစ် ၂၈ ဦး တွေ့ရှိ

စစ်ကိုင်းတိုင်း၊ ရွှေဘိုမှာ ဒီဇင်ဘာလ ၄ ရက်နေ့က ကိုဗစ်-၁၉ အတည်ပြုလူနာသစ် ၂၈ ဦး တွေ့ရှိခဲ့တယ်လို့ သိရပါတယ်။ ပိတောက်ခေါင်းကျေးရွာ၊ ဘိုးတော်တောကျေးရွာ၊ ညောင်ပင်သာ ကျေးရွာတွေမှာ Quarantine ဝင်နေသူ ၅၉ ဦး စုစုပေါင်း ၁၉၄ ဦးစစ်ဆေးရာ စုစုပေါင်း ၂၈ဦး ပိုးတွေ့ရှိခဲ့တာလို့ ရွှေဘိုခရိုင် ပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာဝင်းလဲ့လဲ့ထွေးက ဖေ့စ်ဘွတ်ခ်စာမျက်နှာမှာ ဖော်ပြထားပါတယ်။ အခုရက်ပိုင်း ကိုဗစ်-၁၉ ရောဂါပိုးတွေ့ရှိသူ ဆက်တိုက်တိုးလာတဲ့အတွက် နေရာထိုင်ခင်း၊ အထောက်အကူပြုပစ္စည်းတွေ မလုံလောက်တာ ဖြစ်ပေါ်နေတယ်လို့ ရွှေဘိုမြို့နယ် ကိုဗစ်-၁၉ ရောဂါကာကွယ်ထိန်းချုပ် ကုသရေးလုပ်ငန်း အဓိကပါဝင်ဆောင်ရွက်နေသူ ဆရာကြီး ဦးတင်ဝင်းက ပြောပါတယ်။ “ရွှေဘိုမြို့ သူမြို့သား အများစုက မြို့ကို Lock Down၊ Semi Lock down၊ ဒါမှမဟုတ် Home Stay နေဖို့ ဖြစ်ဖြစ် ဝန်ကြီးချုပ်အထိ တင်ပြပေးဖို့ရှိတယ်။ ကျေးရွာတွေအတွက် ရန်ပုံငွေရှာဖွေရေး ကိုယ်တိုင်ပါဝင်ဆောင်ရွက်နေပြီး ဘိုးတော်တော ရန်ပုံငွေ သိန်းတစ်ရာ နီးပါး ရရှိထားတယ်။” ရွှေဘိုမြို့မှာ ဒီဇင်ဘာလ တစ်ရက်နေ့မှ လေးရက်နေ့အထိ ကိုဗစ်၁၉ ရောဂါပိုးတွေ့ရှိသူ ၄၁ ဦးရှိပြီး ရောဂါကုသပျောက်ကင်းလို့ ဆေးရုံဆင်းသူ ၂၇ ဦးရှိတယ်လို့ ရွှေ့ဘိုတက္ကသိုလ် FQ တာဝန်ခံ ဦးစိုးမြင့်အောင်ဆီက သိရပါတယ်။ ချိုသဲကြည်

2 months Ago

More News