တဲအိမ် ၁၅ လုံး လှူဒါန်း

June 22, 2020

သရုပ်ဆောင်နေတိုး ရခိုင်စစ်ရှောင်များအတွက် တဲအိမ် ၁၅ လုံး လှူဒါန်း(ဓာတ်ပုံ)

နာမည်ကြီး သရုပ်ဆောင်မင်းသားတလက်ဖြစ်တဲ့ နေတိုးက လတ်တလော ကိုဗစ်ကာလ အခက်အခဲတွေနဲ့ ရင်ဆိုင်နေကြရတဲ့ ရခိုင်စစ်ဘေးရှောင်တွေအတွက် တဲအိမ် ၁၅ လုံးကို လှူဒါန်းလိုက်တယ်လို့ သိရပါတယ်။ ဒီအလှူဟာ ကွယ်လွန်သွားပြီဖြစ်တဲ့ သူ့ရဲ့ ညီဖြစ်သူ သရုပ်ဆောင်မင်းသား မင်းသွေးအတွက် ရည်စူးပြီး ဆွမ်းဆက်ကပ်လှူဒါန်းတဲ့ အလှူမှာ အလိုတော်ပြည့် ဆရာတော်ကျောင်းတိုက်မှတဆင့် လှူဒါန်းလိုက်တာပါ။ မင်းသွေးဟာ ပြီးခဲ့တဲ့ ၂၀၁၈ ခုနှစ်၊ အောက်တိုဘာလ ၃ ရက်နေ့မှာ ရုတ်တရက် ကွယ်လွန် သွားခဲ့တာ ဖြစ်ပါတယ်။ ဒီအလှူနဲ့ပတ်သက်ပြီး နေတိုးက သူ့ရဲ့ ဖေ့စ်ဘွတ်ခ်အင်တာနက်လူမှုကွန်ရက်စာ မျက်နှာပေါ်မှာ ခုလိုရေးသားထားခဲ့ပြီး ပရိသတ်တွေကို ကုသိုလ်အမျှပေးဝေခဲ့တာကို တွေ့ရပါတယ်။ “ဒီနေ့ ကွယ်လွန်သူ - သရုပ်ဆောင်- မင်းသွေး(ခ)နေမင်းအောင်ခေါ် ညီလေးငယ်အား ရည်စူး၍ ဆွမ်းဆက်ကပ်ပြီးတော့ ရခိုင်စစ်ရှောင်ပြည်သူများအတွက် တဲအိမ် (၁၅) လုံးကို အလိုတော်ပြည့်ဆရာတော်ကြီးအား ဦးထိပ်ထားလျက် ရန်ကုန်မြို့ အလိုတော်ပြည့်ကျောင်းတိုက်သို့ လှူဒါန်းခဲ့ပါတယ်။ ပရိသတ်များအားလုံး ကုသိုလ်အမျှ ရကြပါ​စေခင်ဗျာ… 🙏🙏🙏 #Ashinkumara #RNSWO @BlueArakan”
12 months Ago
Up