တောင်းဆို

February 13, 2021

ဖမ်းဆီးထားသည့် မကွေးဆန္ဒပြပွဲ ဦးဆောင်သူ ဦးနေမျိုးကျော်ကို ပြန်လွှတ်ပေးရန်တောင်းဆို

ဖမ်းဆီးထားတဲ့ စစ်အာဏာရှင်ဆန့်ကျင်ရေး မကွေးမြို့ ဆန္ဒပြပွဲ ဦးဆောင်သူတဦးဖြစ်တဲ့ ဦးနေမျိုးကျော်ကို ပြန်လွှတ်ပေးဖို့ ပြည်သူတွေက မြို့မရဲစခန်းရှေ့မှာ ဆန္ဒပြတောင်းဆိုနေကြပါတယ်။

ဆန္ဒပြပွဲ ဦဆောင်သူတွေနဲ့ ရဲတပ်ဖွဲ့တာဝန်ရှိသူတွေ ညှိနှိုင်းရာမှာ သက်ဆိုင်ရာ ရဲတပ်ဖွဲ့ဘက်ကတော့ ဦးနေမျိုးကျော်ကို သဘာဝဘေးအန္တရာယ်ဆိုင်ရာ စီမံခန့်ခွဲရေး ဥပဒေပုဒ္မ ၂၅ နဲ့ အမှုဖွင့်အရေးယူထားတယ်လို့ ပြောပါတယ်။

စစ်အာဏာရှင်စနစ်ဆန့်ကျင်ရေး မကွေးမြို့ ဆန္ဒပြပွဲဦးဆောင်သူတဦးဖြစ်တဲ့  ဦးနေမျိုးကျော်က ဖေဖော်ဝါရီ ၁၃ ရက် မွန်းတည့် ၁၂ နာရီလောက်က အဖမ်းခံရတယ်လို့ သိရပါတယ်။

မင်းထီး

4 months Ago

January 9, 2021

ဖမ်းဆီးထိန်းသိမ်းခံထားရသူများနှင့် တွေ့ခွင့်ပေးရန်  မိသားစုဝင်များ တောင်းဆို

ရခိုင်ပြည်နယ်မှာ တပ်မတော်က အကြမ်းဖက်တိုက်ဖျက်ရေးဥပဒေတွေနဲ့ တရားစွဲဆိုပြီး အကျဉ်းထောင်တွေမှာ ဖမ်းဆီးထိန်းသိမ်းခံထားရသူတွေကို ကိုဗစ်ကာလ တရားရုံးမထုတ်တာ လနဲ့ချီ ကြာပြီဖြစ်တာကြောင့် တွေ့ဆုံခွင့်ပေးဖို့နဲ့ ပြန်လွှတ်ပေးဖို့ မိသားစုဝင်တွေက တောင်းဆိုခဲ့ကြပါတယ်။

ဖမ်းဆီးခံရတဲ့ ကပ်သပြေကျေးရွာနေ ကိုလှနုအောင်ရဲ့ဖခင် ဦးမောင်ဝေနုက “သူတို့ကိုဖမ်းသွားတာကတော့ ၆ လပိုင်း၊ ၂၆ ရက်နေ့က ဖမ်းသွားတာ၊ အခုဆိုရင် ၈ လလောက်ကြာပြီလေ။ ဖမ်းဆီးခံရတဲ့အထဲမှာ သား ၁ ယောက် ပါသွားတယ်။ လူ ၉ ယောက်ဖမ်းခံရတာမှာ ၇ ယောက်ကျန်ခဲ့တယ်။ အဲဒီ ၇ ယောက်က ဒုက္ခအခက်အခဲ ခံနေရတယ် ထောင်ထဲမှာ။ တွေ့လည်းမတွေ့ရဆိုပြီးတော့ ဖြစ်နေတယ်။ အဲဒါကို ကျနော်တို့က ဘယ်လိုနည်းနဲ့ ဘယ်လိုတွေ့ရမလဲ၊ လိုလားချက်ကတော့ ကျနော်တို့ မိဘလုပ်တဲ့သူတွေကတော့ ကိုယ့်သားသမီးတွေကိုတော့ လွတ်စေချင်တာပေါ့” လို့ ပြောပါတယ်။

ကပ်သပြေကျေးရွာမှာ တပ်မတော်က သံသယနဲ့ ဖမ်းဆီးသွားတဲ့အထဲ ကိုတင်အောင်ချေ ဆိုသူလည်း ပါဝင်ပြီး ကလေး ၄ ယောက်နဲ့ကျန်ရစ်တာကြောင့် မိသားစု စားဝတ်နေရေး အခက်အခဲ ကြုံတွေ့နေရတယ်လို့  ဇနီးဖြစ်သူ မဖြူသန်းရီက ပြောပါတယ်။

“အိမ်ရှင်ကို ဖမ်းသွားတုန်းက ကျမမှာ ကိုယ်ဝန်က ၅ လ၊ ကလေးက ၈ လ၊ ဆေးရုံက ဆင်းလာတာပဲရှိသေးတယ်၊ အခက်အခဲတွေကအများကြီးပါ။ ကျမမှာ အကြီးက ၈ နှစ်ရယ်၊ အငယ်က ၅ နှစ်မပြည့်သေးဘူး။ အိမ်ရှင်မရှိတဲ့ အချိန်မှာ ကျမတို့ကရေလုပ်ငန်းကို လုပ်ကိုင်စားသောက်နေတဲ့သူတွေဆိုတော့ ကိုယ့်မှာရှာဖွေပေးမဲ့ လူမရှိရင် အားကိုးမဲ့လူမရှိဘူး၊ ဒီနေ့လုပ်မှ ဒီနေ့စားရတာဆိုတော့၊ အခက်အခဲတွေကအများကြီးရှိတယ်” လို့ ပြောပါတယ်။

ကျောက်ဖြူအကျဉ်းထောင်မှာ တပ်မတော်က သံသယနဲ့ဖမ်းဆီးပြီး အကြမ်းဖက်တိုက်ဖျက်ရေးဥပဒေတွေနဲ့ တရားစွဲဆိုခံနေရသူ စုစုပေါင်း ၆၀ ကျော်ထိရှိကာ ဖမ်းဆီးခံရသူတွေဟာ ကျောက်ဖြူမြို့နယ်အပါအဝင် တစ်ခြားမြို့နယ်တွေကလည်း ပါဝင်တယ်လို့ သိရပါတယ်။

ဖမ်းဆီးခံရသူတွေမှာ ကိုဗစ်ကာလအတွင်း မိသားစုဝင် တွေနဲ့  တွေ့ခွင့်မရသလို ရုံးထုတ်စစ်ဆေးတာတွေ မရှိတဲ့အတွက် များစွာနစ်နာမှုတွေရှိနေတာကြောင့် ပြန်လည် လွှတ်ပေးဖို့ကိုလည်း မိသားစုဝင်တွေက တောင်းဆိုနေကြပါတယ်။

နောင်နောင်  

5 months Ago

ပွဲစဉ်ရွှေ့ဆိုင်းမှုများ ထပ်မလုပ်ရန် စပါးနည်းပြ မော်ရင်ဟို တောင်းဆို

ပွဲစဉ်ဇယားရွှေ့ဆိုင်းတာတွေ နောက်ထပ်မလုပ်ဖို့ စပါးနည်းပြ မော်ရင်ဟိုက တောင်းဆို လိုက်ပါတယ်။  စပါးအသင်းဟာ ပြီးခဲ့တဲ့တစ်ပတ်က ဖူဟမ်နဲ့ ပွဲစဉ်ကို ကိုဗစ်-၁၉ ကပ်ရောဂါ အခြေအနေ ကြောင့် ပွဲ ရွှေ့ဆိုင်းခဲ့ရတာပါ။  ဇန်နဝါရီ ၁၄ ရက်မှာ စပါးအသင်းက ဗီလာအသင်းအိမ်ကွင်းမှာ သွားရောက် ကစားရမှာ ဖြစ်ပါတယ်။  ဗီလာအသင်းမှာ ကိုဗစ်-၁၉ ရောဂါပိုးကူးစက်ခံရသူတွေရှိခဲ့တာကြောင့် သီးသန့် နေထိုင်နေရလို့ လီဗာပူးနဲ့ ပွဲမှာ ယူ ၂၃ အသင်းနဲ့သာ ကစားခဲ့ရတာပါ။  ဒီအခြေအနေကြောင့် စပါးနဲ့ပွဲကို ရွှေ့ဆိုင်းရနိုင်တာကြောင့်  ပွဲစဉ်ဇယားကို ထပ်ရွှေ့လို့ မရနိုင်တော့ကြောင်း မော်ရင်ဟိုက တိုက်တွန်းခဲ့တာပါ။  ရာသီကုန်ဆုံးချိန်မှာ ယူရိုပြိုင်ပွဲရှိနေတာကြောင့် ပွဲစဉ်ဇယားအတိုင်း ဆက်လက်ကျင်းပဖို့ လိုအပ်တယ်လို့ မော်ရင်ဟိုက သုံးသပ်ခဲ့ပါတယ်။  အက်ဖ်အေဖလားပွဲစဉ် ကစားခဲ့တဲ့ ဘရန့်ဖို့ဒ်အသင်းက နည်းပြ သောမက်စ်ဖရန့်က ကိုဗစ်ပိုး တွေ့ရှိခဲ့ပေမဲ့ စပါးအသင်း ကစားသမားတွေကို စစ်ဆေးရာမှာတော့ ပိုးတွေ့ရှိခြင်း မရှိခဲ့ လို့ သက်သာရာရခဲ့ပါတယ်။ 
5 months Ago
More News
Up