တောင်ဥက္ကလာပ

March 20, 2021

တောင်ဥက္ကလာပတွင် လူငယ် ၁ ဦးအား အကြမ်းဖက်စစ်အုပ်စုက ပစ်ခတ်ဖမ်းဆီး

တောင်ဥက္ကလာပမြို့နယ်မှာ ဒီနေမနက် ၁၁ နာရီကျော်က အသက် ၂၀ ဝန်းကျင် လူငယ် ၁ ဦးအား အကြမ်းဖက်စစ်အုပ်စုက ပစ်ခတ်ဖမ်းဆီးခေါ်ဆောင်သွားခဲ့တယ်လို့ သိရပါတယ်။

အမှတ်(၇)ရပ်ကွက်၊ မင်းရဲကျော်စွာလမ်းတစ်လျှောက်မှာ ဗိုလ်ကြီးအဆင့်ရှိ အရာရှိ ၁ ဦးနဲ့ ရဲတပ်ဖွဲ့ဝင် ၅ ဦးတို့ဟာ ရပ်ကွက်အတွင်းရှိ ပြည်သူတွေ လုံခြုံရေးအတွက် ပြုလုပ်ထားတဲ့ အရံအတားဆီးတွေကို ဖယ်ရှားပေးဖို့ ရဲကားနဲ့ ဒီနေ့မနက် ၁၀ နာရီဝန်းကျင် မနက် ၁၀ နာရီဝန်းကျင်တွင် လိုက်လံ သတိပေးခဲ့တယ်လို့ ဒေသခံတဦးက ပြောပါတယ်။

သတိပေးပြီးနောက် မင်းရဲကျော်စွာလမ်းနဲ့ ရှင်သိဒတ်လမ်းထောင့်အရောက်မှာ လမ်းအဝင်ဝရှိ ရပ်ကွက်နေပြည်သူတွေ ပြုလုပ်ထားတဲ့ တံခါးတွေကို ဖျက်ဆီးပေးဖို့ အနီးအနားရှိသူတွေအား အတင်အဓမ္မခိုင်းစေခဲ့တယ်လို့ ဆိုပါတယ်။

 အနီးအနားရှိ ဘီလစ်ယက်ခုံမှာ ကစားနေတဲ့ လူငယ်တဦးက ငြင်းဆန်ပြီး ထွက်ပြေးတဲ့အတွက် သေနတ်နဲ့ ပစ်ခတ်ပြီး ပစ်ခက်ဖမ်းဆီးခေါ်ဆောင်သွားခဲ့တယ်လို့ ဒေသခံက ပြောပါတယ်။

ဖမ်းဆီးခေါင်ဆောင်ခံရသူဟာ အသက် ၂၀ ဝန်းကျင်ရှိ လူငယ်တဦးဖြစ်ပြီး တောင်ဥက္ကလာပ ၅ ရပ်ကွက်မှာ နေထိုင်တယ်လို့ သိရပါတယ်။

3 months Ago

March 14, 2021

တောင်ဥက္ကလာတွင် လုံခြုံရေးတပ်ဖွဲ့များ၏ ပစ်ခတ်မှုကြောင့် ပြည်သူအချို့ ကျည်ဆန်ထိမှန် ဒဏ်ရာရ

ရန်ကုန် တောင်ဥက္ကလာပမြို့နယ်မှာ မတ်လ ၁၄ ရက် ဒီကနေ့ညနေပိုင်းက  အာဏာသိမ်းစစ်ကောင်စီရဲ့ လုံခြုံရေးတပ်ဖွဲ့ဝင်တွေက သေနတ်နဲ့ အကြမ်းဖက်ပစ်ခတ်ခဲ့တာကြောင့်  ပြည်သူတစ်ဦး ကျည်ဆန်ထိမှန်ပြီး စိုးရိမ်ရတဲ့အခြေအနေရှိသလို သေနတ်ဒဏ်ရာရရှိသူတချို့လည်းရှိတယ်လို့ ဒေသခံတစ်ဦးက ပြောပါတယ်။

ဒီကနေ့ လှိုင်သာယာမြို့နယ်မှာ စစ်အာဏာရှင်စနစ်ကန့်ကွက်ဆန္ဒပြတဲ့ ပြည်သူတွေ အပေါ် စစ်တပ်နဲ့ရဲက ​သေနတ်နဲ့ပစ်ခတ်နှိမ်နင်းခဲ့တာကြောင့် လူသေဆုံးမှုတွေနဲ့ ထိခိုက်ဒဏ်ရာရရှိမှုတွေအပေါ် တောင်ဥက္ကလာပမြို့နယ်ပြည်သူတွေက ရဲစခန်းမှာစုရုံးမိရင်း ပဋိပက္ခ ဖြစ်ပေါ်​ခဲ့​ပါတယ်။

ညနေ ၆ နာရီဝန်းကျင်မှာတော့ မေတ္တာလမ်းပေါ်မှာ လုံခြုံရေးတပ်ဖွဲ့ဝင်တွေက အတားအဆီးတွေကို မီးရှို့ပြီးပစ်ခတ်နှိမ်နင်းခဲ့တာကြောင့် ပြည်သူတဦး ဝမ်းဗိုက်ကို သေနတ်ထိမှန်ကာ စိုးရိမ်ရတဲ့အခြေအနေရှိသလို ဦးခေါင်းကို ကျည်ဆန် ရှပ်ထိသူတစ်ဦးနဲ့ ခြေထောက်ကိုထိမှန်သူတစ်ဦးရှိတယ်လို့ အဲဒီပစ်ခတ်မှုအနီးရှိနေတဲ့ ဒေသခံတဦးက ပြောပါတယ်။

3 months Ago
More News
Up