တောင်အာဖရိက

November 30, 2021

ထိုင်းနိုင်ငံတွင် ကမ္ဘာလှည့်ခရီးသွားများထံမှ Omicron ဗိုင်းရပ်စ်အသစ် ကူးစက်မှု မရှိသေး

ထိုင်းနိုင်ငံမှာ နိုင်ငံတကာခရီးသွားဧည့်သည်တွေဆီကနေ  Omicron ကိုရိုနာဗိုင်းရပ်စ်အသစ် ကူးစက်မှု မရှိသေးဘူးလို့ ထိုင်း ကူးစက်ရောဂါထိန်းချုပ်ရေးဌာန ညွှန်ကြားရေးမှူးချုပ်ရဲ့ ပြောကြားချက်အရ သိရပါတယ်။

မကြာသေးခင်က တောင်အာဖရိကနိုင်ငံက ရောက်ရှိလာတဲ့ ခရီးသည် ၁၀၀၇ ယောက်ကို စစ်ဆေးတဲ့အခါမှာ   Omicron ဗိုင်းရပ်စ်အသစ်ကူးစက်မှု မတွေ့ရဘူးလို့ ဆိုပါတယ်။ 

ထိုင်းနိုင်ငံဟာ တောင်အာဖရိကနိုင်ငံ အပါအဝင် ဘော့ဆွာနာ၊ လီဆိုသို၊ မာလာဝီ၊ မိုဇမ်ဘစ်၊ နမီးဘီယား၊ ဇင်ဘာဘွေ စတဲ့ အာဖရိကတိုက်တောင်ပိုင်း ၈ နိုင်ငံက လေယာဉ်ခရီးစဉ်တွေကို ယာယီဆိုင်းငံ့အမိန့်ထုတ်ပြန်ထားပါတယ်။

ထိုင်းနိုင်ငံတွင်းဝင်ရောက်ဖို့ Thailand COVID Pass QR code ရရှိနေပြီးသား ခရီးသည်တွေကို ပြည်ဝင်ခွင့်ပြုပေမယ့်  ကွာရန်တင်း သီးခြားကန့်သတ် ၁၄ရက် နေထိုင်ရမှာ ဖြစ်ပါတယ်။

ကွာရန်တင်းကာလပြီးခဲ့ရင်လည်း ကိုဗစ်-၁၉ စမ်းသပ်စစ်ဆေးချက်ယူရမယ်လို့ ထိုင်းသတင်းတွေမှာ ဖေါ်ပြထားပါတယ်။ Omicron မျိုးကွဲသစ်ဗိုင်းရပ်စ်ကို ကမ္ဘာ့နိုင်ငံပေါင်း ၁၂ နိုင်ငံမှာ အခုရက်ပိုင်းအတွင်း စစ်ဆေးတွေ့ရှိခဲ့ရပြီးဖြစ်ပါတယ်။ 

ဂျပန်နဲ့ အစ္စရေးနိုင်ငံတွေကတော့ နိုင်ငံအားလုံးရဲ့ နိုင်ငံခြားသားဧည့်သည် ပြည်ဝင်ခွင့်ကို ယာယီပိတ်ပင်လိုက်ပြီး အာဖရိကတိုက်တောင်ပိုင်းနိုင်ငံတွေက လာမယ့် လေကြောင်းခရီးစဉ်တွေကို ကန့်သတ်တားမြစ်တဲ့နိုင်ငံ ၄၄နိုင်ငံ ရှိနေပြီဖြစ်ပါတယ်။​

Photo Credit- Bangkok Post

21 hours Ago

November 28, 2021

ကိုဗစ်-၁၉ မျိုးစိတ်သစ်ကူးစက်မှုကြောင့် တောင်အာဖရိက ၇ နိုင်ငံကို ကနေဒါ ပြည်ဝင်ခွင့်ပိတ်

လတ်တလော ကိုဗစ်-၁၉ မျိုးစိတ်သစ်ကို တွေ့ရှိရတဲ့ တောင်ပိုင်းအာဖရိက ၇ နိုင်ငံက နိုင်ငံခြား ခရီးသွားတွေ ပြည်ဝင်ခွင့်မပေးဖို့ ကနေဒါအစိုးရက စီစဉ်နေတယ်လို့ ကျန်းမာရေးဝန်ကြီးက သတင်းထောက်တွေကို နိုဝင်ဘာ ၂၆ ရက်က ပြောပါတယ်။

ဗိုင်းရပ်စ်မျိုးကွဲသစ်ဟာ ကိုဗစ်-၁၉ ကာကွယ်ဆေးကိုလည်း ခံနိုင်ရည်ရှိနေမလားဆိုတာကို သုတေသနပြုနေတဲ့အချိန်မှာ အီးယူ၊ အမေရိကန်ပြည်ထောင်စုနဲ့ ဗြိတိန်တို့ကလည်း နိုင်ငံတွေရဲ့ နယ်စပ်တွေကို တင်းကျပ်ထားလိုက်ပါပြီ။

ကနေဒါကလည်း နိုင်ငံသားတွေရဲ့ ကျန်းမာရေးကို ကာကွယ်နိုင်ဖို့အတွက် တောင်အာဖရိက၊ နမ်မီဘီးယား၊ လီဆိုသို၊ ဘော့စဝါနာ၊ အက်စ်ဝါတီနီ၊ ဇင်ဘာဘွေနဲ့ မိုဇမ်ဘစ်နိုင်ငံကနေ လာမယ့် နိုင်ငံခြားခရီးသွားတွေကို ပြည်ဝင်ခွင့် ပိတ်ပင်သွားမယ်လို့ ဆိုပါတယ်။

Omicron လို့ နာမည်ပေးထားတဲ့ ကိုရိုနာဗိုင်းရပ်စ် မျိုးစိတ်သစ်ကြောင့် သောကြာနေ့ကစလို့ နိုင်ငံတွေဟာ တောင်ပိုင်းအာဖရိကနိုင်ငံတွေဘက်ကနေ လာမယ့် ခရီးသွားတွေကို ပိတ်ပင်လိုက်ကြပါတယ်။

ဒေသတွင်းမှာ စတော့ဈေးနှုန်းတွေလည်း တနှစ်အတွင်း အဆိုးဆုံး အခြေအနေထိ ကျဆင်းသွားပါတယ်။ 

ကမ္ဘာ့ကျန်းမာရေးအဖွဲ့ချုပ်ကတော့ အသစ်တွေ့တဲ့ ဗိုင်းရပ်စ်ဟာ အလျင်အမြန် ကူးစက်နိုင်ဖွယ် ရှိပြီး ကနဦးလေ့လာချက်တွေအရ ရောဂါကူးစက်လို့ ပျောက်ကင်းသွားပြီးရင်တောင် နောက်တဖန် ပြန်လည်ကူးစက်နိုင်တယ်လို့ ဆိုပါတယ်။

3 days Ago
More News
Up