တောင်ဖြူတိုက်ပွဲ

July 29, 2021

တောင်ဖြူတိုက်ပွဲတွင် မင်းကင်း PDF တပ်ဖွဲ့ဝင် ၅၇ ဦး ဖမ်းဆီးခံရ

ဇူလိုင် ၂၈ ရက် မနက်က ဖြစ်ပွားခဲ့တဲ့ စစ်ကိုင်းတိုင်း၊ မင်းကင်းမြို့နယ် တောင်ဖြူတိုက်ပွဲမှာ မင်းကင်း PDF တပ်ဖွဲ့ဝင် ၅၇ ဦး ဖမ်းဆီးခံရတယ်လို့ သိရပါတယ်။ 

မင်းကင်း PDF အဖွဲ့ခေါင်းဆောင်တစ်ဦးက “ကျနော်တို့ မင်းကင်း PDF က ၅၇ ယောက် အဖမ်းခံလိုက်ရတယ်။ တောင်ဖြူကိုသွားတိုက်တယ်၊ အဲဒီဘက်ရွာကလူတွေက ညှိနှိုင်းမယ်ဆိုပြီး ရွာထဲခေါ်တယ်။ အဲဒါ ကျနော်တို့လူတွေ  လက်နက်တွေမပါဘဲ ရွာထဲ လိုက်သွားလိုက်တယ်၊ ရွာထဲရောက်တော့ စစ်ကောင်စီ မွေးထားတဲဒလန် လက်နက်ကိုင်ထားတဲ့လူတွေက ဝိုင်းဖမ်းလိုက်တယ်။ ဖမ်းပြီးတာနဲ့ မင်းကင်းမှာရှိတဲ့ စစ်တပ်ကို လှမ်းခေါ်တယ် စက်လှေနဲ့ ရောက်လာပြီးဖမ်းသွားတယ်။ ကျန်ခဲ့တဲ့ ၁၂ ယောက်က မယုံလို့မလိုက်သွားဘူး” လို့ ပြောပါတယ်။

မင်းကင်း PDF တပ်ဖွဲ့ဝင် ၅၇ ဦးလုံး လက်နက် တစုံတရာ မပါဘဲ ဖမ်းဆီးခံလိုက်ရတာကြောင့် သတ်ပစ်ခံရမှာ စိုးရိမ်ရတယ်လို့ ဆိုပါတယ်။

တစ်ချိန်တည်းမှာပဲ မင်းကင်းမြို့နယ် ပန်းဆက်မှာလည်း နှစ်ဖက်တိုက်ပွဲဖြစ်ပွားခဲ့ပြီး စစ်ကောင်စီတပ်က ၁ ဦး သေဆုံးပြီး ၃ ဦး ဒဏ်ရာရှိခဲ့တယ်လို့ မင်းကင်း PDF အဖွဲ့ခေါင်းဆောင်က ပြောပါတယ်။

4 months Ago
Up