တောင်တရုတ်ပင်လယ်

June 23, 2022

တရုတ်-အာဆီယံ ဆက်ဆံရေး နက်ရှိုင်းအောင်လုပ်ရန် တရုတ်ကာကွယ်ရေးဝန်ကြီးပြော

တရုတ်နိုင်ငံတော်ကောင်စီဝင်နဲ့ ကာကွယ်ရေးဝန်ကြီး ဝေဖုန်းဟော့က တရုတ်နဲ့ အာဆီယံကြား ဆက်ဆံရေး နက်ရှိုင်းအောင်လုပ်ဖို့၊ တောင်တရုတ်ပင်လယ်အရေး ပူးပေါင်းဆောင်ရွက်မှု တိုးမြှင့်ဖို့ ဇွန် ၂၂ ရက်မှာ ကျင်းပတဲ့ ၁၃ ကြိမ်မြောက် တရုတ်-အာဆီယံ ကာကွယ်ရေးဝန်ကြီးများ အလွတ်သဘော အစည်းအဝေးမှာ ရုပ်သံကတဆင့် ပြောလိုက်ပါတယ်။

အာဆီယံအလှည့်ကျဥက္ကဋ္ဌဖြစ်သူ ကမ္ဘောဒီးယား ဒုဝန်ကြီးချုပ်နဲ့ အမျိုးသားကာကွယ်ရေးဝန်ကြီး တီးဘန်နဲ့ ပူးတွဲသဘာပတိအဖြစ် ဝေက အစည်းအဝေးမှာ ဆောင်ရွက်ပါတယ်။

မနှစ်က နိုဝင်ဘာလမှာ တရုတ်-အာဆီယံ အားလုံးပါဝင်တဲ့ ဗျူဟာမြောက် မိတ်ဘက်တည်ထောင်ကြောင်း တရုတ်သမ္မတ ရှီကျင့်ဖျင်နဲ့ အာဆီယံခေါင်းဆောင်တွေက ကြေညာလိုက်တာဟာ တရုတ်-အာဆီယံ ဆက်ဆံရေးသမိုင်းမှာ မှတ်တိုင်သစ် တည်လိုက်တာလို့လည်း ဝေက ပြောပါတယ်။

မျှဝေထားတဲ့ အနာဂတ်တွေနဲ့အတူ ပိုနီးကပ်တဲ့ တရုတ်နဲ့ အာဆီယံ လူ့အဖွဲ့အစည်းကို တည်ဆောက်ဖို့ တရုတ်နဲ့ အာဆီယံတို့ အတူလုပ်ဆောင်သွားသင့်တယ်၊ တောင်တရုတ်ပင်လယ်ကိုလည်း ငြိမ်းချမ်းရေး၊ ချစ်ကြည်ရေးနဲ့ ပူးပေါင်းဆောင်ရွက်ရေး ပင်လယ်အဖြစ် ဖန်တီးသင့်တယ်လို့လည်း ဝေက ပြောပါတယ်။

အရှေ့တောင်အာရှနိုင်ငံများအသင်း (အာဆီယံ) ထဲမှာ ဘရူနိုင်း၊ ကမ္ဘောဒီးယား၊ အင်ဒိုနီးရှား၊ လာအို၊ မလေးရှား၊ မြန်မာ၊ ဖိလစ်ပိုင်၊ စင်ကာပူ၊ ထိုင်းနဲ့ ဗီယက်နမ်နိုင်ငံတို့ ပါဝင်ပါတယ်။

ဒီထဲကမှ ဗီယက်နမ်၊ ဖိလစ်ပိုင်၊ ဘရူနိုင်း၊ မလေးရှား၊ အင်ဒိုနီးရှားတို့နဲ့ တရုတ်ဟာ တောင်တရုတ်ပင်လယ် ရေပိုင်နက်အရေးအတွက် အငြင်းပွားနေပါတယ်။

တရုတ်ဟာ တောင်တရုတ်ပင်လယ် တခုလုံးနီးပါးကို သမိုင်းကြောင်းအရ သူပိုင်တယ်လို့ အခိုင်အမာ ငြင်းဆိုထားပါတယ်။

1 day Ago

June 8, 2022

ဩစတြေးလျ စစ်လေယာဉ်ကို တောင်တရုတ်ပင်လယ်မှ ထွက်ခွာရန် တရုတ် သတိပေး

တရုတ်စစ်တပ်ဟာ ဩစတြေးလျ စစ်လေယာဉ်ကို ထွက်သွားဖို့ သတိပေးခဲ့တယ်လို့ ဇွန် ၇ ရက်မှာ ပြောပါတယ်။

ဩစတြေးလျစစ်ဘက် ကင်းထောက် လေယာဉ်တွေထဲက တစီးကို တောင်တရုတ် ပင်လယ်ထဲမှာ တရုတ် တိုက်လေယာဉ်က ကြားဖြတ်ပျံသန်းခဲ့တယ်လို့ ဩစတြေးလျ အစိုးရက ပြောအပြီးမှာ ခုလို တုံ့ပြန်လိုက်တာပါ။

ဩစတြေးလျ စစ်လေယာဉ်ဟာ တရုတ်ရဲ့ အချုပ်အခြာကို ခြိမ်းခြောက်ခဲ့တယ်။ တရုတ်စစ်တပ်ရဲ့ တုံ့ပြန်ဆောင်ရွက်ချက်ဟာ ကျိုးကြောင်းဆီလျော်ပြီး တရားဝင်တယ်လို့ တရုတ်စစ်တပ် ပြောခွင့်ရ တန်ခါ့ဖှေးက ပြောပါတယ်။

တရုတ် တိုက်လေယာဉ်ဟာ ဩစတြေးလျစစ်တပ် ကင်းထောက်လေယာဉ်ကို တောင်တရုတ်ပင်လယ်အတွင်း မေလတုန်းက အန္တရာယ်ရှိတဲ့အနေအထားနဲ့ ကြားဖြတ် ပျံသန်းခဲ့တယ်လို့ ဩစတြေးလျ ကာကွယ်ရေးဝန်ကြီးဌာနက တနင်္ဂနွေနေ့က ပြောခဲ့ပါတယ်။

2 weeks Ago
More News
Up