တောင်ငူခရိုင်

May 21, 2022

ထန်းတပင်မြို့နယ်၌ စစ်ကောင်စီတပ်သား ၆ ဦး စနိုက်ပါဖြင့်ပစ်ခံရပြီး သေဆုံး

ပဲခူးတိုင်း၊ ထန်းတပင်မြို့နယ်မှာ စစ်ကောင်စီရဲ့ တပ်စခန်း ၃ ခုကို ကရင်အမျိုးသားကာကွယ်ရေးတပ်ဖွဲ့  KNDO ရဲ့ စနိုက်ဘာပါ လက်ဖြောင့်တပ်ဖွဲ့ဝင်တွေက သီတင်း၂ ပတ်အတွင်း  ၆ ကြိမ်သွားရောက်ပစ်ခတ်ခဲ့ရာ  စစ်ကောင်စီတပ်သား ၆ ဦးသေဆုံးပြီး ၂ ဦးဒဏ်ရာရရှိခဲ့တယ်လို့ ကေအန်ယူတာဝန်ရှိသူထံက သိရပါတယ်။

ကရင်အမျိုးသားအစည်းအရုံး (ကေအန်ယူ) တပ်မဟာ ၂၊ လက်အောက်ခံ KNDO တပ်ရင်း ၄ နယ်မြေအတွင်းက စစ်ကောင်စီရဲ့ သေအေ့ထာ၊ ကိုဒေးနဲ့ ဘောဂလိမြို့တပ်စခန်းတွေကို  မေ ၄ ရက်မှ မေ ၁၈ ရက်အတွင်း KNDO တပ်ဖွဲ့ဝင်တွေက သွားရောက်ပစ်ခတ်ခဲ့တာပါ။

ကေအန်ယူတာဝန်ရှိသူတစ်ဦးက”ကျနော်တို့ဘက်က တပ်စခန်းတွေ အပြီးထွက်ခွာပေးဖို့ အသိပေးအကြောင်းကြားစာတွေ ထုတ်ပြန်ထားတယ်။ ဒါပေမဲ့ အခုထိမထွက်ခွာတဲ့အပြင် ဒေသခံတွေကျေးရွာတွေကို လက်နက်ကြီးတွေနဲ့ ပစ်တာ။ ဖမ်းဆီးစစ်ဆေးတာတွေ ပြုလုပ်နေတဲ့အတွက် ဒေသခံတွေက စိုးရိမ်ကြောက်လန့်နေရတယ်။ ဒါကြောင့် တပ်စခန်းတွေ ထွက်အောင်နည်းလုပ်ပေါင်းစုံနဲ့ တိုက်ခိုက်ဖို့ပဲရှိတယ်”လို့ ဆိုပါတယ်။

‌မေ ၄ ၊ ၈ ၊ ၁၃ ၊ ၁၅ ရက်နေ့တွေက သေအေ့ထာတပ်စခန်းကို တစ်ကြိမ်စီသွားရောက်ပစ်ခတ်ခဲ့ရာ စစ်ကောင်စီတပ်ဖွဲ့ဝင် ၄ ဦးသေဆုံးပြီး၊  မေ ၁၄ ရက်က ကိုဒေးတပ်စခန်းကို သွားရောက်ပစ်ခတ်ခဲ့ရာ စစ်ကောင်စီတပ်ဖွဲ့ဝင် ၁ ဦးသေဆုံး၊  ၂ ဦး ဒဏ်ရာရရှိ ခဲ့သလို ဘောဂလိမြို့ တပ်စခန်းကို မေ ၁၈ ရက်က သွားရောက်ပစ်ခတ်ခဲ့ရာ စစ်ကောင်စီတပ်ဖွဲ့ဝင် ၁ ဦးသေဆုံးခဲ့တယ်လို့ ဆိုပါတယ်။

ဧပြီ ၁၅ ရက်က KNDO တပ်ရင်း ၄  နယ်မြေအတွင်းက ကိုဒေး၊ ကီးချောင်းနဲ့ ၄၈ မိုင်တပ်စခန်းတွေ ၁၅ ရက်အတွင်း အပြီးတိုင်းထွက်ခွာပေးဖို့နဲ့ မေ ၈ ရက်ကလည်း KNDO တပ်ရင်း ၆  နယ်မြေအတွင်းက  ဘုံမ္မတီး၊ တောင်ကြီးနဲ့ ရှားစေးဘိုတပ်စခန်းတွေကို အမြန်ဆုံးထွက်ခွာပေးဖို့ အသိပေးစာထုတ်ပြန်ထားတာပါ။

စစ်ကောင်စီတပ်တွေဟာ အသိပေးထုတ်ပြန်စာတွေကို  လိုက်နာခြင်းမရှိတဲ့အပြင် KNLA တပ်ရင်း ၅ နဲ့ ၆ နယ်မြေတွေကိုပါ နယ်မြေကျော်ဝင်ရောက်ကာ လူအင်အားဖြည့်တင်းပြီး စစ်ရေးလှုပ်ရှားတာ၊ တောနင်းပြီး PDF တွေရှိတယ်လို့ ယူဆရတဲ့ကျေးရွာတွေကို စစ်ကြောင်းထိုး ဝင်ရောက်စစ်ဆေးရှာဖွေခဲ့တယ်လို့ ဒေသခံတွေက ဆိုပါတယ်။

တပ်မဟာ ၂ နယ်မြေအတွင်း စစ်ကောင်စီရဲ့ တပ်စခန်းတွေက ဒေသခံတွေရဲ့‌ကျေးရွာတွေအတွင်းကို လက်နက်ကြီးပစ်ခတ်တာ၊ လူနေအိမ်တွေကို မီးရှို့တာတွေကြောင့် ဒေသခံအရပ်သားပြည်သူ ၁၀၀၀ ကျော်ဟာ နေအိမ်စွန့်ခွာပြီး မိမိတို့ဥယျာဉ်ခြံတွေ၊ ဆွေမျိုးတွေရှိရာမြို့တွေနဲ့  တော ၊ တောင်တွေထဲမှာ ထွက်ပြေးတိမ်းရှောင်နေရပါတယ်။

ဒါအပြင် ကရင်ပြည်နယ်နဲ့ ကယားပြည်နယ် (တောင်ငူ၊လွိုင်ကော်လမ်း) ကို ဆက်သွယ်သွားလာနေတဲ့ ကားလမ်းပိုင်းမှာ စစ်ကောင်စီရဲ့တပ်တွေက စစ်ရေးလုပ်ရှားမှုတွေ ပိုမိုလုပ်လာလို့ KNLA၊ ဒေသခံ ပြည်သူ့ကာကွယ်ရေး ပူးပေါင်းတပ်ဖွဲတွေနဲ့ မကြာခဏ တိုက်ပွဲဖြစ်ပွားနေပါတယ်။

6 months Ago

May 6, 2022

တောင်ငူခရိုင်တွင် စစ်တပ်က PDF စခန်း ၂ ခုကို ဝင်ရောက်စီးနင်း

ကရင်အမျိုးသားအစည်းအရုံး၊ ကေအန်ယူ၊ တပ်မဟာ ၂ နယ်မြေ၊ တောင်ငူခရိုင်၊ ထန်းတပင်မြို့နယ် KNLA တပ်ရင်း  ၆ နယ်မြေမှာ မေ ၄ ရက်က  KNLA ၊ PDF စခန်း ၂ ခုကို စစ်ကောင်စီတပ်က သာလွန်အင်အားတွေနဲ့ ဝင်ရောက်စီးနင်းခဲ့တဲ့အတွက် စခန်းတွေကို စွန့်ခွာခဲ့ရတယ်လို့ ကေအန်ယူသတင်းရင်းမြစ်ဆီကနေ သိရပါတယ်။

ထန်းတပင်မြို့နယ်၊ ဇရပ်ကြီးအခြေစိုက်  ခလရ ၇၃ တပ်ဖွဲ့ဝင်တွေက KNLA/PDF လှည်းဘွဲကြီးစခန်းနဲ့ ထန်တပင်မြို့နယ်  PDF စခန်းတွေကို ဝင်ရောက်စီးနင်းခဲ့တဲ့အတွက် နှစ်ဖက်တိုက်ပွဲဖြစ်ပွားခဲ့ရာ စစ်ကောင်စီက လက်နက်ကြီးတွေနဲ့ ရမ်းသမ်းပစ်ခတ်ခဲ့တယ်လို့ ဆိုပါတယ်။

အဆိုပါတိုက်ပွဲအတွင်း စစ်ကောင်စီက လက်နက်ကြီးရမ်းသမ်းပစ်ခတ်ခဲ့တဲ့အတွက် သံတောင်ကြီးမြို့နယ်၊ အမျိုးသာဒီမိုကရေစီအဖွဲ့ချုပ်(NLD)ကိုယ်စားလှယ် ဒေါက်တာအားကာမိုး(ခ)နော်ခရစ္စထွန်းရဲ့ အမျိုးသားဖြစ်သူ ဦးစိုင်းမောင်အံ (CDM ခိုလုံသူ) ကျဆုံးပြီး  PDF တပ်ဖွဲ့ဝင်တဦး ကျည်ထိမှန်ဒဏ်ရာရရှိခဲ့ပါတယ်။

ကေအန်ယူသတင်းရင်းမြစ်က “စကစ က ဒရုန်းနဲ့ကြိုတင် ကင်းထောက်လှမ်းပြီး မနက်စောစောမှာ စခန်း ၂ ခုလုံးကိုဝင်စီးတာ။ လက်နက်ငယ် လက်နက်ကြီး ဖိပစ်ပြီးဝင်လာတာ။ လွှတ်တော်ကိုယ်စားလှယ်ရဲ့ အမျိုးသားက ထိမှန်သေဆုံးပြီး အမျိုးသမီးကတော့ လွတ်သွားတယ်။ စခန်းက လက်နက်တချို့ လည်း ပါသွားတယ်” လို့ ပြောပါတယ်။

မေ ၂ ရက်က ရှားစေးဘို၊ ရေလျံတပ်စခန်းတွေကို  စစ်ကောင်စီတပ်ဖွဲ့ဝင်တွေ စစ်ကား ၂ စီးနဲ့ အင်အားဖြည့်တင်းလာပြီးနောက် မေ ၃ ရက် မနက် ၃ နာရီလောက်က လယ်ကူးရွာ ၊ခူထီးလို (ချောင်း) ကတဆင့် ကစယ်ဒိုတောင်ခြေအထိ နယ်မြေကျော်ဝင်ရောက်လာပြီး ညအချိန် ဒရုန်းနဲ့ ကင်းလှည့်ထောက်လှမ်းခဲ့ပြီးနောက် စခန်း ၂ ခုစလုံးကို ဝင်ရောက်တိုက်ခိုက်ခဲ့တာပါ။

မေ ၅ ရက် မနက် ၁၀ နာရီလောက်က ဇရပ်ကြီးရဲစခန်းမှူး မျိုးထွန်းဝင်းဟာ အရပ်ဝတ်နဲ့ ဇရပ်ကြီးဈေးအတွင်းက လက်ဖက်ရည်ဆိုင်မှာထိုင်နေစဉ် သေနတ် ၆ ချက်ပစ်ခတ်ခံရပြီး အခင်းဖြစ်နေရာမှာ သေဆုံးခဲ့ပါတယ်။

ပစ်သတ်ခံခဲ့ရတဲ့ စခန်းမှူးဟာ ဇရပ်ကြီးဒေသခံ အပြစ်မဲ့လူငယ်တွေကို  PDF စွပ်စွဲပြီး ဖမ်းဆီးတာတွေ လုပ်ဆောင်နေသူလို့ ဒေသခံတွေဆီက သိရပါတယ်။

7 months Ago
More News
Up