တူရကီသမ္မတ

October 24, 2021

အနောက်နိုင်ငံက သံအမတ် ၁၀ ဦးကို နှင်ထုတ်ရန် တူရကီသမ္မတ အမိန့်ပေး

အနောက်နိုင်ငံတွေက သံအမတ်ကြီး ဆယ်ယောက်ကို နှင်ထုတ်ဖို့ တူရကီ သမ္မတ တေယစ် အာဒိုဂံက နိုင်ငံခြားရေးဝန်ကြီးဌာနကို အမိန့်ပေးခဲ့တယ်လို့ ရိုက်တာသတင်းဌာနက အောက်တိုဘာ ၂၃ ရက်မှာ ဖော်ပြပါတယ်။

ပရဟိတသမား အိုစမန် ကာဗာလာကို လွှတ်ပေးဖို့ ဆော်ဩခဲ့တဲ့အတွက် လက်မခံနိုင်တဲ့ လူတွေ အဖြစ် ကြေညာခိုင်းခဲ့တာလည်း ဖြစ်ပါတယ်။

ကာဗာလာဟာ ၂၀၁၃ ခုနှစ်က ပြည်လုံးကျွတ် ဆန္ဒပြပွဲအတွက် ဘဏ္ဍာငွေထောက်ပံ့မှု ၊ ၂၀၁၆ က မအောင်မြင်တဲ့ အာဏာသိမ်းမှုအတွင်း ပါဝင်ပတ်သက်မှု စွဲချက်နဲ့ ထောင်ကျနေတာ လေးနှစ် ရှိပါပြီ။

ကနေဒါ၊ ဒိန်းမတ်၊ ပြင်သစ်၊ ဂျာမနီ၊ နယ်သာလန်၊ နော်ဝေ၊ ဆွီဒင်၊ ဖင်လန်၊ နယူးဇီလန်နဲ့ အမေရိကန်နိုင်ငံတွေက သံအမတ်ကြီးတွေဟာ ကာဗာလာရဲ့ အမှုနဲ့ ပတ်သက်လို့ တရားမျှတ မြန်ဆန်တဲ့အဖြေကို ပေးဖို့နဲ့ အမြန်ပြန်လွှတ်ပေးဖို့ အောက်တိုဘာ ၁၈ ရက်က ပူးတွဲကြေညာချက် ထုတ်ပြန် တောင်းဆိုခဲ့ကြပါတယ်။

ကြေညာချက်က တာဝန်မဲ့တယ်လို့ ပြောရင်း တူရကီနိုင်ငံခြားရေး ဝန်ကြီးက သံအမတ်ကြီးတွေကို ဆင့်ခေါ် ခဲ့ကြပါတယ်။

သံအမတ်ကြီး ဆယ်ယောက်ကို လက်မခံနိုင်တဲ့ လူတွေအဖြစ် ကြေညာဖို့ တူရကီနိုင်ငံခြားရေး ဝန်ကြီးဌာနကို လိုအပ်တဲ့ အမိန့်ပေးခဲ့တယ်လို့ တူရကီ အနောက်မြောက်ပိုင်း အီစကီရှီဗ်လီမြို့က မိန့်ခွန်းအတွင်း အာဒိုဂံက ပြောပါတယ်။

ဒီအရေးနဲ့ ပတ်သက်ပြီး အမေရိကန်၊  ဂျာမနီနဲ့ ပြင်သစ် သံရုံးတွေ၊ အမေရိကန် နိုင်ငံခြားရေး ဝန်ကြီးဌာနနဲ့ သမ္မတ အိမ်ဖြူတော်တို့ဆီ မှတ်ချက်ပေးဖို့ တောင်းခံခဲ့ပေမယ့် ချက်ချင်း မတုံ့ပြန်သေးပါဘူး။ 

3 months Ago

October 1, 2021

ရုရှားသမ္မတနှင့်တူရကီသမ္မတတို့ တွေ့ဆုံ

ရုရှားသမ္မတ ဗလာဒီမီယာ ပူတင်က တူရကီ သမ္မတ တေယစ်အာဒိုဂံကို ရုရှားရဲ့ ပင်လယ်နက်ကမ်းခြေ အပန်းဖြေ စခန်းသာမြို့ ဆိုချီမှာ စက်တင်ဘာ ၂၉ ရက်က တွေ့ဆုံပါတယ်။

 ရုရှားက ဆောက်လုပ်နေတဲ့ တာ့ခ်စထရင်းမ် ဓာတ်ငွေ့ပိုက်လိုင်း ကျေးဇူးကြောင့် ဥရောပမှာ ကြုံနေရတဲ့ ဓာတ်ငွေ့အကြပ်အတည်းကနေ တူရကီကို ကာကွယ်ပြီးသားဖြစ်သွားပြီ လို့ ပူတင်က အာဒိုဂံကို ပြောပါတယ်။

 ရုရှားကနေ ပင်လယ်နက်ကိုဖြတ်ပြီး တူရကီနိုင်ငံအထိ ဆက်သွယ်ထားတဲ့ ပိုက်လိုင်း စီမံကိန်းကို ထောက်ခံတဲ့အတွက် ကျေးဇူးတင်ကြောင်းလည်း ပူတင်က အာဒိုဂံကို ပြောပါတယ်။

 ဓာတ်ငွေ့ပိုက်လိုင်းရဲ့ ကုန်းတွင်းအစိတ်အပိုင်းတွေဟာ ဥရောပတောင်ပိုင်းအထိ ဖြန့်ကျက် သွားနိုင်ပါတယ်။

ဒါဟာ ဥရောပဈေးကွက်တွေအတွက် ဓာတ်ငွေ့တင်ပို့ရာမှာ အိမ်နီးချင်း နဲ့ နိုင်ငံရေး ရန်ဘက် ယူကရိန်းကို ကျော်ဖြတ်ဖို့ ရုရှားအစိုးရရဲ့ အစီအစဉ်တွေထဲက အစိတ်အပိုင်းတရပ်လည်း ဖြစ်ပါတယ်။

နှစ်စဉ် ဓာတ်ငွေ့ ကုဗမီတာ ၃၁ ဒသမ ၅ ဘီလီယံထိ တင်ပို့နိုင်တဲ့ တာ့ခ်စထရင်းမ် ဓာတ်ငွေ့ပိုက်လိုင်း အစီအစဉ်ကို ရုရှားဟာ ၂၀၂၀ အစောပိုင်းတည်းက လုပ်ငန်းအပ်နှံခဲ့တာပါ။

 ရုရှားဓာတ်ငွေ့ထုတ်လုပ်သူ ဂက်စ်ပရွန်ကတော့ တူရကီကို ပေးပို့တဲ့ ဓာတ်ငွေ့ စုစုပေါင်းဟာ နှစ်စကနဲ့ စာရင် ၁၆၀ ရာခိုင်နှုန်းနီးပါး တိုးလာတယ်လို့ ပြောထားပါတယ်။

4 months Ago
More News
Up