တူရကီလွှတ်တော်အတွင်း အမျိုးသမီးအမတ် ၂ ဦး ခိုက်ရန်ဖြစ်ပွား

January 20, 2017

တူရကီလွှတ်တော်အတွင်း အမျိုးသမီးအမတ် ၂ ဦး ခိုက်ရန်ဖြစ်ပွား (ရုပ်သံ)

ဇန်နဝါရီ ၁၉ ရက်နေ့က တူရကီနိုင်ငံ လွှတ်တော်အတွင်း ဖွဲ့စည်းပုံအခြေခံဥပဒေကို ပြင်မပြင် ငြင်းခုန်ဆွေးနွေးရာက အမျိုးသမီးလွှတ်တော်အမတ်တွေအကြား တဦးနဲ့တဦး ကိုယ်ထိလက်ရောက် တိုက်ခိုက်တဲ့အထိ အငြင်းပွားခဲ့ကြပါတယ်။ လက်ရှိအာဏာရ AK ပါတီ လွှတ်တော်အမတ်တွေက သမ္မတ တာယစ် အာဒိုဂန်ရဲ့ လုပ်ပိုင်ခွင့်အာဏာကို တိုးမြှင့်ဖို့အတွက် ဖွဲ့စည်းပုံထဲက ဥပဒေ ၁၈ ခုကို ပြင်ဆင်ဖို့ အဆိုတင်ထားပါတယ်။ ဒီ့အတွက် လွှတ်တော်ထဲမှာ အပြန်အလှန် ဆွေးနွေးနေပြီး ပထမဆင့်အနေနဲ့ ဥပဒေ ၁၈ ခုထဲက ၇ ခုကို မဲခွဲဆုံးဖြတ်မှာ ဖြစ်ပါတယ်။ ဒီအချိန်မှာပဲ ပုဂ္ဂလိက လွှတ်တော်အမတ်တဦးက အာဏာရ AK ပါတီရဲ့ လွှမ်းမိုးမှုကို ကန့်ကွက်တဲ့အနေနဲ့ သူ့ကိုယ်သူ လက်ထိတ်ခတ်ပြီး ဆန္ဒပြခဲ့ပါတယ်။ ဒီလုပ်ရပ်ကို အာဏာရပါတီ အမတ်တဦးက တားဆီးဖို့ ကြိုးစားရာကနေ တဦးနဲ့တဦး ကိုယ်ထိလက်ရောက် တိုက်ခိုက်ခဲ့တာ ဖြစ်ပါတယ်။ ဖွဲ့စည်းပုံအခြေခံဥပဒေထဲက ဥပဒေတခုချင်းစီကို ပြန်ပြင်ဖို့ဆိုရင် လွှတ်တော်ထဲမှာ ထောက်ခံမဲ ၃၃၀ ရဖို့လိုအပ်ပြီး အာဏာရ AK ပါတီမှာ မဲပေးနိုင်တဲ့ ကိုယ်စားလှယ် ၃၁၆ ဦး ရှိပါတယ်။ ဒီ့အတွက် အတိုက်အခံအမတ်တွေဆီကနေ ထောက်ခံမဲထပ်ရဖို့ဟာ အလွန်အရေးကြီးပါတယ်။ အခုလို ဖွဲ့စည်းပုံပြင်ဆင်မယ့်ကိစ္စနဲ့ ပတ်သက်ပြီး သမ္မတ အာဒိုဂန်ကို နှစ်သက်သူတွေက ထောက်ခံအားပေးပေမယ့် အတိုက်အခံတွေကတော့ ဒါဟာ အာဏာရှင်စနစ်ကို ဦးတည်စေတဲ့လုပ်ရပ် ဖြစ်တယ်လို့ ထောက်ပြဝေဖန်နေကြောင်း အန်ကာရာကလာတဲ့ ရိုက်တာသတင်းမှာ ရေးသားထားပါတယ်။
5 years Ago
Up