.တူချယ်

A d v e r t i s e m e n t With Us

January 30, 2021

ငယ်စဉ်က စပါးပရိသတ်ဖြစ်ခဲ့ဖူးဟု ချဲလ်ဆီးနည်းပြ တူချယ် ဝန်ခံ

စပါးအသင်းရဲ့ ပရိသတ်ဖြစ်ခဲ့ဖူးတယ်လို့ ချဲလ်ဆီးနည်းပြ သောမက်စ်တူချယ်က ဝန်ခံစကား ဆိုလိုက်ပါတယ်။

ဂျာမန်နည်းပြ တူချယ်ဟာ ငယ်စဉ်က စပါးအသင်းကို အားပေးခဲ့ဖူးကြောင်း၊ အဲဒီချိန်ကာလ အရ တိုက်ရိုက်ကြည့်ရှုလို့မ ရတာကြောင့် မိနစ်အနည်းငယ်လောက်ကိုသာ ကြည့်ရှုခဲ့ရတယ်လို့ တူချယ်က ပြောပါတယ်။ 

တူချယ်က “ကျနော် ငယ်ငယ်တုန်းက တီဗွီကနေ တိုက်ရိုက်ပြသတဲ့ ဘောလုံးပွဲဆိုတာ မရှိပါဘူး။ အမှန်တကယ်ကြည့်ရှုခဲ့ဖူးတာက ၁ မိနစ်၊ ၂ မိနစ်စာ ဟိုက်လိုက်လေးတွေပဲ ကြည့်ခဲ့ရပါတယ်။ ဒါတောင် ၄ ပတ်မှာ တစ်ကြိမ်ပြသတဲ့ အားကစားရုပ်သံတစ်ခုကနေ ကြည့်ဖူးတာပါ။ လန်ဒန်အခြေစိုက်ကလပ်ရယ်လို့တောင် အဲဒီအချိန်က မသိခဲ့ပါဘူး။ ဘာပဲဖြစ်ဖြစ် ခုတော့ သူတို့ရဲ့ အဓိကပြိုင်ဘက်အသင်းကို ကျနော် အလုပ်လုပ်နေပါပြီ။ နောက်တစ်ပတ်ပွဲစဉ်မှာ သူတို့နဲ့ ဆုံတဲ့အခါကျရင် အနိုင်ယူနိုင်ဖို့ အစွမ်းရှိသမျှ ကြိုးစားသွားမယ်” လို့ ပြောပါတယ်။

4 weeks Ago
Up