တူချယ်

November 6, 2022

အင်္ဂလန်အသင်းနှင့် အပြောင်းအရွှေ့ကိစ္စ မှတ်ချက် မပေးလိုဟု တူချယ်ပြော

အင်္ဂလန်လက်ရွေးစင်အသင်းနဲ့ အပြောင်းအရွှေ့ကိစ္စအပေါ် မှတ်ချက်မပေးလိုကြောင်း နည်းပြ တူချယ်က ပြောသွားပါတယ်။

အင်္ဂလန်အသင်းဟာ ကမ္ဘာ့ဖလားပြိုင်ပွဲအပြီးမှာ ချဲလ်ဆီးနည်းပြ ဟောင်းတူချယ်ကို လက်ရွေးစင် နည်းပြသစ်အဖြစ် နည်းပြဆောက်ဂိတ်ရဲ့နေရာမှာ အစားထိုးခန့်အပ်မယ်လို့ သတင်းတွေ ထွက်ပေါ်နေတာပါ။ 

နည်းပြတူချယ်ကတော့ လက်ရွေးစင် အသင်းတစ်သင်းကို ကိုင်တွယ်ချင်ပေမဲ့ အင်္ဂလန်အသင်းမှာ ကောင်းမွန်တဲ့နည်းပြ တဦး ရှိနေကြောင်း ပြောပါတယ်။ 

အင်္ဂလန်အသင်းဟာ တောင့်တင်းတဲ့အသင်းဖြစ်သလို ထူးချွန်တဲ့ ကစားသမားတွေလည်း ရှိကြောင်း နည်းပြတူချယ်က ချီးကျူးပါတယ်။ 

ဒါပေမဲ့ အင်္ဂလန်နည်းပြသစ်အဖြစ် ထင်ကြေးပေးနေကြတဲ့ အပေါ်မှာတော့ မှတ်ချက်မပေးလို ကြောင်း နည်းပြသောမက်စ်တူချယ်က ပြောပါတယ်။ 

ဆက်လက်ပြီး အနာဂတ်မှာ ကမ္ဘာ့ဖလားနဲ့ ယူရိုပြိုင်ပွဲတွေမှာ ချန်ပီယံဖြစ်နိုင်တဲ့ အသင်း တသင်းကိုတော့ တာဝန်ယူဖို့ လက်ခံစဉ်းစားမှာဖြစ်ကြောင်း ဂျာမန်နည်းပြတူချယ်က ပြောသွားပါတယ်။ 

3 months Ago

September 14, 2022

ချဲလ်ဆီးနည်းပြဟောင်း တူချယ် ထုတ်ပယ်ခံရမှု ကစားသမားများတွင် တာဝန်ရှိဟု ဂျော်ဂျင်ဟိုပြော

နည်းပြတူချယ် ထုတ်ပယ်ခံရမှုမှာ ကစားသမားတွေမှာ တာဝန်ရှိကြောင်း ချဲလ်ဆီးကွင်းလယ်လူ ဂျော်ဂျင်ဟိုက ပြောပါတယ်။

တူချယ်ဟာ ချန်ပီယံလိဂ် အုပ်စုအဆင့်ပွဲစဉ်ဖြစ်တဲ့ ဒိုင်နမိုဇာဂရက်နဲ့ပွဲမှာ တဂိုး ဂိုးမရှိနဲ့ ရှုံးနိမ့်ခဲ့ပြီးနောက် ရာထူးကနေ ထုတ်ပယ်ခံခဲ့ရတာပါ။

အသင်းလိုက်ကစားရတာကြောင့် တဦးတယောက်မှာ တာဝန်မရှိဘဲ ဖြစ်ခဲ့တဲ့ကိစ္စတွေဟာ ကစားသမားတွေမှာ တာဝန်ရှိတယ်လို့ ဂျော်ဂျင်ဟိုက မှတ်ချက်ပေးခဲ့တာပါ။

ချဲလ်ဆီးအသင်းဟာ ချန်ပီယံလိဂ်အုပ်စု ဒုတိယပွဲစဉ်အနေနဲ့ ဆဲလ်ဘက်နဲ့ ကစားရမှာဖြစ်ပြီး အဲဒီပွဲမတိုင်ခင် ပွဲကြိုသတင်းစာရှင်းလင်းပွဲမှာ ဂျော်ဂျင်ဟိုက တူချယ်ထုတ်ပယ်ခံရမှုနဲ့ ပတ်သက်ပြီး ပြောခဲ့တာပါ။

ချဲလ်ဆီးအသင်းဟာ ဘရိုက်တန်နည်းပြဟောင်း ဂရေဟမ်ပေါ်တာကို နည်းပြချုပ်အဖြစ် ခန့်အပ်ခဲ့ပြီး ဆဲလ်ဘက်နဲ့ပွဲက ပေါ်တာအတွက် ပထမဆုံးပွဲစဉ် ဖြစ်လာမှာပါ။

နည်းပြသစ်ပေါ်တာဟာ ကောင်းမွန်တဲ့ ဘောလုံးဒဿန ရှိတာကြောင့် ကစားသမားတွေဘက်က ကြိုးစားပေးဖို့ အသင့်ရှိပြီး အကောင်းဆုံးစွမ်းဆောင်နိုင်မယ်လို့ ယုံကြည်ကြောင်းလည်း ဂျော်ဂျင်ဟိုက ပြောသွားပါတယ်။

5 months Ago
More News
Up