တိုးမြှင့်

April 29, 2018

ဝန်ထမ်းလစာများ ယခုလ စတင်တိုးမြှင့်ပေးရန် အမိန့်ထုတ်ပြန်

ဝန်ထမ်းတွေအတွက် တိုးမြှင့်ပေးလိုက်တဲ့ လစာနှုန်းကို ဧပြီလအတွက် လစာက စပြီး ပေးဖို့ စီမံကိန်းနဲ့ ဘဏ္ဍာရေး ဝန်ကြီးက ဒီနေ့ အမိန့်ထုတ်ပြန်လိုက်ပါတယ်။ တပ်မတော် ကြည်း၊ ရေ၊ လေတပ်မတော်သားတွေ အပါအဝင် နိုင်ငံ့ဝန်ထမ်းတွေအားလုံးကို တိုးမြှင့်ပေးလိုက်တာ ဖြစ်ပါတယ်။ လစာနှုန်း ၁၂၀၀၀၀ ကျပ်ကနေ  ၂၁၀၀၀၀ အထိရရှိကြတဲ့ အမှုထမ်းတွေကို ၂၀ ရာခိုင်နှုန်း တိုးမြှင့်လိုက်တာကြောင့် ၁၄၄၀၀၀ ကနေ ၂၅၂၀၀၀ ကျပ်အထိ ရကြမှာပါ။ လစာနှုန်း ၂၅၀၀၀၀ ကနေ ၅၀၀၀၀၀ အထိ ရကြတဲ့ အရာထမ်းတွေကို ၁၀ ရာခိုင်နှုန်းတိုးမြှင့်လိုက်လို့ လစာအသစ်က ၂၇၅၀၀၀ ကနေ ၅၅၀၀၀၀ ကျပ်အထိ ဖြစ်လာပါတယ်။ လစာတိုးလိုက်လို့ နှစ်တိုးနှုန်း ကျရောက်တဲ့နေ့ မပြောင်းလဲရဘူးလို့ ဝန်ကြီးရဲ့ အမိန့်စာမှာ ဖော်ပြထားပါတယ်။ ပြီးတော့ အငြိမ်းစားဝန်ထမ်းတွေရဲ့ လစာ၊ ဌာနတွေမှာ ခန့်ထားတဲ့ ဝန်ထမ်းတွေရဲ့ ပုံသေလစာ၊ ကျွမ်းကျင်သူတွေအတွက် ထောက်ပံ့ငွေ၊ ပညာရှင်တွေအတွက် ချီးမြှင့်ငွေတွေကိုတော့ သုံးသပ် တွက်ချက်ပြီး သီးခြားထုတ်ပြန်မယ်လို့ ဆိုပါတယ်။ ဒေသစရိတ်ကိုတော့ တိုးမြှင့်တဲ့ လစာနှုန်းထားအတိုင်း တိုးပေးမှာ ဖြစ်ပါတယ်။ အမြဲတမ်းအတွင်းဝန် ဦးထွန်းထွန်းနိုင်က “ပုံသေလစာဆိုတာက ဌာနတွေမှာ ခန့်ထားတဲ့ လုံခြုံရေးလို၊ သန့်ရှင်းရေးလို ဝန်ထမ်းတွေ အတွက်ပေးတာကို ပြောတာပါ။ သူတို့ကိုကျတော့ ပုံစေလစာပဲ ပေးတာလေ။ ဒေသစရိတ်ကတော့ ဒေသအပေါ် မူတည်ပါတယ်။ သူတို့ဘယ်လောက်ရနေလဲ ဆိုတဲ့ အပေါ်မူတည်ပါတယ်” လို့ ပြောပါတယ်။ နိုင်ငံခြားမှာ တာဝန်ထမ်းဆောင်နေသူတွေကိုတော့ ပြည်ပမှာနေစဉ်အတွင်း လက်ရှိလစာကိုပဲ နိုင်ငံခြားငွေနဲ့ ရမှာဖြစ်ပြီး ပြည်တွင်းကိုရောက်လာရင် လစာနှုန်းသစ်နဲ့ ရမယ်လို့ ထုတ်ပြန်ထားပါတယ်။ တပ်မတော် ကြည်း၊ ရေ၊ လေ ဝန်ထမ်းတွေအတွက် သတ်မှတ်ထားတဲ့ လစာနဲ့ စရိတ် နှုန်းထားတွေနဲ့ ခွင့်ပြုပေးနိုင်မယ့် အငြိမ်းစား လစာ၊ ဆုကြေးဆိုင်ရာ လုပ်ထုံး လုပ်နည်းတွေကို ကာကွယ်ရေး ဝန်ကြီးဌာန၊ ကာကွယ်ရေး ကောင်စီကို တင်ပြပြီး အတည်ပြုချက်ရယူရမယ်လို့လည်း ထုတ်ပြန်ဖော်ပြထားပါတယ်။
3 years Ago

February 1, 2017

မောင်တောစုံစမ်းစစ်ဆေးရေး အစီရင်ခံစာ ရက်အကန့်သတ်မရှိ တိုးမြှင့်

မောင်တောစုံစမ်းစစ်ဆေးရေးကော်မရှင် အစီရင်ခံစာ တင်ပြရမယ့်ရက်ကို စုံစမ်းစစ်ဆေးမှုပြီး ဆုံးသည်အထိ ရက်အကန့်အသတ်မရှိ တိုးမြှင့်ပေးလိုက်ပါတယ်။ ဇန်န၀ါရီ ၃၀ ရက် ရက်စွဲနဲ့ သမ္မမတဦးထင်ကျော် ထုတ်ပြန်ခဲ့တဲ့ အမိန့်ကြေညာစာထဲမှာ စုံစမ်းစစ်ဆေးရေးကော်မရှင်ရဲ့ အစီရင်ခံစာကို မူလက ဇန်န၀ါရီ ၃၁ ရက် နောက်ဆုံးထားပြီး တင်ပြရမယ်လို့ ဆိုထားပေမယ့် ပြည်နယ်အတွင်းမှာ လူ့အခွင့်အရေးနဲ့ ပတ်သက်တဲ့ စွပ်စွဲချက်အသစ်တွေ ထပ်ပြီး ပေါ်ပေါက်နေလို့ ရက်တိုးပေလိုက်တာလို့ ဖော်ပြထားပါတယ်။ ပြီးခဲ့တဲ့ အောက်တိုဘာ ၉ ရက်မနက်က  မောင်တောမြို့နယ်ထဲက နယ်ခြားစောင့်ရဲ ကင်းစခန်းတွေ အကြမ်းဖက်တိုက်ခိုက်ခံရပြီး ရဲတပ်ဖွဲ့ဝင် ၉ ဦးသေဆုံးကာ လက်နက်နဲ့ ကျည်ဆန်တွေ အကြမ်းဖက်သူတွေ လက်ထဲပါသွားခဲ့မှု ဖြစ်စဉ်နဲ့ပတ်သက်လို့ အဖွဲ့ဝင် ၁၁ ဦးပါ မောင်တောစုံစမ်းစစ်ဆေးရေး ကော်မရှင်ကို ဖွဲ့ပြီး စုံစမ်းစစ်ဆေးနေတာ ဖြစ်ပါတယ်။
4 years Ago
Up