မိုးလေးအေးလာရင် ပတ်ဝန်းကျင်လေး စိမ်းလန်းလာလို့ စိတ်ချမ်းသာရတာ ကိုယ်တွေတင်မဟုတ်ပါဘူး။ ကိုယ်တွေကို နာဖျားအောင်လုပ်မယ့် တုပ်ကွေးပိုးလေးတွေရောပါ။ တုပ်ကွေးဖြစ်ရင် တစ်ကိုယ်လုံးကကိုက်ခဲ၊ အဖျားကတက်၊ ပါးစပ်ကပျက်နဲ့ ခံစားရတော်တော်ခက်တယ်။ ဒီကြားထဲက ကိုယ်က အိမ်ရဲ့ တုပ်ကွေးဖြန့်ချိသူများဖြစ်ခဲ့ရင် စိတ်ထဲမှာ စိတ်မကောင်းတောင် ဖြစ်မိသေးတယ်။ ဒီပြဿနာကို အကောင်းဆုံးဖြေရှင်းဖို့ဆိုရင် အကောင်းဆုံးနည်းလမ်းက ကာကွယ်တာပါ။
ကာကွယ်ခြင်း ကုသခြင်းထက် ပိုထိရောက်တယ်ဆိုတဲ့ စကားကလည်းရှိသေးတာကိုး။ ဒီတော့ ရာသီတုပ်ကွေးကို ဘယ်လိုများကာကွယ်ကြမလဲ။ လွယ်ပါတယ်။ ဒါကတော့ ရာသီတုပ်ကွေးကာကွယ်ဆေးထိုးပေါ့။ ကာကွယ်ဆေးထိုးလို့သာပြောတယ် ဘာမှသေသေချာချာမသိဘဲ မထိုးနိုင်ပါဘူးဆိုတဲ့ Helloဆရာဝန်ပရိသတ်ကြီးတွေရှိနေတယ်ဆိုရင်တော့ ဒီဆောင်းပါးလေးက သိချင်နေတဲ့ အဖြေတွေကို ထုတ်ပေးမှာပါ။
အခုပြောပြမယ့်သူတွေက ကာကွယ်ဆေးကို မဖြစ်မနေထိုးသင့်တာပါ။
တုပ်ကွေးကာကွယ်ဆေးထိုးတော့မယ်ဆိုရင် သိချင်နေမယ့် အချက်လေးတွေများနေနိုင်ပါတယ်။ ဒီတော့ သိချင်နေတဲ့အကြောင်းအရာတွေရဲ့ အဖြေလေးတွေကို ဒီမှာကြည့်လိုက်ပါ။
ဘယ်အရွယ်က စပြီး ကာကွယ်ဆေးထိုးလို့ရလဲ…….
ရာသီတုပ်ကွေးကာကွယ်ဆေးကို ကလေးတွေထိုးထားဖို့လိုမယ်ဆိုပေမယ့် ဘေဘီလေးက ၆ လကျော်ပြီးမှသာ တုပ်ကွေးကာကွယ်ဆေးထိုးလို့ရမှာပါ။
ဓာတ်မတည့်တာမျိုးဖြစ်နိုင်လား…….
တုပ်ကွေးကာကွယ်ဆေးကဓာတ်မတည့်တာမျိုးဖြစ်နိုင်ပါတယ်။ တကယ်လို့ ဥအမျိုးမျိုးနဲ့ ဓာတ်မတည့်တာမျိုးရှိမယ်၊ အရင်က ကာကွယ်ဆေးနဲ့ ဓာတ်မတည့်တာမျိုးဖြစ်ဖူးမယ်ဆိုရင် ကာကွယ်ဆေးမထိုးခင်မှာ ဆရာဝန်နဲ့သေချာလေးတိုင်ပင်သင့်ပါတယ်။
တစ်ခါထိုးထားရုံနဲ့ လုံလောက်လား……..
ကာကွယ်ဆေးက တစ်နှစ်ကို တစ်ကြိမ်ထိုးဖို့လိုပါမယ်။
တုပ်ကွေးကာကွယ်ဆေးကြောင့် တုပ်ကွေးဖြစ်နိုင်လား……
တုပ်ကွေးကာကွယ်ဆေးကြောင့် တုပ်ကွေးဖြစ်သလို လက္ခဏာတွေခံစားရနိုင်ပေမယ့် တုပ်ကွေးကာကွယ်ဆေးကြောင့် တုပ်ကွေးတော့မဖြစ်နိုင်ပါဘူး။
တုပ်ကွေးကာကွယ်ဆေးကြောင့် ခန္ဓာကိုယ်မှာ ဘယ်လိုလက္ခဏာတွေတွေ့ရနိုင်လဲ……… တုပ်ကွေးကာကွယ်ဆေး ခန္ဓာကိုယ်ထဲမှာ ဓာတ်ပြုတဲ့အခါ ကာကွယ်ဆေးထိုးပြီး တစ်ရက် နှစ်ရက်လောက်အတွင်း ကြွက်သားတွေနာကျင်ကိုက်ခဲတာ၊ အဖျားတက်တာမျိုးတွေဖြစ်နိုင်ပါတယ်။ လူတိုင်းမှာတော့ မဖြစ်ပါဘူး။ ကာကွယ်ဆေးထိုးထိုးပြီးခြင်း အာနိသင်ရှိလား……… ကာကွယ်ဆေးက ထိုးပြီးပြီးချင်းမှာ အာနိသင်မပြပါဘူး။ ကာကွယ်ဆေးထိုးပြီးလို့ သီတင်းပတ် ၂ ပတ်ကြာမှ အာနိသင်က စပြတာပါ။ ဒါကြောင့် ကာကွယ်ဆေးထိုးပြီးချိန်ကနေ ၂ ပတ်အတွင်းမှာ တုပ်ကွေး ကူးစက်ခံရနိုင်ပါတယ်။ ဒါကြောင့် ကာကွယ်ဆေးထိုးပြီးပေမယ့်လည်း ၂ ပတ်အတွင်းမှာ တုပ်ကွေးအန္တရာယ်ကနေ ကာကွယ်ဖို့လိုပါမယ်။ ကာကွယ်ဆေးထိုးပြီးလည်း တုပ်ကွေးက လုံးဝ မဖြစ်တော့တာ မဟုတ်ပါဘူး။ ဖြစ်နိုင်ချေနည်းသွားတာပါ။ ဒါကြောင့် တခြားတုပ်ကွေးကာကွယ်တဲ့ နည်းလမ်းတွေကိုလည်း လိုက်နာနေရဦးမှာပါ။
ကာကွယ်ဆေးထိုးပြီးတဲ့အခါ ကာကွယ်ဆေးဓာတ်ပြုမှုကြောင့် ခန္ဓာကိုယ်မှာ အခုလိုဘေးထွက်ဆိုးကျိုးလေးတွေရှိနိုင်ပါတယ်။
ကာကွယ်ဆေးက လူတိုင်းနဲ့ သင့်တော်မဟုတ်သလို အချိန်တိုင်းထိုးလို့ရတာမျိုးလည်းမဟုတ်ပါဘူး။ ဒီလိုအခြေအနေတွေမှာဆိုရင် ကာကွယ်ဆေးမထိုးသင့်ပါဘူး။
ဆေးထိုးအပ်ကိုလည်းကြောက်တယ်။ တုပ်ကွေးလည်း မဖြစ်ချင်ဘူးဆိုရင်တော့ ဒီနည်းလမ်းလေးတွေက အသုံးတည့်မှာပါ။
ဤဆောင်းပါးကို DVB ၏ မိတ်ဘက် ကျန်းမာရေးနှင့် ဆေးပညာဝက်ဘ်ဆိုဒ် hellosayarwon.com မှ ပြန်လည်ဖော်ပြပါသည်။
