တုပ်ကွေးပိုး H1N1

July 25, 2017

တုပ်ကွေးပိုး H1N1

  ၂ဝ၁၇ ခုနှစ် ဇူလိုင်လ ၂၄ ရက်နေ့က H1N1 တုပ်ကွေးပိုး ကူးစက်ခံနေရတယ်လို့ သံသယရှိသူ နှစ်ဦးကို ရန်ကုန်ဆေးရုံကြီးမှာ ကုသပေးနေကြောင်း သတင်းတွေ့လိုက်ရပါ တယ်။ ဒီတုပ်ကွေးပိုးက ပိုးသစ် မဟုတ်တော့ပါဘူး။ ဒါပေမယ့် ရောဂါပိုးကူးစက်မှု မပြန့်ပွားရအောင် ကြိုးစားနေကြပါတယ်။ ဆေးပညာရှင်တွေဟာ တာဝန်ရှိသူများနဲ့ ဆွေးနွေးနေကြပြီး ဇူလိုင်လ ၂၄ ရက်နေ့ ညနေ ၃ နာရီမှာ သတင်းစာရှင်းလင်းပွဲ ပြုလုပ်မယ်လို့ ဆိုပါတယ်။ ဘာပဲဖြစ်ဖြစ် သိထားရင် အကျိုးရှိစေမှာဖြစ်လို့ အဆိုပါ တုပ်ကွေးပိုးအကြောင်းကို ဗဟုသုတ မျှဝေလိုက်ပါတယ်။ H1N1 ဆိုတာ ဘာလဲ H1N1 ဆိုတာ စောစောပိုင်းက ဝက်တုပ်ကွေးဖြစ်စေတဲ့ ပိုးသစ်လို့ ဆိုကြပါတယ်။ ဒါပေမယ့် လူကို ကူးစက်နိုင်တဲ့ တုပ်ကွေးပိုးပါ။ သူ့ကို ၂ဝဝ၉ ခုနှစ် ဧပြီလမှာ အမေရိကန်နိုင်ငံ လူနာတဦးမှာ စတွေ့ခဲ့ပါတယ်။ မက္ကဆီကိုနဲ့ ကနေဒါနိုင်ငံ အပါအဝင် အခြားနိုင်ငံတွေမှာလည်း တုပ်ကွေးပိုး ကူးစက်ခံရသူများရှိကြောင်းကြေညာထားပါတယ်။ တုပ်ကွေးပိုးသစ်ဟာ ဖြစ်နေကျပိုးလိုပဲ တဦးမှတဦးသို့ ကူးစက်ပြန့်ပွားတတ်ပါတယ်။ ဘာကြောင့် ဒီတုပ်ကွေးပိုးကို တခါက ဝက်တုပ်ကွေးပိုးလို့ ခေါ်ရတာလဲ …. ရောဂါပိုးသစ် တွေ့လာတော့ သူ့ဇာစ်မြစ်ကို လိုက်ကြရတယ်။ ဓာတ်ခွဲခန်း စမ်းသပ်ချက်များအရ ပိုးအသစ်မှာပါတဲ့ ဗီဇအများအပြားဟာ မြောက်အမေရိကတိုက်ရှိ ဝက်တွေမှာ ပုံမှန်ဖြစ်ပွားတဲ့ တုပ်ကွေးပိုးဗီဇနဲ့ တူနေတာ တွေ့ခဲ့ကြတယ်။ ဒါကြောင့် အစက ဝက်တုပ်ကွေးရောဂါလို့ ညွန်းဆိုကြတာ ဖြစ်ပါတယ်။ သေသေချာချာ ဆက်လက် စမ်းသပ်ကြည့်တဲ့အခါ မြောက်အမေရိက ဝက်တွေမှာ ဖြစ်ပွားတဲ့ တုပ်ကွေးပိုးနဲ့ တော်တော်လေး ကွဲပြားတာ သတိထားမိလာခဲ့ကြတယ်။ တုပ်ကွေးပိုးသစ်မှာ ပုံမှန် ဥရောပ အာရှ ဝက်တုပ်ကွေး ပိုးဗီဇရယ်၊ ငှက်တုပ်ကွေး ပိုးဗီဇရယ်၊ လူတုပ်ကွေး ပိုးဗီဇရယ်တို့ ပေါင်းစပ်ပါဝင်နေတာ တွေ့ရှိခဲ့ကြတယ်။ ဒါကြောင့် ဗီဇ ၄ မျိုး ပေါင်းတုပ်ကွေးပိုး Quadruple reassortant Virus လို့ ခေါ်ဆိုပါတယ်။ ဝက်တုပ်ကွေးဆိုတာ ဘာလဲ… လူတွေလိုပဲ ဝက်တွေမှာလည်း တုပ်ကွေးဖြစ်တတ်ပါတယ်။ ဒါပေမယ့် ဝက်တုပ်ကွေးပိုးဟာ လူတုပ်ကွေးပိုးနဲ့ မတူသလို လူကိုလည်း ကူးစက်လေ့မရှိပါဘူး။ အတိတ်ကာလက လူကို ရှားရှားပါးပါး ကူးစက်ဖြစ်ပွားဖူးတဲ့ ဝက်တုပ်ကွေးဟာ ဝက်နဲ့ နီးနီးကပ်ကပ် နေထိုင်သူတွေမှာသာ ဖြစ်ကြတာပါ။ အခု ကူးစက်ဖြစ်ပွားနေတဲ့ ဝက်တုပ်ကွေးပိုးကတော့ ပိုးအသစ် ဖြစ်ပါတယ်။ ရှိနှင့်ပြီး ဝက်တုပ်ကွေးပိုးနဲ့ မတူပါဘူး။ သူ့မှာ အပြောင်းအလဲအသစ်တွေ ဖြစ်လာပြီး လူမှလူဆီ ကူးစက်နိုင်တဲ့အစွမ်း ရှိလာတာ ဖြစ်ပါတယ်။ ဝက်နဲ့ လက်ပွန်းတတီး မနေတဲ့သူတွေမှာပင် ကူးစက်ဖြစ်ပွားနေပါတယ်။ တနည်းအားဖြင့် လူတုပ်ကွေးပိုး ဖြစ်လာတဲ့သဘောပါ။ ဒါကြောင့် အမေရိကန်နိုင်ငံ ကူးစက်ရောဂါ ထိန်းချုပ်ကာကွယ်ရေးဗဟိုဌာနက ရာသီပြောင်းမှာ ကူးစက်ဖြစ်ပွားတဲ့ ပုံမှန်တုပ်ကွေးပိုးရယ်၊ ဝက်တုပ်ကွေးပိုးရယ် ကွဲပြားသွားစေဖို့ Novel Influenza A H1N1 ဆန်းသစ်တုပ်ကွေးပိုးလို့ အမည် ပညတ်ထားပါတယ်။ တုပ်ကွေးပိုးသစ်ဟာ ကူးစက်တတ်သလား… ကူးစက်ရောဂါ ကာကွယ်ထိန်းချုပ်ရေး ဗဟိုဌာနက တုပ်ကွေးပိုးသစ်ဟာ ကူးစက်တတ်တယ်လို့ သတ်မှတ်ထားပြီး လူမှလူသို့ ကူးစက်နိုင်တယ်လို့ ဆိုပါတယ်။ ဒါပေမယ့် လူတွေကြား ဘယ်အတိုင်းအတာထိ လွယ်ကူစွာ ကူးစက်ကြမယ် ဆိုတာတော့ အခုထိ မသိကြသေးပါဘူး။ အလွယ်တကူ ကူးစက်တတ်သလား၊ ကူးစက်ဖို့ ခက်ခဲသလား ဆိုတာ မသဲကွဲတဲ့သဘောပါ။ တုပ်ကွေးသစ် ဘယ်သူတွေမှာ ပိုဖြစ်တတ်သလဲ… တုပ်ကွေးသစ် ဖြစ်ပွားသူ အမေရိကန် အများစုဟာ ကလေးကြီးများနဲ့ ငယ်ရွယ်တဲ့ လူကြီးများ ဖြစ်နေတာ တွေ့ကြရတယ်။ ဘာကြောင့်လဲ။ အခုအခြေအနေဟာ ပြောင်းလဲသွားမှာလား ဆိုတာ မသဲကွဲပါဘူး။ ဒါပေမယ့် တုပ်ကွေးရောဂါ ပြင်းထန်နိုင်ခြေ မြင့်မားပြီး မလိုလားအပ်တဲ့(ဆိုးဝါးတဲ့) အဆုံးသတ် အနေအထား ဖြစ်ပွားနိုင်သူတွေကတော့... -      ကိုယ်ဝန်ဆောင် မိခင်လောင်းများ -      ငယ်ရွယ်တဲ့ကလေးများ၊ အထူးသဖြင့် တနှစ်အောက် ကလေးများ -      အသက်အရွယ် ကြီးရင့်သူများ၊ ဒါပေမယ့် အသက် ၆၅ နှစ်နဲ့အထက် လူကြီးတွေမှာတော့ တုပ်ကွေးသစ် အဖြစ်နည်းဟန် ရှိပါတယ်။ -      နှလုံးရောဂါဖြစ်နိုင်ခြေ မြင့်မားသူတို့နဲ့ နှလုံးရောဂါရှိနေသူများ -      ခုခံအားကျရောဂါပိုး ကူးစက်ခံထားရသူများ -      နာတာရှည်ဝေဒနာခံစားနေရသူများ -      ကင်ဆာကုဆေး သုံးစွဲနေရသူများ ဖြစ်ပြီး တုပ်ကွေးမိမိချင်း ဆေးကုသမှု ခံယူသင့်ပါတယ်။ တုပ်ကွေးပိုးသစ် လူကို ကူးစက်ခံရရင် ဘာလက္ခဏာတွေ ပြမှာလဲ… တုပ်ကွေးသစ်ရဲ့ လက္ခဏာတွေက ပုံမှန်ဖြစ်နေကျ တုပ်ကွေးရောဂါလိုပါပဲ။ ဖျားမယ်။ လည်ချောင်းနာ ချောင်းဆိုးမယ်။ နှာရည်ယို နှာစေးမယ်။ ကိုယ်လက် နာကျင်ကိုက်ခဲမယ်။ ခေါင်းကိုက်ပြီး ချမ်းကာ နုံးချည့်နွမ်းနယ်နေတတ်ပါတယ်။ တချို့ ဝမ်းလျှော ပျို့အန်တတ်ကြတယ်။ တုပ်ကွေးသစ် ဖြစ်သူတိုင်းမှာ ဖော်ပြပါလက္ခဏာ အနည်းဆုံး နှစ်မျိုး ဖြစ်ပွားလေ့ရှိပါတယ်။ ရောဂါပြင်းထန်ရင် သေဆုံးသည်ထိ ဖြစ်နိုင်ပါတယ်။ ဒါပေမယ့် ဒီလက္ခဏာများဟာ အခြားရောဂါတွေမှာလည်း တွေ့ရတတ်တာကြောင့် ခံစားနေရတဲ့ လက္ခဏာတခုတည်းကြည့်ပြီး တုပ်ကွေးရောဂါသစ် ဖြစ်နေပါတယ်လို့ တပ်အပ်မပြောနိုင်ပါဘူး။ တုပ်ကွေးပိုးသစ် ကူးစက်ဖြစ်ပွားနေခြင်း ရှိ၊ မရှိ စမ်းသပ်ကြည့်ကြရမှာ ဖြစ်ပါတယ်။ စမ်းသပ်ချက်က တုပ်ကွေးရောဂါသစ် ဖြစ်ပွားနေခြင်း မရှိကြောင်း အဖြေထွက်သည့်တိုင် တုပ်ကွေးပိုးသစ် ကူးစက်ဖြစ်ပွားမနေပါဘူးလို့ မဆိုနိုင်ပါဘူး။ တနည်းအားဖြင့် စမ်းသပ်ချက်မှ တုပ်ကွေးရောဂါသစ် ဖြစ်နေကြောင်း အတည်ပြုနိုင်ပေမယ့် ဖြစ်မနေပါဘူးလို့ မငြင်းဆိုနိုင်တဲ့ သဘောပါ။ ဒါ့ပြင် ဖျားနာလူတိုင်းကို စမ်းသပ်မပေးနိုင်သေးဘဲ ရောဂါ ပြင်းထန်သူများကိုသာ ရွေးစမ်းသပ်ပေးနိုင်ပါသေးတယ်။ တုပ်ကွေးပိုးသစ် ကူးစက်ခံရရင် ဝေဒနာ ဘယ်လောက် ပြင်းထန်တတ်ပါသလဲ… လူမှာ ကူးစက်ဖြစ်ပွားနေတဲ့ တုပ်ကွေးရောဂါသစ် ဘယ်လောက် ပြင်းထန်နိုင်သလဲ ဆိုတာ သေချာမသိသေးပါဘူး။ အသက် ၆၅ နှစ်နဲ့အထက် သက်ကြီးရွယ်အိုများ၊ ၅ နှစ်ထက် ငယ်တဲ့ကလေးများ၊ ကိုယ်ဝန်ဆောင် မိခင်လောင်းများနဲ့ နာတာရှည်ဝေဒနာခံစားနေရသူများ ရာသီပြောင်းတုပ်ကွေးရောဂါ ပြင်းထန်တတ်ပြီး နောက်ဆက်တဲ့ ဆိုးကျိုးတွေလည်း ခံစားရနိုင်ပါတယ်။ ပန်းနာရင်ကျပ်နဲ့ ဆီးချိုရောဂါမျိုးပါ။ တုပ်ကွေးပိုးသစ်မှာလည်း ဒီလို နောက်ဆက်တွဲ ဆိုးကျိုးရောဂါတွေ ဖြစ်နိုင်ခြေ ကြီးမားဟန်ရှိပါတယ်။ ပုံမှန်ရာသီပြောင်းတုပ်ကွေးနဲ့ မတူတဲ့အချက်က ၆၄ နှစ်အထက် လူကြီးတွေမှာ တုပ်ကွေးရောဂါ နောက်ဆက်တွဲ ဆိုးကျိုးဝေဒနာ ဖြစ်ပွားဟန်မရှိခြင်းပါပဲ။ ဒါကြောင့် ကူးစက်ရောဂါ ထိန်းချုပ်ကာကွယ်ရေးဗဟိုဌာနမှ ပညာရှင်တွေဟာ ထပ်မံလေ့လာခဲ့ကြပြန်တယ်။ တုပ်ကွေးပိုးသစ်ကို ခုခံနိုင်တဲ့ သဘာဝကိုယ်ခံအား လူအချို့မှာ ရှိနေမလားဆိုတာ လေ့လာကြတာပါ။ ကနဦး ရလဒ်များအရ အသက် ၆ဝ အောက် အရွယ်ရောက်လူတွေရော ကလေးတွေမှာပါ တုပ်ကွေးပိုးသစ်ကို ခုခံကာကွယ်နိုင်တဲ့ ကိုယ်ခံအား ရှိနေတာ မတွေ့ခဲ့ကြပါဘူး။ ဒါပေမယ့် အသက် ၆ဝ ကျော် လူကြီး သုံးပုံတပုံမှာ တုပ်ကွေးပိုးသစ်ကို ခုခံနိုင်တဲ့ ကိုယ်ခံအား ရှိနေတာ တွေ့ကြရပါတယ်။ ရှိနေတဲ့ ကိုယ်ခံအားနဲ့ တုပ်ကွေးပိုးကို ဘယ်လောက်ထိ ကာကွယ်နိုင်မယ် ဆိုတာ မသိရသေးပါဘူး။ ကူးစက်ဖြစ်ပွားနှုန်းနဲ့ ပြင်းထန်မှုသဘာဝမှာ တုပ်ကွေးပိုးသစ်နဲ့ ပုံမှန် ရာသီပြောင်း တုပ်ကွေးပိုးတို့ ဘာကွာခြားကြသလဲ … ကူးစက်ရောဂါ ထိန်းချုပ်ကာကွယ်ရေး ဗဟိုဌာနအနေနဲ့ တုပ်ကွေးပိုးသစ်ရဲ့ ရောဂါပြင်းထန်မှု အခြေအနေကို လေ့လာဆဲရှိပါသေးတယ်။ အခုချိန်ထိတော့ ရာသီပြောင်း တုပ်ကွေးပိုးနဲ့ နှိုင်းယှဉ်ပြီး တုပ်ကွေးသစ် ဖြစ်ပွားနှုန်း ဘယ်လောက်ရှိမလဲ၊ ဘယ်လောက် ပြင်းထန်ပြီး သေဆုံးနိုင်ခြေ အနေအထား ဘယ်လိုရှိတယ်ဆိုတာ ကောက်ချက်ချဖို့ အချက်အလက်တွေ လိုအပ်နေပါသေးတယ်။ ရာသီပြောင်း တုပ်ကွေးဖြစ်ပွားတဲ့အခါ မအီမသာ ဖျားနာတဲ့ အခြေအနေမှ ရောဂါပြင်းထန်ပြီး သေဆုံးတဲ့အထိ ဖြစ်နိုင်ပါတယ်။ နှစ်စဉ် အမေရိကန်ပြည်ထောင်စုမှာ တုပ်ကွေးရောဂါကြောင့် ဆေးရုံတင်ကုသရသူ နှစ်သိန်းကျော်ရှိပြီး ပျမ်းမျှ လူ သုံးသောင်းခြောက်ထောင်လောက် သေဆုံးနေကြပါတယ်။ ဆေးရုံတင်ရတဲ့အထိ ရောဂါ ပြင်းထန်သူတွေအနက် နှစ်သောင်းခန့်ဟာ ငါးနှစ်အောက်ကလေးများ ဖြစ်ပါတယ်။ ဆေးရုံတင်ရသူ အားလုံးရဲ့ ၆ဝ ရာခိုင်နှုန်းနဲ့ သေဆုံးသူများအနက် ၉ဝ ရာခိုင်နှုန်းဟာ ၆၅ နှစ်နဲ့အထက် သက်ကြီးရွယ်အိုများ ဖြစ်ပါတယ်။ တုပ်ကွေးပိုးသစ်ကြောင့် ရောဂါဖြစ်ပွားသူ အများအပြားဟာ အသက် ၅ နှစ်မှ ၂၄ နှစ်ကြား လူငယ်များ ဖြစ်နေတာ တွေ့ရပါတယ်။ ဒါပေမယ့် အသက် ၆၄ နှစ်ထက် ကြီးသူတွေမှာ အဖြစ်နည်းပြီး သေဆုံးခြင်း မရှိတတ်ပါဘူး။ ဒီအချက်က ရာသီပြောင်း တုပ်ကွေးနဲ့ တုပ်ကွေးပိုးသစ်တို့ မတူတဲ့အချက်ပါ။ ကိုယ်ဝန်ဆောင်မိခင်နဲ့ ရိုးရိုးတုပ်ကွေးရဲ့ နောက်ဆက်တွဲ ဆိုးကျိုးတွေ ဖြစ်နိုင်ခြေ မြင့်မားသူတွေမှာတော့ တုပ်ကွေးပိုးသစ်နဲ့ ရိုးရိုးတုပ်ကွေးပိုးတို့ လက်ရည်တူပါပဲ။ တုပ်ကွေးပိုးသစ် ဘယ်လို ပြန့်ပွားကူးစက်ပါသလဲ။ လေထဲမှတဆင့် ကူးစက်တတ်သလား … ရာသီပြောင်းတုပ်ကွေး ကူးစက်ပုံအတိုင်းပဲလို့ ယူဆထားကြတယ်။ အဓိကအားဖြင့်တော့ ချောင်းဆိုးခြင်း၊ နှာချေခြင်းတွေကနေ လူတဦးမှတဦး ကူးစက်နိုင်ပါတယ်။ တုပ်ကွေးပိုးသစ် ရှိနေတဲ့နေရာ။ ပစ္စည်းတခုခုကို ကိုင်တွယ်မိတဲ့ လက်နဲ့ ပါးစပ်၊ နှာခေါင်းတို့ ထိတွေ့မိခြင်းကြောင့် ကူးစက်နိုင်ပါတယ်။ တုပ်ကွေးပိုးသစ်ဟာ ရာသီပြောင်းတုပ်ကွေးပိုးလိုပဲ ပျံ့နှံ့တတ်ပါတယ်။ တုပ်ကွေး ဖြစ်နေသူ နှာချေ၊ ချောင်းဆိုးလို့ ထွက်လာတဲ့ အမှုန်အမွှားများမှတဆင့် တိုက်ရိုက် ကူးစက်နိုင်ပါတယ်။ ဒါမှမဟုတ် တုပ်ကွေးပိုးသစ် ရှိနေတဲ့နေရာကို ကိုင်တွယ်မိပြီး မျက်စိ၊ နှာခေါင်း၊ ပါးစပ် စတာတွေကို ထိမိရင် ကူးစက်ပျံ့နှံ့ပါလိမ့်မယ်။ ဒါကြောင့် လက်ဆေးတဲ့ အကျင့် ပြုသင့်တာပါ။ တုပ်ကွေးသစ် ဖြစ်နေသူဟာ ရောဂါလက္ခဏာ စမပြမီ တရက်ကပင် တုပ်ကွေး ပိုးသစ်ကို ပျံ့နှံ့စေနိုင်ပါတယ်။ ရောဂါ စခံစားရပြီး ၇ ရက် ကြာသည့်တိုင် ကူးစက်နိုင်ပါသေးတယ်။ တုပ်ကွေးပိုးသစ်ဟာ လေမှတဆင့် ကူးစက်နိုင်ပါတယ်။ ဒါကလည်း နှာချေ၊ ချောင်းဆိုးတဲ့အခါ မဖုံးအုပ် မကာကွယ်ထားလို့ ထွက်လာတဲ့ အမှုန်အမွှားတွေ လေထဲ ရောက်ရှိသွားတဲ့အတွက် ဖြစ်ပါတယ်။ တုပ်ကွေးသစ် ဖြစ်နေသူ အများစုဟာ ဝက်တွေနဲ့ တိုက်ရိုက်ထိတွေ့မှုမရှိဘဲ ရောဂါဖြစ်ပွားနေသူမှတဆင့် ကူးစက်ခြင်း ဖြစ်ပါတယ်။ ဝတ္ထုပစ္စည်းတွေ ရှိနေတဲ့ တုပ်ကွေးပိုးသစ်ဟာ ဘယ်လောက်ကြာကြာ အသက်ရှင် နေနိုင်ပါလဲ … လေ့လာမှုများအရ စာအုပ် ဒါမှမဟုတ် တံခါးလက်ကိုင်လို ပစ္စည်းမျိုးမှာ တုပ်ကွေးပိုးတို့ဟာ နှစ်နာရီမှ ရှစ်နာရီ ကြာတဲ့အထိ ကူးစက်နိုင်စွမ်းရှိတာ တွေ့ကြရပါတယ်။ ဘယ်လောက်ကြာတဲ့အထိ ရောဂါပိုး ကူးစက်ခံထားရသူထံမှ ထပ်ဆင့်ပျံ့နှံ့သွားနိုင်သလဲ … အခုချိန်ထိတော့ ကူးစက်ရောဂါ ထိန်းချုပ်ကာကွယ်ရေးဗဟိုဌာနအနေနဲ့ တုပ်ကွေးပိုးသစ်ရဲ့ အစွမ်းအစဟာ ရိုးရိုးတုပ်ကွေးပိုးနဲ့ တူတယ်လို့ ယုံကြည်လက်ခံထားပါတယ်။ ပုံမှန်တုပ်ကွေးပိုးအနေနဲ့ ကူးစက်ခံလူမှာ ရောဂါလက္ခဏာမပြမီ တရက်မှ စဖျားပြီး ၇ ရက်ကြာတဲ့အထိ အခြားလူတဦးကို ကူးစက်စေနိုင်ပါတယ်။ အထူးသဖြင့် တုပ်ကွေးပိုးသစ် ကူးစက်ခံ ငယ်ရွယ်တဲ့ ကလေးတွေထံမှ ရက်ပိုကြာကြာ ရောဂါပိုးကူးစက် ပြန့်ပွားစေနိုင်ဖွယ် ရှိပါတယ်။ ဝက်သားကို ကိုင်တွယ် ပြင်ဆင် စားသောက်ခြင်းကြောင့် တုပ်ကွေးပိုးသစ် ကူးစက်နိုင်ပါလား … အစားအသောက်မှ တုပ်ကွေးပိုးသစ် မကူးစက်နိုင်ပါဘူး။ သန့်ပြန့်စွာ ကိုင်တွယ်မယ်၊ ကောင်းစွာ ချက်ပြုတ် စားသောက်မယ်ဆိုရင် ဝက်သားစားလို့၊ ချက်ပြုတ်လို့တော့ တုပ်ကွေးပိုးသစ် ကူးစက်ဖြစ်မယ် မဟုတ်ပါဘူး။ ပိုက်သွယ်ဖြန့်ဝေ သောက်သုံးရေမှတဆင့် တုပ်ကွေးပိုးသစ် ကူးစက်နိုင်ခြေရှိသလား… သုံးရေဖြန့်ဝေမှု စနစ်ကျနမယ်။ ကောင်းစွာပိုးသတ်ပြီးမှ ဖြန့်ဝေမယ်ဆိုရင် အဆိုပါ ရေမှ ရောဂါပိုးကူးစက်စရာ မရှိပါဘူး။ ဒါပေမယ့် ဖြန့်ဝေသောက်သုံးရေထဲ ရောဂါပိုး ကူးစက်ရောက်ရှိ ရှင်သန်ပြန့်ပွားနိုင်ခြင်း ရှိ၊ မရှိ ပြည့်စုံစွာ စမ်းသပ်ထားတာ မရှိတဲ့အတွက် သေချာတော့ မပြောနိုင်ပါဘူး။ လတ်တလော စမ်းသပ်ချက်များကတော့ ဖြန့်ဝေ သောက်သုံးရေထဲပါတဲ့ ပိုးသတ်ဆေးဂုဏ်သတ္တိရှိ ကလိုရင်း ဓာတ်ပမာဏဟာ အစွမ်းထက် တုပ်ကွေးပိုးသစ်ကို အစွမ်းမဲ့သွားစေနိုင်တာ စမ်းသပ်ပြနိုင်ခဲ့ပြီးပါပြီ။ သောက်သုံးရေမှ တုပ်ကွေးပိုးသစ် ကူးစက်ဖြစ်ပွားတာ ၂ဝဝ၉ ခုနှစ် ဇွန်လအထိ မတွေ့ရသေးပါဘူး။ ရေကူးကန်၊ ရေချိုးကန်၊ ရေပန်း၊ ရေသုံးအပန်းဖြေစခန်းရှိ ရေမှ တုပ်ကွေးပိုးသစ် ကူးစက်နိုင်သလား … အခုထိတော့ ရေနဲ့ ထိတွေ့ခြင်းမှတဆင့် တုပ်ကွေးပိုးသစ် ကူးစက်တဲ့ လူနာ မတွေ့ရသေးပါဘူး။ ရေကူးကန်၊ ရေချိုးကန် စတဲ့ ရေအသုံးပြု အပန်းဖြေစခန်းရှိ ရေများကို သတ်မှတ်ထားတဲ့ စံချိန်စံညွှန်းအတိုင်း ကလိုရင်းခပ် ပိုးသတ်ထားတာကြောင့် တုပ်ကွေးပိုးသစ် ကူးစက်နိုင်မယ့်အခြေ ရှိမနေပါဘူး။ ရေကူးကန်ရေမှာ အပုံ ၁ သန်းပုံ ၃ ပုံထိ ကလိုရင်းဓာတ် ပါရှိနေရင် တုပ်ကွေးပိုးသစ်ကို သုတ်သင်ဖို့ လုံလောက်ပါတယ်။ ရေချိုးကန်တွေအတွက်တော့ အပုံ ၁ သန်းပုံ ၅ ပုံထိ ကလိုရင်း ရှိနေရင် လုံလောက်ပါတယ်။ ရေအသုံးပြုအပန်းဖြေစခန်းမှာ ရေမှ မဟုတ်ဘဲ သာမန်နေထိုင်မှုမှ တုပ်ကွေးပိုးသစ် ကူးစက်နိုင်သလား … တုပ်ကွေးပိုးသစ်ဟာ အခြားတုပ်ကွေးပိုးများလိုပဲ ရှင်သန်ပွားများ ပြန့်ပွားမှုပုံစံ ဆင်တူပါတယ်။ ရေအသုံးပြု အပန်းဖြေစခန်းရယ် အခြားနေရာရယ်လို့ ခွဲခြားမှု မရှိဘဲ ရိုးရိုးတုပ်ကွေး ပျံ့နှံ့သလိုပဲ ကူးစက်နိုင်ပါတယ်။ ရောဂါရှိသူ ချောင်းဆိုးခြင်း၊ နှာချေခြင်း၊ ပိုးမွှားပေကျံနေတဲ့ ပစ္စည်းနဲ့ ထိတွေ့ပြီး ပါးစပ်၊ နှာခေါင်းအား ကိုင်တွယ်မိခြင်း စတာတွေကနေ ရောဂါကူးစက်မှာပါပဲ။ ဘယ်လို ပစ္စည်းတွေမှ တုပ်ကွေးပိုး ကူးစက်စေနိုင်သလဲ … တုပ်ကွေးပိုး ပေကျံနေတဲ့ပစ္စည်းကို ကိုင်တွယ်မိတဲ့အခါ တုပ်ကွေးပိုးတွေ လက်မှာ ကပ်ငြိပါသွားပါလိမ့်မယ်။ ဒီလက်နဲ့ မျက်စိ၊ ပါးစပ် နှာခေါင်းတွေကို ထိကိုင်မိရင်တော့ ပိုးကူးစက်ဝင်ရောက်သွားမှာပါ။ တုပ်ကွေးမိနေသူတဦး နှာချေလိုက်မယ်၊ ချောင်းဆိုးလိုက်မယ် ဆိုရင် အမှုန်အမွှားများ လေထဲ လွင့်စဉ်ထွက်လာပါတယ်။ ဒီအမှုန်အမွှားထဲမှာ တုပ်ကွေးပိုးသစ်တွေ အများအပြား ပါရှိနေပါတယ်။ ဒီအမှုန်အမွှားတွေ ကျရောက်ပေကျံနေတဲ့ စားပွဲလို မျက်နှာပြင်တွေ၊ တံခါးလက်ကိုင်တွေဟာ တုပ်ကွေးပိုး ကူးစက်စေနိုင်တဲ့ နေရာတွေ ဖြစ်ပါတယ်။ သူတို့ကို ထိတွေ့မိတဲ့ လက်တွေမှာ တုပ်ကွေးပိုးတို့ ကပ်ပါသွားပါတယ်။ လက်ကို မဆေးကြောဘဲ မျက်စိ၊ နှာခေါင်း၊ ပါးစပ်တွေကို ထိကိုင်မိရင် ရောဂါပိုး ကူးစက်သွားမှာ ဖြစ်ပါတယ်။ တုပ်ကွေးပိုးသစ် မပြန့်ပွားအောင် သုံးစွဲပြီး အညစ်အကြေးများကို ဘယ်လို စွန့်ပစ်ရမှာလဲ … တုပ်ကွေးပိုး မပြန့်ပွားစေဖို့ တုပ်ကွေးရောဂါ ကူးစက်ဖြစ်ပွားနေသူ သုံးစွဲထားပြီး အညစ်အကြေး ပေကျံနေတဲ့ ပစ္စည်းများကို အမှိုက်ပုံးထဲ စွန့်ပစ်ရပါမယ်။ ဒါတွေကို ကိုင်တွယ်ပြီးတိုင်း လက်ကို ဆပ်ပြာ၊ ရေတို့နဲ့ စင်ကြယ်အောင် ဆေးကြောရပါမယ်။ တုပ်ကွေးပိုး မပြန့်ပွားရအောင် ကာကွယ်ရန် အိမ်သန့်ရှင်းရေး ဘယ်လိုလုပ်ရမလဲ.. ကုတင်ဘေး၊ စားပွဲမျက်နှာပြင်၊ ရေချိုးခန်း မျက်နှာပြင်များ၊ ကလေးကစားစရာများ၊ မီးဖိုချောင် စားပွဲမျက်နှာပြင်တွေကို အိမ်သုံး ပိုးသတ်ဆေးရေ Household Disinfectant နဲ့ ပွတ်တိုက်သန့်စင်ပေးရပါမယ်။ တုပ်ကွေးဖြစ်နေသူ စားသောက် သုံးစွဲထားတဲ့ ပစ္စည်းများကို ဘယ်လို ကိုင်တွယ်ရမလဲ … တုပ်ကွေးပိုးသစ် ကူးစက်ခံရသူ စားသောက်ထားတဲ့ ပုဂံခွက်ယောက်များ၊ အဝတ်အစားများ၊ အိပ်ရာခင်းများတို့ကို ခွဲခြားပြီး သီးသန့်ဆေးကြော လျှော်ဖွပ်စရာ မလိုပါဘူး။ တခု အရေးကြီးတာက မလျှော်ဖွပ်ရသေးဘဲ တုပ်ကွေးဖြစ်နေသူ ပစ္စည်းများကို အတူမျှမသုံးစွဲမိကြဖို့ ဖြစ်ပါတယ်။ တုပ်ကွေးဖြစ်နေသူ အိပ်ရာခင်း၊ မျက်နှာသုတ်ပဝါတို့ကို ဆပ်ပြာနဲ့ပဲ လျှော်ဖွပ်ပြီး မီးပူတိုက်ထားရပါမယ်။ တုပ်ကွေးဖြစ်နေသူ အသုံးအဆောင်များကို မလျှော်ဖွပ်ခင် ပိုက်ပွေ့သယ်ဆောင်ခြင်းမှ ရှောင်ကြဉ်ရပါမယ်။ အသုံးအဆောင်တွေကို ကိုင်တွယ်ပြီးတိုင်း လက်ကို ဆပ်ပြာ၊ ရေ၊ အရက်ပြန်ပါတဲ့ အရည် စတာတွေနဲ့ ချက်ချင်း ဆေးကြောရပါမယ်။ တုပ်ကွေးဖြစ်နေသူ စားသောက်ထားတဲ့ အသုံးအဆောင်တွေကိုလည်း ပုံမှန် ဆပ်ပြာရေတို့နဲ့ ကိုင်တွယ်ဆေးကြောပေးနိုင်ပါတယ်။ တုပ်ကွေးပိုးသစ် ကူးစက်မခံရအောင် ဘယ်လို ကာကွယ်နိုင်ပါသလဲ … တုပ်ကွေးပိုးသစ် မကူးစက်အောင် ကာကွယ်ဖို့ဆေး အခုချိန်ထိ မရှိသေးပါဘူး။ တုပ်ကွေးလို အသက်ရှူလမ်းကြောင်း ကူးစက်ရောဂါ ကာကွယ်ဖို့ အထောက်အကူ ဖြစ်စေတဲ့ နိစ္စဓူဝ လုပ်ဆောင်စရာတွေ ရှိပါတယ်။ -      နှာချေ၊ ချောင်းဆိုးစဉ် နှာခေါင်းနဲ့ ပါးစပ်ကို တစ်သျှူးဖြင့် ဖုံးကာထားရပါမယ်။ သုံးပြီး တစ်သျှူးတွေကို အမှိုက်ပုံးထဲ သေချာစွာစွန့်ပစ်ပါ။ - လက်ကို ဆပ်ပြာဖြင့် မကြာခဏ ဆေးကြောပါ။ အထူးသဖြင့် နှာချေ၊ ချောင်းဆိုးပြီးချိန်မှာ ဖြစ်ပါတယ်။ အရက်ပြန်ပါတဲ့ လက်ဆေးရေဟာ ပိုထိရောက်ပါတယ်။ - မျက်စိ၊ နှာခေါင်း၊ ပါးစပ်တို့ကို လက်နဲ့ မတို့ထိပါနဲ့။ တုပ်ကွေးပိုးတွေ ဒီနည်းနဲ့ ပျံ့နှံ့ကူးစက်တတ်ပါတယ်။ ဒါပေမယ့် ဆင်ခြင်ဖို့ ခက်ခဲတတ်လို့ လက်ကို စင်ကြယ်နေစေဖို့ အရေးကြီးပါတယ်။ - တုပ်ကွေးမိနေသူနဲ့ နီးနီးကပ်ကပ် မထိတွေ့မိစေဖို့ ကြိုးစားဆင်ခြင်ပါ။ - အကယ်၍ ဖျားပြီး အနည်းဆုံး တုပ်ကွေးလက္ခဏာတခုခု ပြခဲ့ရင် လက္ခဏာ စပြပြီး ၇ ရက် ဒါမှမဟုတ် တုပ်ကွေးလက္ခဏာတွေ ပျောက်ကင်းပြီး ၂၄ နာရီ ပြည့်တဲ့အထိ အိမ်မှာပဲ နေပေးပါ။ အခြားသူဆီ ရောဂါပိုး မကူးစက်စေရန် ဤနည်းဖြင့် ထိန်းသိမ်းနိုင်ပါတယ်။ - ကျန်းမာရေးဌာနမှ ထုတ်ပြန်ထားချက်များကို လိုက်နာပါ။ လူစုလူဝေးကို တတ်နိုင်သမျှ ရှောင်ပါ။ နှာခေါင်း၊ ပါးစပ်ကာပစ္စည်း ဝတ်ဆင်သင့်ပါသလား … သတင်းစာ၊ စာစောင်များမှာ တုပ်ကွေးပိုးသစ် ကူးစက်မခံရအောင် နှာခေါင်း၊ ပါးစပ်ကာပစ္စည်းများ ဝတ်ဆင်သွားလာနေပုံတွေ ပါရှိနေကြပါတယ်။ ဒါပေမယ့် လူအနည်းငယ်သာ နှာခေါင်း၊ ပါးစပ်ကာပစ္စည်းဟာ အမှန်တကယ် တုပ်ကွေးကာကွယ်နိုင်၊ မနိုင် သိကြပါတယ်။ နှာခေါင်း၊ ပါးစပ်ကာအဝတ်ဟာ နေရာမှာ အတိအကျ အသေအသပ် ကပ်မနေနိုင်ပါဘူး။ ဒါကြောင့် အတိုင်းအတာတခုထိသာ အကာအကွယ် ဖြစ်စေပါလိမ့်မယ်။ ကူးစက်ရောဂါ ထိန်းချုပ်ကာကွယ်ရေးဗဟိုဌာနကတော့ နှာခေါင်း၊ ပါးစပ်ကာပစ္စည်း ဝတ်ဆင်ဖို့ အားပေးထားခြင်း မရှိပါဘူး။ ဒါပေမယ့် ပြင်းထန်တုပ်ကွေးရောဂါ ဖြစ်နိုင်ခြေရှိသူတွေ တုပ်ကွေးပိုးသစ် ပျံ့နှံ့ကူးစက်နေတဲ့ ဝန်းကျင်လူစုလူဝေးထဲ သွားလာရတဲ့အခါ ဝတ်ဆင်သင့်တယ်လို့ သတ်မှတ်ထားပါတယ်။ ဒါ့ပြင် တုပ်ကွေးရောဂါ ဖြစ်နေသူကို ပြုစုစောင့်ရှောက်ရသူများလည်း ဝတ်ဆင်ဖို့ လိုပါလိမ့်မယ်။ သည့်တိုင် နှာခေါင်း၊ ပါးစပ်ကာပစ္စည်းဟာ တုပ်ကွေးပိုးကူးစက်ပျံ့နှံ့မှုကို အမှန်တကယ် အကာအကွယ်ပေးနိုင်ခြင်း ရှိ၊ မရှိ မသိသေးပါဘူး။ တုပ်ကွေးလက္ခဏာ ရှိနေသူတွေဟာ တခါသုံး တစ်သျှူေးတွကို ဆောင်ထားရပါမယ်။ နှာချေ၊ ချောင်းဆိုးလျှင် ပိတ်ကာပေးရပါမယ်။ လူစုလူဝေးထဲ သွားစရာရှိမယ်။ မိသားစု အများ အတူသုံးစွဲတဲ့ နေရာတွေမှာ နှာခေါင်း၊ ပါးစပ်ကာပစ္စည်း တပ်ဆင်ထားသင့်ပါတယ်။ ပြင်းထန်တုပ်ကွေး ဖြစ်နိုင်ခြေရှိသူတွေဟာ လက် မကြာခဏ ဆေးကြောခြင်း၊ တုပ်ကွေးဖြစ်ပွားနေတဲ့ လက္ခဏာရှိသူနဲ့ အနည်းဆုံး ခြောက်ပေအကွာမှာ နေသင့်ပါတယ်။ မိမိဝန်းကျင်မှာ တုပ်ကွေးပိုးသစ် ပြန့်ပွားနေတယ်ဆိုရင် နှာခေါင်း၊ ပါးစပ်ကာပစ္စည်း ဝတ်ဆင်ကာ လူစုလူဝေးအတွင်း သွားလာခြင်းဟာ အကာအကွယ် ဖြစ်စေနိုင်ပါလိမ့်မယ်။ ကိုယ်ဝန်ဆောင် မိခင်လောင်းလို ပြင်းထန်တုပ်ကွေး ဖြစ်နိုင်ခြေရှိသူတွေဟာ တုပ်ကွေး ဖြစ်နေသူကို အကူအညီပေးရတဲ့အခါ နှာခေါင်း ပါးစပ်ကာပစ္စည်း ဝတ်ဆင်တတ်ကြပါတယ်။ ကူးစက်ရောဂါ ထိန်းချုပ်ကာကွယ်ရေးဗဟိုဌာနကတော့ ထိုသူတွေအနေနဲ့ တုပ်ကွေး မကူးစက်ရေး နည်းလမ်းမှန်များကို လိုက်နာစေလိုပါတယ်။ လက်မှန်မှန်ဆေးခြင်း၊ နေထိုင်မကောင်းဖြစ်သူများနဲ့ မတွေ့ဆုံဖြစ်အောင် ရှောင်စေဖို့ တိုက်တွန်းထားပါတယ်။ နှာချေ၊ ချောင်းဆိုးခြင်းမှတဆင့် တုပ်ကွေးပိုး မပြန့်ပွားအောင် ထိန်းသိမ်းနိုင်မယ့် အကောင်းဆုံးနည်းလမ်းက ဘာလဲ … အကယ်၍ ဖျားနေပြီဆိုရင် သူများနဲ့ ဖြစ်နိုင်သမျှ မထိတွေ့ရအောင် ဆင်ခြင်ရပါမယ်။ ရောဂါစပြပြီး ၇ ရက်ကြာတဲ့တိုင် ဒါမှမဟုတ် ရောဂါပျောက်ကင်းပြီး တရက်ပြည့်တဲ့အထိ အများသူငါနဲ့ မထိတွေ့ရအောင် အိမ်မှာပဲ နေရပါမယ်။ နှာချေ၊ ချောင်းဆိုးတိုင်း ပါးစပ်နဲ့ နှာခေါင်းတို့ကို တစ်သျှူးနဲ့ဖုံးကာပြီး သေချာစွာ အမှိုက်ပုံးထဲ စွန့်ပစ်ဖို့ လိုပါတယ်။ လက်ကိုလည်း စင်ကြယ်အောင် ဆေးကြောရပါမယ်။ လက်မကြာခဏ ဆေးကြောခြင်းဟာ ရောဂါပိုးကာကွယ်ရေးအတွက် အထောက်အကူပြုပါတယ်။ ဆပ်ပြာနဲ့ရေပဲ သုံးသုံး၊ ဆပ်ပြာနဲ့ ရေနွေးပဲသုံးသုံး ၁၅ စက္ကန့်မှ ၂ဝ စက္ကန့် ကြာအောင် သေချာစွာ ဆေးကြောရပါမယ်။ ရေနဲ့ဆပ်ပြာ ရှားပါးတဲ့နေရာများမှာ အရက်ပြန်ပါတဲ့ တခါသုံးပစ္စည်းများ Disposable hand wipes gel Sanitizers ကို သုံးစွဲနိုင်ပါတယ်။ ကျောက်ကျောလိုပစ္စည်း သုံးမယ်ဆိုရင် လက်ထဲ ခြောက်တဲ့အထိ ပွတ်သပ်ရပါမယ်။ ရေသုံးစရာ မလိုပါဘူး။ သူ့ထဲပါတဲ့ အရက်ပျံက ပိုးများကို သေစေပါလိမ့်မယ်။ တုပ်ကွေးမိပြီဆိုရင် ဘာလုပ်သင့်သလဲ။ ဘယ်အချိန် ဆေးခန်းပြဖို့ လိုမလဲ… တုပ်ကွေးပိုးသစ်ရှိတဲ့ ဝန်းကျင်မှာ နေထိုင်မယ်။ တုပ်ကွေးပိုးသစ် လက္ခဏာမျိုးနဲ့ နေထိုင်မကောင်း ဖြစ်မယ်ဆိုရင် ဆေးကုသမှုခံယူဖို့ အပြင်ထွက်တာကလွဲလို့ အိမ်မှာပဲ နားနေရပါမယ်။ အခြားသူတွေနဲ့ မတွေ့ထိမိရအောင် အနေအထိုင် ဆင်ခြင်ရပါမယ်။ အလုပ်ဆင်းခြင်း၊ ကျောင်းတက်ခြင်း၊ ဈေးဝယ်ထွက်ခြင်း၊ လူအများ စုပေါင်းလုပ်ဆောင်နေတဲ့ နေရာ သွားရောက်ခြင်းတို့ကို ရှောင်ကြဉ်သင့်ပါတယ်။ ခံစားနေရတဲ့ တုပ်ကွေးဟာ အပျော့စားဆိုရင် ဆေးခန်းပြစရာ မလိုသေးပါဘူး။ ဒါပေမယ့် တုပ်ကွေးအဖြစ်များနိုင်တဲ့ အုပ်စုတခုခုမှာ ပါဝင်နေသူတွေကတော့ တုပ်ကွေး လက္ခဏာ စပြတာနဲ့ ဆေးကုသမှုခံယူဖို့ လိုပါတယ်။ တုပ်ကွေးရောဂါ ပြင်းထန်မယ်။ နောက်ဆက်တွဲ ဆိုးကျိုးတွေ ဖြစ်နိုင်ခြေရှိတယ် ဆိုရင်တော့ ဆေးကုသမှု ခံယူရပါလိမ့်မယ်။ အကယ်၍ အောက်ဖော်ပြပါ လက္ခဏာတွေ ကလေးငယ်မှာ ရှိလာခဲ့ရင် အရေးပေါ် ဆေးကုသမှုခံယူရပါမယ်။ -      အသက်ရှူမြန်ခြင်း။ အသက်ရှူခက်ခဲခြင်း -      အသားအရေအရောင် ပြာနှမ်းနှမ်းဖြစ်ခြင်း။ သွေးရောင်မသန်းတော့ပဲ ညိုညစ်ညစ် ဖြစ်လာခြင်း -      ရေ အရည်လုံလောက်စွာမသောက်ခြင်း -      ပြင်းပြင်းထန်ထန် ဆက်တိုက်အန်ခြင်း -      နှိုးလို့မရခြင်း တုံ့ပြန်မှုမရှိခြင်း -      အထိမခံ စိတ်ဆိုးလွယ်ခြင်း။ အထိအကိုင်မခံ ရန်လိုခြင်း -      တုပ်ကွေးလက္ခဏာ သက်သာလာသော်လည်း ပြန်ဖျားပြီး ချောင်းဆိုး ပိုပြင်းထန်လာခြင်း လူကြီးတွေမှာတော့…. -      အသက်ရှူခက်ခဲခြင်း အသက်ရှူချိန် တိုတောင်းခြင်း -      ရင်ဘတ်ဝမ်းဗိုက်၌နာကျင်တင်းကျပ်မှုခံစားရခြင်း -      ရုတ်တရက် မူးဝေလာခြင်း -      သတိချွတ်ယွင်း ရှုပ်ထွေးလာခြင်း -      ပြင်းထန်စွာ ဆက်တိုက်အန်ခြင်း -      တုပ်ကွေးလက္ခဏာ သက်သာလာသော်လည်း ပြန်ဖျားကာ ချောင်းဆိုး ပိုပြင်းထန်လာခြင်း စတာတွေ ဖြစ်ခဲ့ရင် အရေးပေါ် ဆေးကုသမှုခံယူသင့်ပါတယ်။ ဆရာဝန်တွေက သွေးနမူနာတွေ ဖောက်ယူပြီး ကျန်းမာရေးဌာန ဓာတ်ခွဲခန်းကို ပေးပို့ကာ တုပ်ကွေးပိုးသစ် ရှိ၊ မရှိ စမ်းသပ်ရှာဖွေကြပါလိမ့်မယ်။ တုပ်ကွေးပိုးသစ် ကူးစက်ဖြစ်ပွားနေတယ်လို့ ယူဆရင် Tamiflu ဒါမှမဟုတ် Relenza ဆေးတွေ ပေးပါလိမ့်မယ်။ ဒါပေမယ့် တုပ်ကွေးဖြစ်နေသူ အများစုဟာ ပိုးသတ်ဆေးတွေ မပေးဘဲနဲ့ အပြည့်အဝ ပြန်ကျန်းမာလာတတ်ပါတယ်။ တုပ်ကွေးပိုးတွေကို ဘာက ဖျက်ဆီးပစ်နိုင်သလဲ … တုပ်ကွေးပိုးကို ၇၅ မှ ၁ဝဝံC တနည်းအားဖြင့် ဆူပွက်တဲ့ ရေအပူချိန်အထိ အပူပေး လိုက်ရင် သေသွားပါလိမ့်မယ်။ ကလိုရင်း၊ ဟိုက်ဒရိုဂျင်ပါအောက်ဆိုဒ်၊ ဆပ်ပြာ၊ အိုင်အိုဒင်းပါ ပိုးသေစေတဲ့ ဓာတ်ပစ္စည်း Lodophors  နဲ့ အရက်ပြန် စတာတွေဟာ တုပ်ကွေးပိုးသစ်ကို သေစေနိုင်ပါတယ်။ သုံးစွဲတဲ့ပစ္စည်း ပြင်းအားနဲ့ သုံးစွဲမှုကြာချိန် မှန်မှန်ကန်ကန် ရှိမယ်ဆိုရင် တုပ်ကွေးပိုးကို ဖျက်ဆီးပစ်နိုင်ပါတယ်။ တုပ်ကွေးရောဂါသစ်ကို ဘယ်လို ကုသကြမှာလဲ … တုပ်ကွေးပိုးသစ်ဟာ ပိုးသုတ်သင်ဆေး Tamiflu နဲ့ Relenza တို့ကို ခံနိုင်ရည် မရှိပါဘူး။ ဒီဆေးတွေနဲ့ ထိတွေ့ရင် ပျက်စီးသွားလေ့ရှိပါတယ်။ ဒါကြောင့် ကူးစက်ရောဂါ ထိန်းချုပ်ကာကွယ်ရေးဗဟိုဌာနက ဒီဆေးတွေကို တုပ်ကွေးသစ် ကာကွယ်ကုသဖို့ သုံးစွဲသင့်ကြောင်း ထောက်ခံထားပါတယ်။ ဒီဆေးတွေကို တုပ်ကွေးလက္ခဏာ စပြပြီး ၄၈ နာရီအတွင်း သုံးစွဲရင် အထိရောက်ဆုံးပါပဲ။ ဒါပေမယ့် တုပ်ကွေးသစ် ဖြစ်ပွားသူတိုင်းတော့ ဆေးသုံးစွဲဖို့ မလိုအပ်ပါဘူး။ အများစုဟာ ဆေးကုသမှု ခံယူစရာမလိုဘဲ ပြန်ကောင်းသွားလေ့ရှိလို့ပါ။ တုပ်ကွေးပိုးသစ် ကုသဖို့ဆေး ရှိပြီလား … ရှိနေပါပြီ။  Oseltamivir  ဒါမှမဟုတ် Zanamivir ဆေးများသုံးစွဲပြီး တုပ်ကွေးပိုးသစ်ကို ကာကွယ်ကုသဖို့ ကူးစက်ရောဂါ ထိန်းချုပ်ရေးကာကွယ်ရေးဗဟိုဌာနက ထောက်ခံချက်ပေးထားပါတယ်။ သူတို့ဟာ တုပ်ကွေးပိုးသစ်ကို တိုက်ခိုက်သုတ်သင်ပေးပါတယ်။ ကူးစက်ဝင်ရောက်လာတဲ့ တုပ်ကွေးပိုးတွေ မပွားများအောင် ထိန်းသိမ်းပေးမှာ ဖြစ်ပါတယ်။ တုပ်ကွေးမိနေရင်လည်း ရောဂါမပြင်းထန်ရအောင်၊ မြန်မြန်နေကောင်းလာအောင် စွမ်းဆောင်ပေးပါလိမ့်မယ်။ တုပ်ကွေး နောက်ဆက်တွဲရောဂါတွေကို ကာကွယ်ပေးမှာ ဖြစ်ပါတယ်။ လတ်တလောမှာတော့ ပြင်းထန်တုပ်ကွေး အခြေအနေ ကုသရာမှာသာ ဦးစားပေး သုံးစွဲနေကြပါသေးတယ်။ ဒေါက်တာမြင့်သန်း (သန္ဓေသား) Reference: 1.Centers for Disease Control and Prevention H1N1 FLU Question And Answers 2.Swine FLU FAQ WebMD Health News by Daniel J.De Noon  
4 years Ago
Up