တုတ် ဓားကိုင်

June 29, 2018

တုတ် ဓားကိုင်သောင်းကျန်းသူ ပြန်လည်ခုခံသဖြင့်  ရဲက ပစ်ခတ်ဖမ်းဆီး

ပဲခူးမြို့မှာ တုတ်၊ ဓားတွေ ကိုင်ဆောင်သောင်းကျန်းသူ ၃ ဦးကို ဖမ်းဆီးရာမှာ ၁ ဦးက ပြန်လည်ခုခံလို့ ရဲတပ်ဖွဲ့ဝင်တွေက သေနတ်နဲ့ ပစ်ခတ်ဖမ်းဆီးခဲ့ရတယ်လို့ ပြည်ထဲရေးသတင်းမှာ ဖော်ပြပါတယ်။ ဇွန် ၂၈ ရက် ညနေပိုင်းက ပဲခူးမြို့၊ မြို့သစ် (ခ) ရပ်ကွက် ငွေတောင်စားသောက်ဆိုင်မှာ ဇော်မိုးထက်(ခ)ဇော်ကြီး (၂၄-နှစ်) အပါအဝင် ၃ ဦးဟာ တုတ်၊ ဓားတွေ ကိုင်ဆောင် သောင်းကျန်းနေတာကို ပဲခူးခရိုင်ရဲတပ်ဖွဲ့ဝင်တွေက သွားရောက်ထိန်းသိမ်းစဉ် ဇော်မိုးထက်က "သတ်ပစ်မည်” ဟု ကြိမ်းမောင်းကာ ရဲအုပ် ကျော်သူကို အရိုးအသွား ၈ လက်မခွဲခန့်ရှိ ဓားနဲ့ ပြန်လည်ခုခံလို့ ခြောက်လုံးပြူးသေနတ်နဲ့ ပစ်ခတ်ဖမ်းဆီးရာ ဇော်မိုးထက်(ခ)ဇော်ကြီးရဲ့ ယာခြေသလုံး ဒဏ်ရာ ၁ ချက် (မစိုးရိမ်ရ) ရရှိခဲ့ပြီး ပဲခူးပြည်သူ့ဆေးရုံ ပို့ဆောင်ကုသထားတယ်လို့ ဆိုပါတယ်။ ဇော်မိုးထက် (ခ) ဇော်ကြီးပါ ၃ ဦး(ဖမ်းမိ)အား ပဲခူးမြို့မရဲစခန်း ရာဇသတ်ကြီးပုဒ်မ ၃၀၇/၃၅၃/၅၀၆/၁၁၄ (လူသတ်မှုကျူးလွန်ရန် အားထုတ်ခြင်း/ တာဝန်ဝတ္တရား ဆောင်ရွက်နေသော ပြည်သူ့ဝန်ထမ်းအား လက်ရောက်မှု/ ရာဇဝတ်မကင်းသော ခြောက်လှန့်မှု/အားပေးကူညီမှု) နဲ့ အမှုဖွင့်စစ်ဆေးနေတယ်လို့ သိရပါတယ်။ ဓာတ်ပုံ - ပြည်ထဲရေး
3 years Ago
Up