တီးတိန်မြို့နယ်

April 7, 2022

တီးတိန်မြို့နယ်အုပ်ချုပ်ရေးမှူး သေနတ်ဖြင့် ပစ်ခတ်ခံခဲ့ရ

ချင်းပြည်နယ်မြောက်ပိုင်း တီးတိန်မြို့နယ် အုပ်ချုပ်ရေးမှူး ဦးကြည်မင်းထွန်းဟာ မနေ့ည ၇ နာရီခွဲလောက်က မြို့မရပ်ကွက်မှာရှိတဲ့ လက်ဖက်ရည်ဆိုင်မှာ မိတ်ဆွေတဦးနဲ့ လက်ဖက်ရည်သောက်နေချိန် သေနတ်နဲ့ ပစ်ခတ်ခံခဲ့ရတယ်လို့ ဒေသခံတွေက ပြောပါတယ်။

“အုပ်ချုပ်ရေးမှူးက သူ့မိတ်ဆွေတဦးနဲ့ထိုင်နေတုန်း ဆိုင်ကယ်နဲ့ လာပြီးပစ်သွားတာ။ သူ့မိတ်ဆွေ ကတော့ ဘာမှမဖြစ်သွားဘူး။ သူကတော့ သွေးတွေနဲ့ ရွှဲနစ်နေလို့ လူနာတင်ကားနဲ့ လာခေါ်သွားတယ်၊ ဘယ်အဖွဲ့ကပစ်လဲဆိုတာတော့ မသိရဘူး” လို့ မြို့မရပ်ကွက်ဒေသခံတဦးက ပြောပါတယ်။

သေနတ်နဲ့ ပစ်ခတ်ခံရတဲ့ တီးတိန်မြို့နယ် အုပ်ချုပ်ရေးမှူး ဦးကြည်လင်းထွန်းဟာ တီးတိန် ပြည်သူ့ဆေးရုံမှာ အရေးပေါ် အတွင်းလူနာအဖြစ် ဆေးကုသမှုခံယူနေရတယ်လို့ ဆိုပါတယ်။

မြို့နယ်အုပ်ချုပ်ရေးမှူး ဦးကြည်လင်းထွန်းဟာ တီးတိန်မြို့နယ်ကို ရာထူးတိုးနဲ့ တာဝန်ကျလာတာ တနှစ်ကျော်သာ ရှိသေးပြီး ဘယ်အဖွဲ့အစည်းက သေနတ်နဲ့ပစ်ခတ်သွားတယ်ဆိုတာ မသိရပါဘူး။

10 months Ago

September 25, 2021

တီးတိန်မြို့နယ်၌ စစ်ကား ၂ စီး မိုင်းထိမှန်၊ စစ်သား ၆ ဦးထက်မနည်းသေဆုံး

ချင်းပြည်နယ်၊ တီးတိန်မြို့နယ်မှာ စက်တင်ဘာ ၂၂ ရက်ညနေပိုင်းက PDF တပ်ဖွဲ့ ၂ ဖွဲ့ ပူးပေါင်းတိုက်ခိုက်ရာမှာ စစ်ကောင်စီဘက်က ၆ ယောက်ထက် မနည်းသေဆုံးပြီး အများအပြား ဒဏ်ရာရသွားတယ်လို့ PDF ZOLAND က ထုတ်ပြန်ပါတယ်။

တီးတိန်မြို့နယ်ထဲမှာ မနေ့ ညနေ ၅ နာရီလောက်မှာ စစ်ကောင်စီတပ်သားတွေ တင်လာတဲ့ကား ၂ စီးကို PDF Zoland နဲ့ Civic Defence Militia တိုပူးပေါင်းတိုက်ခိုက်ခဲ့ရာ စစ်ကောင်စီဘက်က ၆ ယောက်ထက်မနည်း သေဆုံးပြီးတော့ အများအပြားဒဏ်ရာရသွားတယ်လို့ ဆိုပါတယ်။

စစ်တပ်က လက်နက်ကြီး လက်နက်ငယ်တွေနဲ့ ရမ်းသန်းပြီးတော့ ပြန်လည်ပစ်ခတ်ပေမယ့် PDF Zolend နဲ့ CDM တပ်ဖွဲ့ဘက်က အထိခိုက် အကျဆုံးမရှိဘဲ ဆုတ်ခွာနိုင်ခဲ့တယ်လို့ ဆိုပါတယ်။

အကြမ်းဖက်စစ်ကောင်စီဟာ ချင်းပြည်နယ်ထဲက ၈ မြို့နယ်ကို  အင်တာနက်ဖြတ်တောက်ပြီးတော့ မြို့ပေါ်တွေနဲ့ ကျေးရွာတွေကို မီးရှို့ဖျက်ဆီးနေတာကြောင့် ဒေသခံပြည်သူအများအပြား ဘေးလွတ်ရာကို တိမ်းရှောင်နေကြရပါတယ်။

1 year Ago
More News
Up