တီမိုဝါနာ

October 21, 2021

လူကာကူနှင့် တီမိုဝါနာတို့ ပွဲစဉ်အချို့ လွဲချော်နိုင်ဟု ချဲလ်ဆီးနည်းပြတူချယ် အတည်ပြု

ချန်ပီယံလိဂ်ပွဲစဉ်မှာ ဒဏ်ရာရရှိခဲ့ကြတဲ့ တိုက်စစ်မှူးလူကာကူနဲ့ တီမိုဝါနာတို့ နှစ်ဦးဟာ ပွဲစဉ်တချို့ကို လွဲချော်နိုင်ကြောင်း နည်းပြတူချယ်က အတည်ပြုလိုက်ပါတယ်။ 

သူတို့ နှစ်ဦးဟာ မယ်လ်မိုကို ၄ ဂိုး ဂိုးမရှိနဲ့အနိုင်ရခဲ့တဲ့ပွဲစဉ်မှာ ပထမပိုင်းကတည်းက နှစ်ဦးစလုံး ဒဏ်ရာကြောင့် လူစားလဲခံခဲ့ကြရတာပါ။ 

လူကာကူဟာ ပွဲချိန် ၂၃ မိနစ်ကတည်းက ခိုင်ဟာဗက်ဇ်နဲ့လူစားလဲခဲ့ရပြီး တီမိုဝါနာက ၄၄ မိနစ်မှာ ဟက်ဆန်အိုဒွိုင်းနဲ့ လူစားလဲခံခဲ့ရတာပါ။ 

လူကာကူနဲ့ ဝါနာတို့ နှစ်ဦးဟာ ပြိုင်ဘက်အသင်းတွေကို အန္တရာယ်ပေးနိုင်သူတွေဖြစ်ပြီး သူတို့မပါဝင်နိုင်တဲ့ပွဲစဉ်အတွက် အဖြေတစ်ခုရှာရမှာဖြစ်တယ်လို့ သောမက်စ်တူချယ်က ပြောပါတယ်။

တစ်ဖက်မှာတော့ တခြားကစားသမားတွေအတွက် ပွဲထွက်ခွင့်ရ နိုင်တဲ့အခွင့်အရေးဖြစ်ပြီး တခြားကစားသမားတွေဟာလည်း သူတို့နေရာမှာအစားထိုးနိုင်တယ်ဆိုတာ ပြသကြလိမ့်မယ်လို့ နည်းပြတူချယ်ကပြောပါတယ်။

ချဲလ်ဆီးအသင်းဟာ လာမယ့် စနေနေ့မှာ နောဝှစ်ချ်နဲ့ကစားဖို့ရှိပြီး နောက်ထပ် ၃ ရက်အကြာမှာ ဆောက်သမ်တန်နဲ့ လိဂ်ဖလားပွဲစဉ် ကစားသွားရမှာဖြစ်ပါတယ်။ 

7 months Ago

October 8, 2021

အေးဂျင့်အသစ်ငှားရမ်းခြင်းသည် အသင်းပြောင်းရန် မဟုတ်ဟု တီမိုဝါနာ ဖြေရှင်း

အေးဂျင့်အသစ်ငှားလိုက်တာက အသင်းပြောင်းရွှေ့ဖို့အတွက် မဟုတ်ကြောင်း ချဲလ်ဆီး တိုက်စစ်မှူး တီမိုဝါနာက ဖြေရှင်းလိုက်ပါတယ်။ 

ဂျာမနီတိုက်စစ်မှူး တီမိုဝါနာဟာ ချဲလ်ဆီးအသင်းမှာ ခြေစွမ်းပြဖို့ ရုန်းကန်နေရပြီး ပရိးမီးယားလိဂ် ၃ ပွဲပဲ ပွဲထွက်ကစားသမားစာရင်းမှာပါဝင်ခဲ့တာပါ။ 

ပြီးခဲ့တဲ့ သြဂုတ်လက အပြောင်းအရွှေ့ကိစ္စတွေ လုပ်ဆောင်ဖို့ အေဂျင့်ဖော်စတာနဲ့ လမ်းခွဲခဲ့ ပြီး ဗော်ကာစထရုကို အေးဂျင့်အသစ်အဖြစ် ငှားရမ်းခဲ့တာပါ။ 

ဗာနာကတော့ ချဲလ်ဆီးအသင်းမှာ ရုန်းကန်နေရတာကို ဝန်ခံခဲ့ပေမဲ့ အေးဂျင့်အသစ်ငှားလိုက်တာက အသင်းပြောင်းရွှေ့ဖို့ မဟုတ်ကြောင်း ပြန်လည်ဖြေရှင်းခဲ့တာပါ။

ကစားသမားဘဝမှာ အတက်အကျဆိုတာ ရှိတက်ပြီး သင်ခန်းစာတွေယူရင်း အစဉ်အမြဲ ကြိုးစားဖို့ လိုကြောင်း၊ ပွဲကစားချိန်ပိုပြီး လိုချင်တာကြောင့် လေ့ကျင့်ရေးကွင်းမှာ အကောင်းဆုံး ပုံစံပြသဖို့ ကြိုးစားကြောင်း တီမိုဝါနာက ပြောပါတယ်။ 

ဝါနာကို ဘွန်ဒက်စ်လီဂါထိပ်သီး ဘိုင်ယန်မြူးနစ်က ခေါ်ယူလိုနေတယ်လို့ သိရပါတယ်။

8 months Ago
More News
Up