ချက်သမ္မတနိုင်ငံက တီထွင်သူ ရောဘတ်ရှုဘိခ်ဟာ မာစေဒေ့စ် စပရင်တာ ဗန်ကားကို ကုန်းရေ  ၂ တန်သွားယာဉ်အဖြစ် ပြောင်းလဲတီထွင်လိုက်ပါတယ်။ ဒီကားဟာ ပုံမှန်လမ်းတွေပေါ်မှာ မောင်းနိုင်သလို ရေယာဉ်အဖြစ် ပြောင်းလဲ အသုံးပြု နိုင်ပါတယ်။ ခရီးသည် ၁၂ ယောက် တင်ဆောင် နိုင်စွမ်းလည်း ရှိပါတယ်။ ရှုဘိခ်ဟာ ကမ္ဘာလှည့် ခရီးသည်တွေ ချက်နိုင်ငံရဲ့ မြို့တော် ပရပ်ဂ်တလွှား ရှုခင်းကြည့်နိုင်ရေး ကားမောင်းပို့ဖို့ရော ဗ်လ်တာဗာ မြစ်အတွင်း ဇိမ်ခံသင်္ဘောနဲ့ လိုက်ပို့ဖို့ပါ စီစဉ်နေတာပါ။ ဒီယာဉ်ဟာ ကြည့်ကြည့်ချင်း ပုံမှန်ကားနဲ့ တူပေမယ့် ရေထဲမှာ သွားနိုင်ဖို့ ကားနောက်စွန်းမှာ ဝှက်ထားတဲ့ ပန်ကာဒလက် စနစ် ပါရှိပါတယ်။ မူရင်း ကားအစိတ်အပိုင်းတွေကို ဆန်းသစ်ထားပြီး ရေရဲ့ တင်းအားကို ခံနိုင်ဖို့ ပြန် ဂဟေဆော် ထားပါတယ်။ ပစ္စည်း အားလုံးကို သံမဏိနဲ့ လုပ်ထားပါတယ်။ ကုန်းရေ ၂ တန်သွား ဘတ်စ်ကားကို ၄၀ ကီလိုဝပ်ရှိတဲ့ ပင်လယ်သွား အင်ဂျင် တပ်ဆင်ထားပါတယ်။ ဒီယာဉ်ဟာ ပုံမှန် မော်တော်ဘုတ်ကို မောင်းရသလောက်ကို လွယ်တယ်လို့လည်း ရှုဘိခ်က ပြောပါတယ်။ ကွာခြားတာက ဓာတ်ငွေ့လွှတ်ဖို့ ခြေနင်းကို နင်းရပြီး ဦးတည်ချက် ပြောင်းဖို့ ဘီးကို လှည့်ရတာပဲလို့ သူက ဆက်ပြောပါတယ်။ မနှစ်ကရတဲ့ အတွေးအခေါ်ကို လက်တွေ့ တည်ဆောက်ဖို့ နာရီ ၈ ထောင် သုံးခဲ့ရတယ်လို့ သူက ပြောပါတယ်။ သူပိုင်တဲ့ကုမ္ပဏီဟာ အလားတူယာဉ်တွေကို ပိုပြီး တည်ဆောက်ဖို့ ရည်မှန်းထားတာပါ။ ဒီယာဉ်ဟာ အပန်းဖြေ အပျော်ခရီးထွက်သူတွေအတွက်သာမက ရေကြီးချိန် ကယ်ဆယ်ရေး လုပ်ငန်းတွေမှာပါ သုံးနိုင်လိမ့်မယ်လို့ သူက ပြောခဲ့ပါတယ်။

ချီလီနိုင်ငံက စွန့်ဦးတီထွင်သူတဦးက လေထဲကနေရေကို ထုတ်ယူနိုင်မယ့် စက်တမျိုးကို တီထွင်နေပါတယ်။ လေထုထဲကနေ ရေထုတ်ယူတဲ့နည်း အသုံးပြုထားတဲ့စက်ကနေ နိုင်ငံတွင်း အန်းဒီးစ်တောင်တန်း ကုန်းမြင့်ဒေသတွေကို ရေပေးနိုင်တော့မယ်လို့ ဆိုပါတယ်။ Freashwater လို့ နာမည်ပေးထားတဲ့ အဲဒီစက်ဟာ ပုံမှန်ရေမရတဲ့ ဒေသတွေအတွက် အိမ်တွင်းဖြစ်ဖြေရှင်းရေး နည်းလမ်းတခုဖြစ်ပါတယ်။ အန်းဒီးစ် (Andes) တောင်တန်းရဲ့ တောင်ကြောတွေကြောင့် ချီလီအစိုးရဟာ ဆင်ဖြေဖုံးဒေသ တစ်ချို့ကို ပိုက်လိုင်းတွေ ဆက်သွယ်ပြီး ရေပေးလို့ မရနိုင်တဲ့ ပြဿနာရှိနေပါတယ်။ Freshwater ဖန်တီးသူက သူ့ရဲ့စက်ဟာ အလွယ်တကူသယ်ဆောင်နိုင်တဲ့ သဘာဝအတိုင်း မြူနှင်းဖမ်းယူစနစ်ကို အသုံးပြုထားတယ်လို့ ပြောပါတယ်။ အဲဒီစက်က တိမ်တိုက်ငယ်တွေဖြစ်ပေါ်စေပြီး အဲဒီကနေ ရေဖြစ်စေပါတယ်။ အဲဒီနောက်မှာ ရလာတဲ့ရေက ရေစစ်တွေကို ဖြတ်ပြီး ရေပိုက်ခေါင်းကနေ အဆင်သင့် သောက်လို့ရတဲ့ ရေကို ထုတ်ပေးပါတယ်။ စက်ကို တီထွင်ဖန်တီးခဲ့တဲ့သူက Freshwater စက် မော်ဒယ်လ် အမျိုးမျိုးရှိပြီး ရေ ၃၀ လီတာလောက်ထိ သိုလှောင်ထားပေနိုင်တဲ့ စက်တွေအထိ ရှိတဲ့အပြင် ဆိုလာပြားတွေနဲ့ ချိတ်ဆက်အသုံးပြုနိုင်တာကြောင့် မီးမရတဲ့ ဒေသတွေအတွက်လည်း အဆင်ပြေတယ်လို့ ပြောပါတယ်။ ချီလီနိုင်ငံသားတို့ရဲ့ ဘဝတွေကို ပြောင်းလဲပေးနိုင်မယ့် အလားအလာရှိနေတာကြောင့် အဲဒီစက် ဖန်တီးထုတ်လုပ်မှုကို စိတ်ဝင်စားမှုများနေပြီး အယ်လ်-ဆဗေဒေါ (El Salvador) နဲ့ ကိုလံဘီယာ နိုင်ငံတွေမှာ တပ်ဆင်မယ့် စီမံကိန်းတွေအတွက်လည်း မှာယူထားတာတွေ ရှိနေတယ်လို့ ဆိုပါတယ်။ ချီလီနိုင်ငံသား စွန့်ဦးတီထွင်သူက တကမ္ဘာလုံးအနှံ့ သူ့ရဲ့ ထုတ်ကုန်ကို ဖြန့်ဖို့ စီစဉ်နေပါတယ်။ လူအများစုပြီး ရန်ပုံငွေစိုက်ထုတ်ပေးတဲ့ အင်ဒီဂိုဂို website မှာ တကမ္ဘာလုံးက ရေအရှားဆုံး ဒေသတွေကို အဲဒီစက်ဖြန့်ချိနိုင်ဖို့ ရင်းနှီးမတည်ငွေ အမေရိကန် ဒေါ်လာ ၅ သိန်းလိုတယ်လို့ အဆိုပြုလွှာတင်ထားပါတယ်။