တိုးချဲ့ဆောင်

  1. Home
  2. တိုးချဲ့ဆောင်

May 17, 2020

2.3K

သူနာပြုတက္ကသိုလ်တိုးချဲ့ဆောင် ပြိုကျပျက်စီး (ဓာတ်ပုံ)

ရန်ကုန်တိုင်းဒေသကြီး၊ လမ်းမတော်မြို့နယ်၊ အမှတ်(၈)ရပ်ကွက်၊ မင်းရဲကျော်စွာလမ်း၊ သူနာပြုတက္ကသိုလ်ဝင်းအတွင်းရှိ တိုးချဲ့စာသင်ဆောင်မှာ မေ ၁၇ ရက်နေ့ နေ့လယ် ၁ နာရီအချိန်လောက်က ပြုကျပျက်စီးမှု ဖြစ်ပွားခဲ့ပါတယ်။ တိုးချဲ့ဆောင် လေးထပ်ဆောင်ရဲ့ ဆင်ဝင်အပါအဝင် အမိုးတွေပါ ပြိုကျပျက်စီးခဲ့တာဖြစ်ပြီး ပြိုကျမှုကြောင့် ထိခိုက်ဒဏ်ရာရသူမရှိဘဲ မီးသတ်တပ်ဖွဲ့ဝင်တွေနဲ့ လူမှုကူညီရေးအသင်းတွေက ကူညီကယ်ဆယ်ရေးတွေ ဆောင်ရွက်ခဲ့ကြတယ်လို့ သိရပါတယ်။ အဲဒီ လေးထပ် အဆောက်အဦကို ၂၀၁၃ ခုနှစ်က စတင်ဖွင့်လှစ်ခဲ့တာဖြစ်ပြီး အရည်အသွေးညံ့တဲ့အတွက် အခုလို ပြိုကျပျက်စီးသွားခဲ့တာလို့ လမ်းမတော်မြို့နယ် တိုင်းဒေသကြီးလွှတ်တော်ကိုယ်စားလှယ် ဒေါ်အေးအေးမာက ပြောပါတယ်။  ဒါနဲ့ပတ်သက်လို့ တည်ဆောက်ခဲ့တဲ့ ကန်ထရိုက်တာဝန်ရှိသူတွေနဲ့ တွေ့ဆုံသွားမယ်လို့ ဒေါ်အေးအေးမာက ပြောပါတယ်။  အဲဒီအဆောက်အဦဟာ ဖွင့်ပြီး  ၁ နှစ်လောက်ကတည်းက ပပ်ကြားအက်တာတွေ ဖြစ်လာတာလို့ သူနာပြုတက္ကသိုလ်ကျောင်းသူဟောင်းတဦးက ဒီဗွီဘီကို ပြောပါတယ်။ Photo - JPaing / MPA
11 months Ago
© Copyright 2020 DVB Designed and Developed by Digit X Myanmar.
Up