တိုင်းရင်းသားများ

April 27, 2021

ဖားကန့်မြို့က တိုင်းရင်းသားများ NUG အစိုးရကို ထောက်ခံကြိုဆို

ဖားကန့်မြို့၊ တာမခန်မြို့သစ်မှာ ဧပြီလ ၂၆ ရက်နေ့ ညပိုင်းက အမျိုးသားညီညွတ်ရေးအစိုးရ (NUG) ကို ဒေသခံတိုင်းရင်းသားတွေစုပေါင်းပြီး ထောက်ခံကြိုဆိုခဲ့ကြတယ်လို့ သိရပါတယ်။

အမျိုးသားညီညွတ်ရေး အစိုးရ (NUG) ကိုထောက်ခံကြိုဆိုတဲ့ အနေနဲ့ ''We Accept NUG'' စာလုံးကို အားလုံးပေါင်းပြီး ဖရောင်းတိုင်းမီးထွန်းပုံဖော်ခဲ့ကြတာပါ။

နွေဦးတော်လှန်ရေးမှာ ကျဆုံးခဲ့တဲ့ သူရဲကောင်းတွေအတွက်လည်း ရည်စူးပြီး ဆုတောင်းပေးတာတွေ ပြုလုပ်ခဲ့ကြတယ်လို့ ဆိုပါတယ်။

Photo - CJ / MPA

7 months Ago

December 11, 2019

အိမ်နီးချင်း ၃ နိုင်ငံက တိုင်းရင်းသားများအား နိုင်ငံသားပေးမည့် ဥပဒေမူကြမ်းကို အိန္ဒိယတွင် ဆန္ဒပြ

အိန္ဒိယနိုင်ငံအရှေ့မြောက်ပိုင်းက အာသံပြည်နယ်မှာ ဒါဇင်ချီတဲ့ ဆန္ဒပြပွဲတွေ ဒီဇင်ဘာ ၁၀ ရက်က ဖြစ်ပွားခဲ့ပါတယ်။ အိမ်နီးချင်းနိုင်ငံ ၃ နိုင်ငံက မွတ်စလင် မဟုတ်တဲ့ တိုင်းရင်းသားတွေကို နိုင်ငံသားအဖြစ် အသိအမှတ်ပြုမယ့် ဥပဒေမူကြမ်းကို အိန္ဒိယ အောက်လွှတ်တော်က အတည်ပြုအပြီး ခုလို ဆန္ဒပြတာပါ။ အာသံပြည်နယ်ဟာ ဒီဥပဒေမူကြမ်းကို အရင်ကလည်း ဆန့်ကျင်ဖူးတဲ့ ဝေးလံသီခေါင်တဲ့ ပြည်နယ်တခုပါ။ ဆန္ဒပြသူတွေက လမ်းတွေကို ပိတ်ဆို့ပြီး တာယာတွေကို မီးရှို့ရင်း နံရံတွေမှာ ဆောင်ပုဒ်တွေကို ဂရပ်ဖစ်တီ ပန်းချီနဲ့ ရေးခြစ်ကြပါတယ်။ ကျောင်းသားအုပ်စုတွေက ပြည်နယ်အတွင်း ခရိုင်လေးခုကို နေဝင် နေထွက် ပိတ်ထားဖို့ ကြွေးကြော်နေပါတယ်။ ဆိုင်တွေ၊ စီးပွားရေးလုပ်ငန်းတွေ၊ ပညာရေးနဲ့ ဘဏ္ဍာရေးအဖွဲ့အစည်းတွေက ပိတ်ထားဆဲပါ။ အများပြည်သူ သယ်ယူပို့ဆောင်ရေးလုပ်ငန်းတွေလည်း ရပ်နေပါတယ်။ အိန္ဒိယမှာ ဘယ်ဥပဒေမူကြမ်းမဆို ဥပဒေဖြစ်လာဖို့က အောက်လွှတ်တော်၊ အထက်လွှတ်တော် နှစ်ရပ်စလုံးက အတည်ပြု ပြဋ္ဌာန်းဖို့ လိုအပ်ပါတယ်။ ဘင်္ဂလားဒေ့ရှ်၊ ပါကစ္စတန်နဲ့ အာဖဂန်နစ္စတန်နိုင်ငံတွေကနေ အိန္ဒိယနိုင်ငံဆီကို ၂၀၁၅ ခုနှစ်မတိုင်ခင်က လာခဲ့တဲ့ မွတ်စလင် မဟုတ်သူတွေကို အိန္ဒိယနိုင်ငံသား ဖြစ်ခွင့်ပေးဖို့ ဒီဥပဒေမူကြမ်းက အဆိုပြုထားပါတယ်။
2 years Ago
Up