တိုင်ဆန်ဖျူရီ

February 20, 2020

ဖေဖော်ဝါရီ ၂၂ နေ့ ဝိုင်ဒါနှင့် တိုင်ဆန်ဖျူရီတို့ မကျေပွဲ ထိုးမည်

၂၀၂၀ ခုနှစ်အတွက် အကောင်းဆုံးလက်ဝှေ့ပွဲဖြစ်လာမယ့် ဒီယွန်တေးဝိုင်ဒါနဲ့ တိုင်ဆန်ဖျူရီတို့ ထိုးသတ်ပွဲကို ဖေဖော်ဝါရီ ၂၂ ရက်နေ့ ယှဉ်ပြိုင်ကြမှာ ဖြစ်ပါတယ်။ မကြာခဏဆိုသလို ဆိုရှယ်မီဒီယာတွေကနေတဆင့် စကားလုံးတိုက်ပွဲတွေ ဆင်နွှဲနေခဲ့ပြီး မကျေပွဲ ပြန်လည်ထိုးသတ်တာလည်းဖြစ်လို့ ပိုပြီးတော့ ပြင်းထန်လာဖို့ ရှိနေပါတယ်။ နောက်ဆုံးအဆင့် သတင်းစာရှင်းလင်းပွဲမှာလည်း လက်ဝှေ့ကျော်နှစ်ယောက်ဟာ စကားလုံး တွေနဲ့သာမက ကိုယ်ထိလက်ရောက် အပြန်အလှန်တွန်းထုတ်ခဲ့ပါတယ်။ ဒါ့အပြင် လက်ရှိကမ္ဘာ့ချန်ပီယံခါးပတ်ပိုင်ရှင် ဝိုင်ဒါရဲ့ ပြောစကားတချို့ကတော့ ဖျူရီအတွက် အထိနာစေခဲ့ပြီးတော့ ဝိုင်ဒါက တိုင်ဆန်ဖျူရီကို စတွေ့ချိန်မှာ ကိုကင်းစွဲနေတဲ့ ဆေးသမား တယောက်ဖြစ်တဲ့အပြင့် စိတ်ပျက်ဖို့ကောင်းတဲ့ လူတယောက်ဖြစ်ကြောင်း ပြောကြားခဲ့တာ ဖြစ်ပါတယ်။ ဒါ့အပြင် တိုင်ဆန်ဖျူရီ အခုလို လက်ဝှေ့လောကမှာ နာမည်တလုံးရလာဖို့အတွက် သူ လုပ်ပေးခဲ့တာလို့ ပြောကြားသွားခဲ့ပါတယ်။
1 year Ago

October 26, 2019

ဘရွန်းစတိုးရ်မန်းနှင့် ထိုးသတ်ရန် တိုင်ဆန်ဖျူရီ ပြင်ဆင်နေ

တိုင်ဆန်ဖျူရီဟာ လက်တလောမှာတော့ လက်ဝှေ့လောကကနေ အနားယူထားပြီးတော့ စမတ်ဒေါင်းပြိုင်ပွဲဖြစ်တဲ့ WWE မှာ သရဖူလုပွဲစဉ်အဖြစ် ဘရွန်းစတိုးရ်မန်းနဲ့ ထိုးသတ်ဖို့ ပြင်ဆင်နေပါတယ်။  ဖျူရီဟာ လက်ဝှေ့လောကကနေ ခဏတာ အနားယူခြင်းသာ ဖြစ်ပြီးတော့ ၃ လအကြာမှာ ဒီယွန်တေးဝိုင်လ်ဒါနဲ့ မကျေပွဲကို ပြန်လည်ထိုးသတ်သွားမှာလည်း ဖြစ်ပါတယ်။ ဖျူရီက စမတ်ဒေါင်းပြိုင်ပွဲမှာ သွားရောက်ကစားတာနဲ့ ပတ်သက်လို့ ကလေးဘဝ ပြိုင်ပွဲဖြစ်တာနဲ့ မတူညီတဲ့ နယ်ပယ်စုံမှာ ချန်ပီယံ ဖြစ်လိုတာကြောင့်လို့ ထုတ်ဖော် ပြောကြားလိုက်ပါတယ်။ ရှုံးပွဲမရှိ လက်ဝှေ့ကျော် တိုင်ဆန်ဖျူရီဟာ WBC ချန်ပီယံခါးပတ်အပြင် အန်တိုနီဂျော်ရွာ စွန့်လွှတ်ခဲ့ရတဲ့ WBA, IBF, WBO ချန်ပီယံခါးပတ်တွေကို ပစ်မှတ်ထားနေပါတယ်။ နာမည်မျိူးစုံနဲ့ ခါးပတ်တွေဟာ သူ့အတွက် အရေးမပါပေမယ့် အားလုံးရဲ့အပေါ်မှာ ရှိနေဖို့ကတော့ အရေးကြီးတယ်လို့ ပြောကြားခဲ့ပါတယ်။ 
1 year Ago
More News
Up