တိုင်းရင်းသားလက်နက်ကိုင်များညီလာခံ

March 27, 2019

တိုင်းရင်းသားလက်နက်ကိုင်များ အန်စီအေ လက်မှတ်ထိုးရန် တပ်မတော်တိုက်တွန်း

တိုင်းရင်းသားလက်နက်ကိုင်ဒေသတွေမှာ မျှတတဲ့ရွေးကောက်ပွဲ ကျင်းပနိုင်ဖို့ တိုင်းရင်းသားလက်နက်ကိုင်တွေအနေနဲ့  တနိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူ စာချုပ် (အန်စီအေ)ကို လက်မှတ်ထိုးကြဖို့ တပ်မတော်က တိုက်တွန်းလိုက်ပါတယ်။ ဒီကနေ့မနက် နေပြည်တော်မှာ ကျင်းပတဲ့ ၇၄ နှစ်မြောက် တပ်မတော်နေ့ အထိမ်းအမှတ် အခမ်းအနားမိန့်ခွန်းမှာ ဒုတိယ တပ်မတော်ကာကွယ်ရေးဦးစီးချုပ်၊ ဒုတိယဗိုလ်ချုပ်မှူးကြီး စိုးဝင်းက ပြောဆိုခဲ့တာပါ။ တိုင်းရင်းသားဒေသတွေမှာ မျှတတဲ့ ရွေးကောက်ပွဲတွေ ဖြစ်လာစေဖို့နဲ့ မတရားမှုတွေ မဖြစ်စေဖို့ တိုင်းရင်သားလက်နက်ကိုင်တွေ အန်စီအေကို လက်မှတ်ထိုးပြီး နိုင်ငံရေးအရ ဆောင်ရွက်ကြဖို့ တပ်မတော်က တိုက်တွန်းလိုက်တာပါ။ ဒါ့အပြင် ပစ်ခတ်တိုက်ခိုက်မှုရပ်ဆိုင်းထားတဲ့ ကာလအတွင်းမှာ ငြိ်မ်းချမ်းရေးငန်းစဉ်ကို ထိခိုက်စေတဲ့ လုပ်ရပ်တွေ ဆောင်ရွက်ခြင်းမပြုဘဲ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေး ဗဟိုဌာနနဲ့ဖြစ်စေ တပ်မတော်ရဲ့ညှိနှိုင်းဆွေးနွေးရေးအဖွဲ့နဲ့ဖြစ်စေ ငြိမ်းချမ်းရေး အတွက် အမြန်ဆုံး ညှိနှိုင်းဆွေးနွေးကြဖို့လည်း ထပ်မံ ကမ်းလှမ်းသွားပါတယ်။ ဒီကနေ့ ကျင်းပတဲ့ တပ်မတော်နေ့ အခမ်းအနားကို တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ကတော့  ချော်လဲပြီး ဒူးဒဏ်ရာရထားတာကြောင့် တက်ရောက် နိုင်ခဲ့ခြင်းမရှိပါဘူး။ ဒီကနေ့ ကျင်းပတဲ့ တပ်မတော်နေ့ စစ်ရေးပြအခမ်းအနားမှာလည်း အရင်နှစ်တွေကလို တင့်ကားတွေ၊ ဒုံးလက်နက်တွေနဲ့ စစ်ရေးပြခဲ့တာမရှိပဲ တပ်မတော် စစ်ကြောင်းတွေနဲ့သာ ချီတက် စစ်ရေး ပြသွားပါတယ်။
2 years Ago

February 5, 2019

တိုင်းရင်းသားလက်နက်ကိုင်အဖွဲ့ ၄ ဖွဲ့ကို ဖေ့စ်ဘွတ်ခ်ဖယ်ရှား

တိုင်းရင်းသားလက်နက်ကိုင်အဖွဲ့ ၄ ဖွဲ့ကို အန္တရာယ်ရှိတဲ့အဖွဲ့အစည်းတွေလို့ သတ်မှတ်ပြီး လူမှုကွန်ရက်ကနေ ဖယ်ရှားလိုက်တယ်လို့ ဖေ့စ်ဘွတ်ခ်ကုမ္ပဏီက ဒီနေ့ ကြေညာလိုက်ပါတယ်။ ရက္ခိုင့်တပ်မတော် (AA)၊ ကချင်လွတ်လပ်ရေးတပ်မတော် (KIA)၊  ကိုးကန့်တပ်ဖွဲ့ (MNDAA)နဲ့ တအာင်းပလောင်တပ်ဖွဲ့ (TNLA)တို့ရဲ့ ဖေ့စ်ဘွတ်ခ် စာမျက်နှာတွေကို ဖယ်ရှား လိုက်ပြီး သူတို့နဲ့ဆက်နွှယ်ထောက်ခံတဲ့ လှုပ်ရှားမှုတွေကိုလည်းစောင့်ကြည့် ရှင်းလင်းသွားမယ်လို့ ဆိုပါတယ်။ ဒီအဖွဲ့တွေဟာ လက်နက်ကိုင် အကြမ်းဖက်လှုပ်ရှားမှုတွေ လုပ်နေတာကို သက်သေ အခိုင်အမာရှိထားပြီး ဖေ့စ်ဘွတ်ခ်ကို အသုံးပြုလို့ ဒီလုပ်ရပ်တွေ ဆက်မလုပ်နိုင်အောင် တားဆီးတာလို့ ဖေ့စ်ဘွတ်ခ်ကုမ္ပဏီရဲ့ ထုတ်ပြန်ချက်မှာ ဖော်ပြပါတယ်။ ဖေ့စ်ဘွတ်ခ်ကုမ္ပဏီဟာ ပြီးခဲ့တဲ့နှစ် သြဂုတ်လတုန်းကလည်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် အပါအ၀င် တပ်မတော်နဲ့ ဆက်နွယ်တဲ့  လူမှုကွန်ရက်စာမျက်နှာအကောင့်တွေ ဖယ်ရှားခဲ့ပါတယ်။ ဒါ့အပြင် သတင်းမှားတွေ ဖြန့်ချိတာ၊ အမုန်းစကားတွေကို ပြန့်ပွားစေတဲ့ ဦးဝီရသူ၊ ဦးလှဆွေ အပါအ၀င် လူပုဂ္ဂိုလ်တချို့ရဲ့အကောင့်တွေ၊ အစပိုင်းမှာ ပုံစံတမျိုးနဲ့ ပရိသတ်ရအောင် လုပ်ပြီး နောက်ပိုင်းမှာ လှုံ့ဆော်ရေးလက်နက်သဖွယ် ပြောင်းလဲအသုံးပြုလာတဲ့ မြန်မာ လူမှုကွန်ရက် စာမျက်နှာတချို့ကို လည်း ဖေ့စ်ဘွတ်ခ်ကနေ အပြီးတိုင် ရှင်းလင်းခဲ့ပါတယ်။
2 years Ago
More News
Up