တိုကျို မြန်မာသံရုံး

May 23, 2021

တိုကျို မြန်မာသံရုံးရှေ့တွင် ဆန္ဒပြမြန်မာများနှင့် ရဲအချို့ ရုန်းရင်းဆန်ခတ်ဖြစ်

အကြမ်းဖက်စစ်ကောင်စီအောက် ဆက်လက်သစ္စာခံနေမှုအတွက် တိုကျိုမြန်မာသံအမတ် ဦးစိုးဟန်ကို ဆန္ဒပြစဉ် ဆန္ဒပြမြန်မာများနဲ့ ဂျပန်ရဲတချို့ ရုန်းရင်းဆန်ခတ်ဖြစ်ခဲ့ကြပါတယ်။

ဆန္ဒပြ ခေါင်းဆောင်တစ်ဦးဖြစ်တဲ့ ကိုမျိုးကြီးကတော့ မြန်မာပြည်သူတွေကို သစ္စာဖောက်တဲ့ ဒီသံအမတ် ဦးစိုးဟန်ကို အလိုမရှိ ရှုတ်ချကြောင်း ဒီနေ့ လာဆန္ဒပြတာပါ။

သူ့ကို အလိုမရှိကြောင်းပိုစတာတွေကို သံရုံးနံရံမှာကပ်ရင်း ဂျပန်ရဲများက ကြမ်းတမ်းစွာ တားဆီးရင်း ရုန်းရင်းဆန်ခတ်ဖြစ်ရတာပါလို့ ဆိုပါတယ်။

“ဒီသံအမတ်က သူ့သမီးက ဆရာဝန်ပါ။ မြန်မာနိုင်ငံမှာ ဆရာဝန်တွေအပါအဝင် လူတန်းစား အသီးသီးက စစ်အာဏာရှင်ကို ဆန့်ကျင်ရင်း အသက်သွေးချွေးတွေ ပေးဆပ်နေရတာပါ။ ဒါကို ဒီသံအမတ်က ပြည်သူတွေရဲ့ ဆန္ဒကို လျစ်လျူရှူပြီး စစ်ကောင်စီကို သစ္စာခံနေတာကို ရှုတ်ချချင်လို့ လာရောက် ဆန္ဒပြတာပါ” လို့ ဆန္ဒပြပွဲလာရောက်သူ ဒေါက်တာ စန်းစန်းမေဖြိုးအောင်က ပြောပါတယ်။

တိုကျိုသံရုံးမှ ပထမအတွင်းဝန် ဦးအောင်စိုးမိုးနဲ့ ဒုတိယအတွင်းဝန် ဒေါ်အိန္ဒြာသန်းတို့က တော့ CDM ဝင်ရောက်ခဲ့ကြပြီး CDM ဝင်စဉ်က မိမိတို့က အများပြည်သူများဆန္ဒနဲ့အညီ ဓမ္မဘက်မှ ရပ်တည်ချင်လို့ ပြုလုပ်ခဲ့ကြတာလို့ ပြောပါတယ်။

ဒီနေ့ဆန္ဒပြပွဲကို ဂျပန်ရောက် မြန်မာနိုင်ငံသား ၂၀၀ ကျော် လာရောက်ပူးပေါင်းခဲ့တာကို တွေ့ရပါတယ်။

6 months Ago

August 16, 2020

Mask ချုပ်ပြိုင်ပွဲ ပထမဆုရသူကို တိုကျို မြန်မာသံရုံးတွင် ဆုချီးမြှင့်

ကိုဗစ်-၁၉ ကာကွယ်၊ ထိန်းချုပ်မှုအတွက်ရည်ရွယ်ပြီး နိုင်ငံတော်အတိုင်ပင်ခံပုဂ္ဂိုလ် ဖိတ်ခေါ် ကျင်းပခဲ့တဲ့ နှာခေါင်းစည်း Mask ချုပ် ပြိုင်ပွဲမှာ တီထွင်ဖန်တီးမှုအကောင်းဆုံး ပထမဆု ရရှိခဲ့တဲ့ ဦးမျိုးစန်းဦး (myo gyi)ကို တိုကျိုမြို့ရှိ  မြန်မာသံရုံးမှာ ဩဂုတ် ၁၅ ရက်က ဆုတံဆိပ်နဲ့ ဂုဏ်ပြုမှတ်တမ်းလွှာပေးအပ် ချီးမြှင့်လိုက်ပါတယ်။  ကိုဗစ်-၁၉  ကာကွယ်၊ ထိန်းချုပ်၊ ကုသရေးအမျိုးသားအဆင့်ဗဟိုကော်မတီ ဥက္ကဋ္ဌ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုယ်စား ဂျပန်နိုင်ငံဆိုင်ရာ မြန်မာသံအမတ်ကြီး ဦးမြင့်သူက ဆုပေးအပ်ခဲ့တာဖြစ်ပါတယ်။  အဆိုပါ ဂုဏ်ပြုမှတ်တမ်းလွှာ ပေးအပ်တဲ့ အခမ်းအနားကို တိုကျိုမြို့မြန်မာသံရုံးမှ သံမှူးကြီး ဒေါ်စန္ဒာတင်၊ ပထမအတွင်းဝန် ဦးအောင်စိုးမိုးနဲ့  မြန်မာသံရုံးမှ ဝန်ထမ်းတွေနဲ့ ဂျပန်နိုင်ငံရောက် မြန်မာနိုင်ငံသားတချို့လည်း  တက်ရောက်ခဲ့ပါပါတယ်။ ဆုရရှိသူ ကိုမျိုးစန်းဦးက အခုလို ကိုဗစ်ကာလမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုယ်စား သံအမတ်ကြီး ဦးမြင့်သူကိုယ်တိုင် ဆုချီးမြှင့်ပေးလို့ အထူး၀မ်းမြောက်ကျေးဇူးတင်ကြောင်း ပြောပါတယ်။ ဒါ့အပြင် သူ massage ပေးလိုတဲ့ သံမဏိလိပ်ပြာ စိတ်ဓာတ်နဲ့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ဦးဆောင်မှုအောက်မှာ ကိုဗစ်-၁၉ ရောဂါကို အောင်မြင်စွာ ကြံ့ကြံ့ခံနေနိုင်တာ တွေ့ရလို့ ပီတိဖြစ်ရပါတယ်လို့လည်း ကိုမျိုးစန်းဦးက ဒီဗွီဘီကို ပြောပါတယ်။ ပြီးခဲ့တဲ့ မေလက နိုင်ငံတော်အတိုင်ပင်ခံပုဂ္ဂိုလ် အွန်လိုင်းကနေ ဖိတ်ခေါ် ကျင်းပတဲ့ Mask ချုပ်ပြိုင်ပွဲမှာ တီထွင်ဖန်တီးမှုအကောင်းဆုံးဆုအဖြစ် သံမဏိလိပ်ပြာအမည်နဲ့ တင်စားပြီး ထူးထူးခြားခြား Mask ချုပ်လုပ်ပြိုင်ပွဲဝင်ခဲ့တဲ့ ပြိုင်ပွဲဝင်  မျိုးကြီးအကောင့်က ပထမ၊ ငြိမ်းချမ်းရေးသင်္ကေတ သံလွင်ခက် ကိုက်ချီထားတဲ့ ချိုးငှက်ပုံ Mask နဲ့ ပြိုင်ပွဲဝင်ခဲ့တဲ့ ချမ်းမြေ့ကိုအကောင့်က ဒုတိယနဲ့ ချောစုအကောင့်က တတိယဆုတွေ အသီးသီး ရရှိသွားကြတာပါ။
1 year Ago
Up