တိုကျိုအိုလံပစ်

A d v e r t i s e m e n t With Us

January 21, 2021

တိုကျိုအိုလံပစ် ကိုဗစ်-၁၉ အန္တရာယ် စိုးရိမ်ရဟု ကူးစက်ရောဂါပညာရှင် သတိပေး

တိုကျိုအိုလံပစ်ပြိုင်ပွဲဟာ   ကိုရိုနာဗိုင်းရပ်စ် ကူးစက်နိုင်ခြေသိပ်များတယ်လို့ ထင်ရှားတဲ့ ကူးစက်ရောဂါပညာရှင် တစ်ဦးက ပြောပါတယ်။  အိုလံပစ်ပြိုင်ပွဲကို   ဇူလိုင် ၂၃ ရက်မှာ ပြန်ကျင်းပမှာ ဖြစ်ပေမဲ့      ဂျပန်နိုင်ငံ ဒေသ အတော်များများမှာ ကပ်ရောဂါဘေး အရေးပေါ် အခြေအနေ ထုတ်ပြန်ထားပြီး  ကန့်ကွက်တာတွေ များလာတာမို့  ပွဲစီစဉ်သူတွေဟာ ဖိအားတွေ ရင်ဆိုင်နေရပါတယ်။  "ရောဂါကူးစက်လို့ မနှစ်တုန်းက ဖျက်ခဲ့တဲ့ တိုကျိုအိုလံပစ်ကို ဘာလို့ ပြန်လုပ်မှာလဲ။ အခုက  မနှစ်ကထက် ပိုကြီမားတဲ့ အန္တရာယ်ကို ကြုံနေရတယ်"လို့ ကိုဘေတက္ကသိုလ်က ထင်ရှားတဲ့ ကူးစက်ရောဂါပညာရှင် ကန်တာရိုအီဝါတာက ဆိုပါတယ်။  တခြားစီးပွားရေး ထိပ်တန်း ရောက်တဲ့ နိုင်ငံတွေလောက်  ဂျပန်ဟာ ကပ်ရောဂါဒဏ် သိပ်မခံ ရပေမဲ့ မကြာသေးခင်က ကူးစက်တာတွေ မြင့်တက်တာကြောင့် နေထိုင်သူ မဟုတ်တဲ့ နိုင်ငံခြားသားတွေကို နယ်စပ်အဝင်အထွက် ပိတ်ခဲ့ပြီး တိုကျိုနဲ့ မြို့ကြီးတွေမှာ အရေးပေါ် အခြေအနေ ထုတ်ပြန်ခဲ့ပါတယ်။  ရွှေ့ဆိုင်းထားတဲ့ တိုကျိုအိုလံပစ်နဲ့ ပါရာလမ်ပစ်ပြိုင်ပွဲကို ကမ္ဘာတဝန်းက အားကစားသမား နဲ့ အထောက်အကူပြု ဝန်ထမ်း ၁၅,၀၀၀ လာရောက်မှာဖြစ်တာမို့ အိုလံပစ်ဟာ ပွဲစီစဉ်သူတွေ အတွက် စိန်ခေါ်မှု တစ်ရပ်လည်း ဖြစ်ပါတယ်။  ဝန်ကြီးချုပ် ယိုရှီဟီဒဲဆူဂါကတော့ အိုလံပစ်ကို စီစဉ်ထားတဲ့အတိုင်း အစိုးရက ဆက်လုပ်နေတယ်လို့ ပြောပါတယ်။ တိုကျိုအိုလံပစ်ပြိုင်ပွဲကို ဖျက်သိမ်းမယ်ဆိုရင်  ပွဲစီစဉ်သူတွေဟာ အမေရိကန်ဒေါ်လာ ၁၅ ဒသမ ၄ ဘီလီယံ ဆုံးရှုံးပြီး ကြီးမားတဲ့ ဘဏ္ဍာရေး ဆုံးရှုံးမှုဖြစ်စေမယ်လို့ ရိုက်တာက သုံးသပ်တင်ပြပါတယ်။ 
6 days Ago

October 20, 2020

ဆိုင်ဘာတိုက်ခိုက်မှုများကို ဆန့်ကျင်ရမည်ဟု ဂျပန်အစိုးရ ပြော

ကမ္ဘာက အာရုံစိုက်မယ့် တိုကျို အိုလံပစ်ပွဲတော် အောင်မြင်တာ သေချာစေဖို့ ဆိုင်ဘာတိုက်ခိုက်မှု ဆန့်ကျင်ရေး လုပ်ဆောင်ချက်တွေနဲ့ ဂျပန်ဟာ ရှေ့ဆက်ရလိမ့်မယ်လို့ ဂျပန်အစိုးရ ပြောခွင့်ရက အောက်တိုဘာ ၂၀ ရက်မှာ ပြောပါတယ်။ ဂျပန် အစိုးရအဖွဲ့ အတွင်းရေးမှူးချုပ် ခတ်စုနိုဘုခါတိုက “အန္တရာယ်ရှိတဲ့ ဆိုင်ဘာ တိုက်ခိုက်မှုတွေကို လျစ်လျူရှုမထားနိုင်ဘူး။ ဆိုင်ဘာလုံခြုံရေး လုပ်ဆောင်ချက်တွေက အရေးကြီးတယ်လို့ ကျနော်တို့ ထင်တယ်” လို့ ပုံမှန်သတင်းစာ ရှင်းလင်းပွဲမှာ ပြောပါတယ်။ တိုကျို အိုလံပစ်နဲ့ မသန်စွမ်း အိုလံပစ်ပွဲတွေကို နှောင့်ယှက်ဖို့ ကြိုးစားမှု အပါအဝင် ရုရှား စစ်ထောက်လှမ်းရေးတွေ စီစဉ်ညွှန်ကြားတဲ့ အန္တရာယ်ရှိတဲ့ ဆိုင်ဘာတိုက်ခိုက်မှုတွေ ဆက်တိုက် ဖြစ်ခဲ့တယ်လို့ ဗြိတိန်နဲ့ အမေရိကန်က အောက်တိုဘာ ၁၉ ရက်မှာ ပြောရင်း ပြစ်တင်ရှုတ်ချထားပါတယ်။ တိုကျို အိုလံပစ်ပွဲတော်ကို အခုနှစ်ထဲမှာ ကျင်းပဖို့ ကနဦးက သတ်မှတ်ထားပေမယ့် ကိုရိုနာဗိုင်းရပ်စ် ကူးစက်ကပ်ရောဂါကြောင့် ပွဲစဉ်ကို ရွှေ့ဆိုင်းခဲ့ရတာလည်း ဖြစ်ပါတယ်။
3 months Ago
More News
Up