တိုက်လေယာဉ်

September 22, 2021

မကွေးလေတပ်စခန်းဌာနချုပ်က တိုက်လေယာဥ်များ ဆက်တိုက်အတက်ဆင်းပြုလုပ်နေ

မကွေးမြို့မှာ စက်တင်ဘာ ၁၉ ရက်မှ ၂၂ ရက် ဒီနေ့မနက်အထိ မကွေးလေတပ်စခန်းဌာနချုပ်က တိုက်လေယာဥ်တွေ ဆက်တိုက်အတက်အဆင်းပြုလုပ်နေတယ်လို့ လေတပ်စခန်း အနီးပတ်ဝန်းကျင်မှာနေထိုင်တဲ့ ဒေသခံတွေဆီကနေ သိရပါတယ်။

မကွေးလေတပ်စခန်းဌာနချုပ်က တိုက်လေယာဥ်တွေဟာ နေ့ပိုင်းရော ညပိုင်းပါ အကြိမ်ရေ ၂၀ ထက်မနည်း ဆက်တိုက်ပျံတက်နေတာကြောင့် နားတွေအူနေတယ်လို့ လေတပ်စခန်းအနီးက ဒေသခံတစ်ယောက်က  ဒီဗွီဘီကို ပြောပါတယ်။

အဲဒီလေတပ်စခန်းမှာ NUG အစိုးရက ပြည်သူ့ တိုက်ပွဲခေါ်သံ စတင်ကြေညာတဲ့ စက်တင်ဘာ  ၇ ရက်ကလည်း တိုက်လေယာဥ်တွေ ဆက်တိုက်ပျံသန်းခဲ့ပါတယ်။

အခုရက်ပိုင်းမှာ ချင်းပြည်နယ်နဲ့ စစ်ကိုင်းတိုင်းမှာ တိုက်ပွဲပြင်းထန်ဖြစ်ပွားနေသလို  NUG အစိုးရက တိုက်ပွဲအရှိန်မြှင့်မယ်လို့ ပြောထားချိန်မှာ ခုလို စစ်ကောင်စီဘက်က တိုက်လေယာဉ်တွေ ခပ်စိပ်စပ် ဆက်တိုက် အတက်ဆင်းလုပ်နေကြတာလို့ ဆိုပါတယ်။

မကွေးလေတပ်စခန်းဌာနချုပ်ကို ပြီးခဲ့တဲ့ ဧပြီလ ၂၉ ရက်နေ့က ပြည်သူ့တော်လှန်ရေးအင်အားစု PRA က ရှော့တိုက်ဒုံး ၄ လုံးနဲ့ပစ်ခတ်တိုက်ခိုက်ခဲ့သလို သြဂုတ်လ ၈ ရက် ရှစ်လေးလုံးအရေးတော်ပုံ ၃၃ နှစ်ပြည့်အထိမ်းမှတ်အနေနဲ့ ဗိဿနိုး PDF နဲ့မဟာမိတ်တပ်ဖွဲ့တွေက ဗုံးခွဲတိုက်ခိုက်ခဲ့ပါတယ်။

4 weeks Ago

May 28, 2021

မကွေးလေတပ်စခန်းဌာနချုပ်မှ တိုက်လေယာဉ်များ ဆက်တိုက် အတက်အဆင်းပြုလုပ်နေ

မကွေးလေတပ်စခန်းဌာနချုပ်မှာ မေ ၂၈ ရက်မနက်ပိုင်းက တိုက်လေယာဉ်တွေ အတက်အဆင်း ဆက်တိုက်လုပ်နေတယ်လို့ မကွေးမြို့ဒေသခံတွေဆီကနေ သိရပါတယ်။

"မကွေးလေတပ်စခန်းဌာနချုပ်က ဂျက်တိုက်လေယာဉ်တွေ ဒီနေ့မနက်ပိုင်းမှာကိုပဲ အိမ်ခေါင်မိုးပေါ်ကနေ ဖြတ်ပျံနေတာ အကြိမ် ၂၀ မက ရှိပြီ"လို့ လေတပ်စခန်းနဲ့ နီးစပ်တဲ့ မြို့ခံ တစ်ယောက်က ပြောပါတယ်။

တိုင်းရင်းသားဒေသတွေဖြစ်တဲ့ KIO/ KIA နဲ့  KNU/KNLA နယ်မြေတွေ အပါအဝင် ချင်းပြည်နယ်နဲ့ ကယားပြည်နယ်တွေမှာ တိုက်ပွဲတွေဖြစ်ပွားနေတာကြောင့် စစ်တပ်က လေကြောင်းကနေ ဗုံးကြဲမှာကို မကွေးမြို့ခံတွေ စိုးရိမ်နေကြပြီး ဘေးအန္တရာယ်ကင်းအောင်လည်း ဆုတောင်းပေးနေတယ်လို့ ဆိုပါတယ်။

ဧပြီ ၂၉ ရက်က မကွေးလေတပ်စခန်းဌာနချုပ်နဲ့ မိထ္ထီလာလေတပ်စခန်းဌာနချုပ်တွေ ရှော့တိုက်ဒုံးနဲ့ ပစ်ခတ်ခံခဲ့ရပါတယ်။

5 months Ago
More News
Up